Nthi 10:14 - ÎVUKU RÎA ÛVORO MWARO

¹⁴ Andû arîa aûgî maragia maûndû mavarîrîrîtie, nwatî mûtûkatûko wa irimû nîûtûmaga kûgîe na thîna.

Nthi 10:14 Referencias Cruzadas

Nthi 1:5

Andû arîa aûgî wanao nîmaithikagîrîrie nîguo mongerere ûûgî, na andû arîa marî na ûmenyo magîcage na wara,

Nthi 10:10

Mûndû ûrîa ûthithagîrîra ûma nîatûmaga kûgîe na thîna, nwatî mûndû ûrîa waragia ûma aûmîrîrîtie nîatûmaga kûgîe na thayû.

Nthi 10:8

Andû arîa marî ûûgî wa ngoro nîmavingagia maathani, nwatî andû arîa maragia ûrimû mecûkangagia o ene.

Nthi 12:23

Andû arîa aûgî matiendaga kwonania atî nî aûgî, nwatî irimû nîcianagîrîra ûrimû wa cio.

Nthi 13:3

Mûndû ûrîa ûmenyagîrîra mîario yake nîagitagîra mwoyo wake. Mûndû ûrîa ûtamenyagîrîra mîario yake ecûkangagia ke mwene.

Nthi 17:20

Mûndû ûrîa wîciragia maûndû macûku ndathatûkagwa, na mûndû ûrîa waragia maveeni nîagûcaga thînarî.

Nthi 18:1

Mûndû ûrîa wîciragia wa maûndû make nî eyamûranagia na andû arîa engî; na nîareganaga na ûrîa wonthe andû arîa engî matuîte.

Nthi 18:15

Mûndû mûûgî nîeriragîria kûmenya maûndû, na matû ma mûndû mûûgî nîmegucaga ûmenyo.

Nthi 18:7

Kîrimû gîîcûkangagia na mîario yakîo kîo kîene, kîînyitithagia na mîario yakîo kîo kîene.

Nthi 19:8

Mûndû ûrîa wîyendete nîacaragia ûûgî; mûndû ûrîa ûmenyagîrîra ûûgî nîagaakena.

Nthi 21:23

Mûndû ûrîa ûmenyagîrîra ûrîa akwaria, nîaûragîra thîna.

Nthi 9:9

Thomithia mûndû mûûgî, na nîakaaûvîga makîria. Thomithia mûndû mûthingu na nîakoongerera ûmenyo.

Mûvunjia 10:12

Ciugo cia mûndû mûûgî nîitûmaga atîwe, nwatî kîrimû gîcûkangagua nî mîario yakîo.

Mathaayo 12:35

Mûndû mwaro aragia maûndû maro marîa aigîte ngororî yake. Nake mûndû mûcûku aragia maûndû macûku marîa aigîte ngororî yake.

Mathaayo 13:44

“Ûthamaki wa îgûrû wîkariî ta mûthithû ûthithîtwe mûgûndarî. Mûndû ûmwe nîwonire mûthithû ûcio na akîûthitha mûgûndarî ûcio rîngî. Ke nîwakenire mûno na akîthiî akîendia indo ciake cionthe na akîgûra mûgûnda ûcio.

Mathaayo 13:52

Kwoguo Jesû nîwamerire atîrî, “Mwarimû wa wonthe wa Watho ûrîa ûtuîkîte mûrûmîrîri wa Ûthamaki wa Îgûrû, ekariî ta mwene mûciî ûrîa ûrutaga indo irîa njerû na irîa ngûrû kuuma mûthithûrî wake.”