JOSHUA 7:19 - Bukuit Ne Tilil

Koleenji Joshua Akan, “Weeriinnyu asaain ale, igoochi toroornatet Kamuktaindet ne Toroor, Kamuktaindetap Israel. Ng'aang'ji ineendet ak imwaiwo nguno kiit ne koiyai, mat iung'ena.”

BUKUIT NE TILIIL Sireet ne Dutero Kanon

Koleenji Joshua Akan, “Weeriinnyu asaain ale, igoochi toroornatet Kamuktaindet ne Toroor, Kamuktaindetap Israel. Ng'aang'ji ineendet ak imwaiwo nguno kiit ne koiyai, mat iung'ena.”

BUKUIT NE TILIL

Ak kolenji Josua Akan, Werinnyu, asain ale, igochi torornatet Jehovah, Kamuktaindetab Israel, ng’ang’ji inendet; ak imwawa nguno kit ne koiyai; mat iung’ena.

JOSHUA 7:19 Referencias Cruzadas

2 LAITORINIK 20:15

Ak ki le ineendet, “Kagogeer nee eng' koong'ung'?” Ak kowol Hezekiah kole, “Kagogeer tuguuk tugul che mi koonnyu, ma ng'et kiy eng' konoraikyuk ne ma aboorchi.”

2 ATEPTAP PEETUUSYEK 30:22

Kicheer anyun `Hezekiah Lawiik tugul che ki ineetatin eng' otisyetap Kamuktaindet ne Toroor. Koamis anyun eng' igoorto tugul eng' peetuusyek tisap, kogoitoi tiseiywek che po kaalyeet, ak komwachin kongoi Kamuktaindet ne Toroor, Kamuktaindetap kwanisyekwak.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

TIENWOGIKAL 51:3

Amu ang'aanye pistautikyuk; ak mi tainnyu ng'oogistonyu kotugul.

KALEWANAIK 28:13

Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

ISAIAH 13:12

Ayae chiito koek ne ki cheeng'ei kosiir thahabu che korooron, chiito ne siirei thahabu che tiliileen che po Opir.

JEREMIA 13:16

Ogonyit Kamuktaindet ne Toroor Kamuktaindeng'wong', kotom koip mesundeito konyo, kotom kinach keelyekwok eng' tuloonoogap mesundeito. Ak ye ocheeng'e lapkeiyet, kowal koek urwetap meet ak koyai koek mesundeito ne oo.

DANIEL 9:4

Ki asaa Kamuktaindet ne Toroor Kamuktaindennyu, ak ang'aang'ji ineendet ale, ee Kiptaiyat, Kamuktaindet ne oo ne kiywei, ne riibei kayomiset ak rireenet eng' icheek che chamei ineendet ak koriibei ng'atuutikyik,

LUKA 17:18

Tos ma piit agot agenge ne kaweek kogoochi kalasunet Kamuktaindet, kobatee toondoni?

JOHANA 9:24

Ki kuur anyun ne po aeng' pichooto chiichooto ki koraat, ak koleenji, “Igoochi Kamuktaindet kalasunet: kingen keele kiptengekyo chiichi.”

ROMANIK 10:10

Amu iyani chii eng' muguleldo agoi imanda; ak ng'aanyei eng' kutit agoi saruunet.

2 TIMOTEO 2:25

ne kere kong' eng' mutyonet icheek che kirindoi; tamangap kogoochi Kamuktaindet icheek siguunet ne po naetap imanit,

TITO 2:2

si koriipkei poisyek che kagoeegitu, koek che po teegisto, che pou kabwaatutikwak, che po iman eng' kayaneet, eng' chamyet, eng' muitaet:

JAKOBO 1:20

amu ma yaei nereegegap chii imandap Kamuktaindet.

JOSHUA 7:20

Ki wolji `Akan Joshua koleenji, “Eng' iman ko koayachi chalwok Kamuktaindet ne Toroor, Kamuktaindetap Israel, ak koayai ko uu ni ak ko uu ni.

NG'ANG'UTYET 16:9

Ki kibeel piik eng' peelet ne oo; ak ki chup kainetap Kamuktaindet ne tinyei kimnateet koboi korotwechuuto; ak ma sik si kobiit kogoochi toroornatet.

1 SAMUEL 14:43

Ki leenji anyun `Saulo Jonathan, “Mwaiwo kiit ne koiyai.” Ak ki mwachi Jonathan ineendet koleenji, “Koachamcham iman kumyat kitigin eng' walitap kirokto ne komi eunnyu. Achoboot nguno ame.”

1 SAMUEL 6:5

Nooto anyun, oyai itoonwegap kabwanutikwok ak itoonwegap murekwok che ng'emei emet, si kobiit otoroor Kamuktaindetap Israel tamangap ko tustus eunnyi eng' okweek ak eng' kanamonikwok ak eng' emeng'wong'.