Nthi 13:2 - ÎVUKU RÎA ÛVORO MWARO

² Mûndû mwaro anyitaga maûndû maro nîûndû wa ciugo irîa aragia, nwatî acukanîrîri meriragîria gwîka andû arîa engî naaî.

Nthi 13:2 Referencias Cruzadas

Thaburi 140:11

Tiga arîa macambanagia matigekindîrie vûrûrirî, andû arîa aganu marocokererwa nî maûndû macûku na mamathirie wa rîmwe.

Thaburi 75:8

Ngai-Mûnene anyitîte gîkombe na njara, gîcûrîte ndivei ndûrû ya marakara make. Nîaramîtûrûra, na andû onthe arîa aganu nîmaramînyua; maramînyua yonthe nginya îtata rîa mûthiia.

Nthi 1:18

Nwatî andû ta acio methithagîra andû, meyûragaga o ene, meyovagîra o ene na makeyûraga.

Nthi 1:31

Kwoguo, nîmûkaarîa matunda ma mîthiîre yenyu, na mûvûnue nî mîvango yenyu.

Nthi 10:11

Ciugo cia mûndû mûthingu nî ta kîthima gîa ûtûûro, nwatî ciugo cia mûndû mwaganu ithithagîrîra waganu.

Nthi 11:23

Merirîria ma mûndû mûthingu marîkagîrîria na ûndû mwaro; nwatî kîîrîgîrîro Kîam mûndû mwaganu kîrigagîrîria na marakara.

Nthi 12:14

Mûndû avecagwa kîveo kûringana na ûrîa aragia; na mûndû anyitaga kîrîa kîmwagîrîrîte kuumana na wîra wa njara ciake.

Nthi 18:20

Mîario ya mûndû nîyo îtûmaga mûndû avae, maûndû marîa mûndû aragia nîmo matûmaga eganîre.

Nthi 18:21

Maûndû marîa mûndû aragia nwa matûme akue kana atûûre mwoyo; kwoguo andû arîa mendete kwaria nîmonaga maciaro ma mîario yao.

Nthi 4:17

Waganu nîta irio kûrî o, nayo mbaara nîta ûcûrû kûrî o.

Hosea 10:13

Nwatî mûvandîte maûndû macûku, mûraketha maûndû matarî na kîvooto; nîmûrîte matunda ma ûthani wenyu. We Isiraeli, wevokire vinya waku wenga, na wîngî wa athigari aku a mbaara.

Habakuku 2:17

Maûndû macûku marîa wîkîte Lebanoni nîmagagûcokerera. Nîwaûragire nyamû ciakuo; nacio nîikaamwîgwithia guoya. Maûndû mama nîmagagûkinyîra, nîûndû wa ûûragani na maûndû macûku marîa wîkîte gûkû nthî, îni, maûndû marîa wîkîte matûûra, na arîa matûûraga kuo.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”