Nthi 10:13 - ÎVUKU RÎA ÛVORO MWARO

¹³ Andû arîa marî ûmenyo maragia maûndû ma ûûgî, nwatî andû arîa maragia ûrimû nîmaverithagua.

Nthi 10:13 Referencias Cruzadas

Thaburi 32:9

Ndûgatuîke kîrimû ta mbarathi kana nyûmbû irîa itarî ûmenyo, igucagua na gîcûvî na mûkanda ûrî kanyua nîguo yathîke.”

Thaburi 37:30

Andû arîa athingu maragia ciugo cia ûûgî, na maragia ciugo cia waragania.

Ntha 10:12

Ngai-Mûnene nîwacokire akîra Musa atîrî, “Ûkîrîria njara yaku îgûrû rîa vûrûri wa Misiri nîguo ûtûme ngige ciûke kuo. Nacio nîikûrîa kîrîa kîonthe gîkûraga, kîrîa gîatigarire vîndî ya mbura ya mbembe.”

Nthi 10:21

Ciugo cia mûndû mûthingu igunaga andû eengî, nwatî irimû ikucaga nîûndû wa gûtura ûmenyo.

Nthi 10:31

Andû arîa athingu maragia maûndû ma ûûgî, nwatî andû arîa maragia maûndû marîa macûku nîmagaacûkangua.

Nthi 15:23

Kuga ûndû ûrîa mwagîrîru nî gûtûmaga mûndû agîe na gîkeno, na kuga ûndû vîndî îrîa mbagîrîru nî ûndû mwaro.

Nthi 15:7

Andû arîa aûgî maragia maûndû marî na ûmenyo, nwatî tî arîa irimû.

Nthi 16:21

Mûndû mûûgî nîecîkene nîûndû wa ûtaûku wake, na ciugo ciake mbaro nîigucagîrîria andû.

Nthi 17:10

Mûndû mûûgî akanîtue nîanyitaga ûndû ûcio na njîra ndikîru, gûkîra mûndû mûritu arivîtwe maita îgana.

Nthi 19:29

Mûndû wa îtherû nîaverithagua, nacio irimû nîikaarivwa mîrukuthu na ivoko.

Nthi 20:15

Kûrî thaavu na mathiga ma goro meengî, nwatî ciugo cia ûûgî irî goro makîria.

Nthi 26:3

Mbarathi îrivagwa na kîvoko, mvunda yovagwa na mûkanda, nakîo kîrimû kîrivagwa na kîthanju.

Nthi 27:22

Wana ûgakima kîrimû na ndîrî ta mbembe, ndûngîruta ûrimû ndaarî yakîo.

Nthi 6:32

Mûndû ûrîa ûtharagia ethagîrwa arî mûritu, mûndû ûrîa wîkaga ûguo ecûkangagia ke mwene.

Nthi 7:22

Wa rîmwe mwanake ûcio nîwarûmîrîre mûndûmûka ûcio, ta ndegwa îthiîte kûthînjwa, kana ta ngûrûngû înyitîtwe nî mûtego,

Isaia 50:4

Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.

Luka 4:22

Andû onthe nîmaakenirue mûno nîke na makîmaka, nîûndû wa mîario mîaro îrîa aaragia. Nao nîmaambîrîrie kûrania atîrî, “Na kinthî ûyû tî mûvîcî wa Josefu?”