JOSHUA 7:19 - BUKUIT NE TILIL

¹⁹ Ak kolenji Josua Akan, Werinnyu, asain ale, igochi torornatet Jehovah, Kamuktaindetab Israel, ng’ang’ji inendet; ak imwawa nguno kit ne koiyai; mat iung’ena.

Bukuit Ne Tilil

¹⁹ Koleenji Joshua Akan, “Weeriinnyu asaain ale, igoochi toroornatet Kamuktaindet ne Toroor, Kamuktaindetap Israel. Ng'aang'ji ineendet ak imwaiwo nguno kiit ne koiyai, mat iung'ena.”

BUKUIT NE TILIIL Sireet ne Dutero Kanon

¹⁹ Koleenji Joshua Akan, “Weeriinnyu asaain ale, igoochi toroornatet Kamuktaindet ne Toroor, Kamuktaindetap Israel. Ng'aang'ji ineendet ak imwaiwo nguno kiit ne koiyai, mat iung'ena.”

JOSHUA 7:19 Referencias Cruzadas

2 LAITORINIK 20:15

Ak kile inendet, Kagogeer nee eng’ gong’ung’? Ak kowol Hesekia kole, Kagogeer tuguk tugul che mi gonnyu: ma ng’et kiy eng’ konoraikyuk ne ma aborji.

2 ATEPTAP PEETUUSYEK 30:22

Kicheer anyun Hesekia Lawik tugul che ki inetotin eng’ otisietab Jehovah. Koamis anyun eng’ igorta tugul eng’ betusiek tisab, kogoitoi tiseiywek che bo kalyet, ak komwachin kongoi Jehovah, Kamuktaindetab kwanisiekwak.

TIENWOGIKAL 32:5

Kiamwaun chalwoktanyu, ak ma aung’enen tengektanyu: Kiale, Ang’ang’jini Jehovah bistaosiekyuk; Ak kiinyoiywa kaat chalwoktab tengektanyu.

TIENWOGIKAL 51:3

Amu ang’anye bistautikyuk: Ak mi tainnyu ng’ogistanyu kotugul.

KALEWANAIK 28:13

Manyoru berurto inendet ne unyei bistaosiekyik: Ago nyoru rirenet age tugul ne ng’anyei ak kometo.

ISAIAH 13:12

Ayae chito koek ne kicheng’ei kosiir tahabu che kororon, chito ne siirei tahabu che tililen che bo Opir.

JEREMIA 13:16

Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

DANIEL 9:4

Ak kiasa Jehovah Kamuktaindennyu, ak ang’ang’ji inendet ale, Ee Kiptaiyat, Kamuktaindet ne o ne kiywei, ne ribei kayomiset ak rirenet eng’ ichek che chamei inendet ak koribei ng’atutikyik;

LUKA 17:18

Tos ma biit agot agenge ne kaweek kogochi kalosunet Jehovah, kobate toondoni?

JOHANA 9:24

Kiguur anyun ne bo aeng’ bichoto chichoto ki korat, ak kolenji, Igochi Jehovah kalosunet: kingen kele kiptengekyo chichi.

ROMANIK 10:10

amu iyani chi eng’ muguleldo agoi imanda; ak ng’anyei eng’ kutit agoi yetunet.

2 TIMOTEO 2:25

ne kere kong’ eng’ mutyonet ichek che kirindoi; tamangab kogochi Jehovah ichek sigunet ne bo naetab imanit,

TITO 2:2

si koripgei boisiek che kagoeegitu, koek che bo teegisto, che bou kabwatutikwak, che bo iman eng’ kayanet, eng’ chamnyet, eng’ muitaet:

JAKOBO 1:20

amu mayaei neregekab chi imandab Jehovah.

JOSHUA 7:20

Ak kiwolji Akan Josua kolenji, Eng’ iman, ko koayachi tengek Jehovah Kamuktaindetab Israel, ak koayai ko u ni ak ko u ni:

NG'ANG'UTYET 16:9

Ak kigibeel bik eng’ beelet ne o: ak kichub kainetab Jehovah ne tinyei kimnatet koboi korotwechuto; ak ma sik si kobiit kogochi torornatet.

1 SAMUEL 14:43

Kilenji anyun Saul Jonatan, Mwawa kit ne koiyai. Ak kimwachi Jonatan inendet, kolenji, Koachamjam iman kumik tutigin eng’ walitab kirokto ne komi eunnyu; ak keero, amee.

1 SAMUEL 6:5

Noto anyun, oyai itonwekab kabwanutikwok, ak itonwekab murekwok che ng’emei emet; si kobiit otoror Kamuktaindetab Israel; tamangab ko nyamnyum eunnyi eng’ okwek, ak eng’ kanamonikwok, ak eng’ emeng’wong’.