NG'ATUTIK 32:39 - BUKUIT NE TILIIL Sireet ne Dutero Kanon Ogeer anyun nguno ole anee, ko aa ineendet iman, Ma mi kamuktain, ami aneege. Abare ak asoobi; Ki aguoten ak ki anyaa: Ak ma mi ne imuuchi kosar eng' eunnyu. Bukuit Ne Tilil Ogeer anyun nguno ole anee, ko aa ineendet iman, Ma mi kamuktain, ami aneege. Abare ak asoobi; Ki aguoten ak ki anyaa: Ak ma mi ne imuuchi kosar eng' eunnyu. BUKUIT NE TILIL Ogeer anyun nguno ole ane, ko a inendet iman, Mami cheptalelit, ami anege: Abare, ak asoobi; Kiaguoten, ak kianya: Ak mami ne imuchi kosor eng’ eunnyu. |
“Weege kogeny, ak ileenji Hezekiah pounindetap piikyuk, Kamwa Kamuktaindet ne Toroor, Kamuktaindetap kwandang'ung' Daudi, kole: Kaagas saaeng'ung', kaageer peeguk po kong'; ara asaabin anyun. Itogostoi kootap Kamuktaindet ne Toroor eng' peetuutap somok.
Kingo kagosoman parwaanooto laitoryatap Israel, kogereer ngoroikyik ak kole, “Tos aa Kamuktaindet, ne abare ak asoobi, si koyookwo chiichi chiito konyo asoop eng' mogondosaikyik? Ago asoomin ale ibwaat ak igeer ole cheeng'doi suryet eng' anee!”
Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.
Amu tos ng'oo Kamuktaindet, kobatee Kamuktaindet ne Toroor? Ak tos ng'oo rwandet, kobatee Kamuktaindennyo?
“Ara anyun obwaat chuuto, okweek che outye Kamuktaindet, si ma tonak, ama piitu chii ne sarwok.
Kamuktaindet eng' acheek ko Kamuktaindet ne po saruunet; po Kiptaiyat Kamuktaindet ortinwek che kechilile eng' meet.
ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”
Koleenji Kamuktaindet; “Ketite euut irookte tegeng'ung'.” Ki iweech Musa euut korookto tegeennyi ak ye kingo nem, ko kagomyeeit ko uu yegai.
peetuut ne kibarisye ak peetuut ne kinyaise; peetuut ne kibutisyei, ak peetuut ne kiteekse;
Ak tuun pirei Kamuktaindet ne Toroor Misiri, kobir ak kosoop; ak koweekyigei Kamuktaindet ne Toroor, ak kogasyi soomutikwak ak kosoop icheek.
Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.
Ng'oo ne ki kobois ak kogees, ne kuurei ibinwek kobooch taunet? Anee Kamuktaindet ne Toroor ne po tai, ak ne po let, aa ineendet.
Oo paorinikyuk, mwaei Kamuktaindet ne Toroor, ak otwogindennyu ne ki alewen; si kobiit onai ak oyana, ak oguiye ole aa ineendet; ma mi Kamuktaindet age ne kisip keyai eng' anee, ama kobiitu age eng' let.
Ki amwaite, ak ki asaru, ak ki abarte, ama mi kamuktain ne teer eng' kwenung'wong': oo paorinikyuk anyun, mwaei Kamuktaindet ne Toroor, ak aa Kamuktaindet.
Ee, aa ineendet kobooch agoi, ama mi age ne imuuchi korep eng' eunnyu: aboisyei, ak ng'oo ne imuuchi koger?
Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.
Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.
Aa Kamuktaindet ne Toroor, ama mi age; ma mi Kamuktaindet age kobatena: agermenin, nganda tomo inaa:
Aa ineendet agoi osindo, ak agesenook agoi osich kalwalek: ki ayae, ak ageseni, ee ageseni, ak asaru.
Oepcha iit, ee Jakobo, ak Israel nenyu, ne ki aguur: aa ineendet; aa ne po tai, ak ko aa ne po let kogeny.
Maoten anyun, ak ileenji icheek, Mwaei Kiptaiyat Kamuktaindet ne Toroor kole: Ogeero, ayaate kereeriisyekwok, ak among'wok eng' kereeriisyekwok, ee piikyuk; ak amutwok obwa emetap Israel.
ak ki leenjo, Ee, weeriitap chii, tos, imuuchi kosapcho kowechu? Ak ki awolu ale, Ee Kiptaiyat Kamuktaindet ne Toroor, ingen inyee.
Amu aigeitu ng'etundo eng' Ephraim, ak aigeitu ng'etundo ne neran eng' kootap Judah. Agereeri aneendet ak awe; amuti ama piitu chii ne saru.
“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.
Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.
Nooto kaamwaiwok, ale, obegu eng' tengekwogikwok: amu ngo moyuani ole aa ineendet, obegu eng' tengekwogikwok.”
Kamuktaindet ne Toroor ineegei ne ki indochi ineendet, ak ma piit kamuktain ne po pororyosyek alak kobooto ineendet.
Ki kiboorun inyee si kobiit inai ile Kamuktaindet ne Toroor ineendet ko Kamuktaindet ne Toroor, ma mi age kobatee ineendet ineegei.
Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.
ak imamani ko uu ngoryeet ne tabanu parak, ak kiwalei ko uu ngoryeet. Ago iuu nooto inyee agoi, ama tinyei kenyisyeguk ole igeesunegei.”
koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”
“Ak isirchi malaikaiyatap kaniset ne mi Smyrna, ileenji: “Mwaei tuguuchu ineendet ne po tai ak ko ne po let, ne kime ak kosap kogeny: