LUKA 10:2 - BUKUIT NE TILIIL Sireet ne Dutero Kanon

Ago ki leenji icheek, Oo kesisyet ago ng'ering' kesik: nooto anyun osoom Kiptaiyat ne po kesisyet, si kobiit koyookyi kesik kesisyennyi.

Bukuit Ne Tilil

Ago ki leenji icheek, Oo kesisyet ago ng'ering' kesik: nooto anyun osoom Kiptaiyat ne po kesisyet, si kobiit koyookyi kesik kesisyennyi.

BUKUIT NE TILIL

Ago kilenji ichek, O kesisiet ago ng’ering’ kesik: noto anyun osom Kiptaiyat ne bo kesisiet, si kobiit koyokyi kesik kesisiennyi.

LUKA 10:2 Referencias Cruzadas

1 LAITORINIK 18:22

Koleenji anyun Elijah piik, “Anee, aneege kityo, maotyotap Kamuktaindet ne Toroor ne aa ng'etunot; ago maotigap Baal ko pogol ang'wan ak konom.

TIENWOGIKAL 68:11

Igoitoi Kiptaiyat ng'olyoot: Oo lugeetap kobogorisyek che mwaitoi ng'aleek.

JEREMIA 3:15

Agoonok mestoweek che chamei muguleldanyu, che paok eng' naet ak kaguiyet.

SEKARIA 11:17

Pwo! Mestowot ne ma tilei kiy ne pagaktoi akweet! Ingooep rotwetap chok eunnyi ak kobol kondanyi ne po tai, ingoyaamei eunnyi ak kogor kondanyi ne po tai.

SEKARIA 11:5

Icheek che alei ko enyei ak koba koma nyoor kergong'yet. Che aldoi komwaei koleen, ‘Iberuurot Kamuktaindet ne Toroor, amu ka aa egu mogoryo’; ak ma riiree mestowekwak icheek.

KAITOSYEK 11:17

Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

KAITOSYEK 11:29

Ago ki leenji `Musa ineendet, “Kaamin ng'et kong' agobo anee? Myee nda egu maotik piik tugul che po `Kamuktaindet ne Toroor ak myee nda indoi Kamuktaindet ne Toroor Kabuusennyi ne Tiliil kotebee icheek!”

MATAYO 20:1

“Amu kergei pounatetap kipsengwet ak chiitap ko po koot, ne kimusta karon koguur meek kobwa mbareennyi ne po sabibuk.

MARIKO 13:34

Uu chii, ne ki pagaach koonnyi, ak koruto emet age, ak kogoochi otwogikyik kimnateet, chii age tugul ak poisyennyi, ak kong'at riibindet koriipso.

MARIKO 16:15

Ak ki leenji, “Oba ng'wony komugul, oamjinote logoiywek che myach piik tugul.

MARIKO 16:20

Ak ki pa anyun, koamdaat eng' oldo tugul, kobois Kiptaiyat kobooto icheek, ak kogimit ng'olyoot eng' kaboorunoik che ki isuboti.

LUKA 9:1

Ki kuur anyun taman ak aeng' koyumgei, ak kogoochi kimnateet ak pounateet koboi oik tugul, ak kosoop che myandos.

POISYONIGAP CHE KIYOKTOI 11:19

Ki pa anyun icheek che kiga yesta amu usiisyet ne king'eet agobo Stepano agoi koit Phoenisia, Cyprus, ak Antiok, koma ng'alaaljin chii age ng'olyoot kobatee Yahudik.

POISYONIGAP CHE KIYOKTOI 13:2

Ye kiboisyechin Kiptaiyat ak korugutegei, kole Kabuuset ne Tiliil, “Otabaannywa Barnaba ak Saulo agobo poisyet ne ki aguurchi.”

POISYONIGAP CHE KIYOKTOI 13:4

Kingo kagoyookto icheek `Kabuuset ne Tiliil, kochoorchigei Seleusia; ak ki pa eng' olooto kobun moinget agoi Cyprus.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

POISYONIGAP CHE KIYOKTOI 22:21

Ak ki leenjo ineendet, ‘Ui, amu ayooktoin iwe ole loo agoi ye mi Pororyosyek.’ ”

POISYONIGAP CHE KIYOKTOI 8:4

Ki pa anyun icheek che kiga koyesta, koamdaat ng'olyoot.

1 KORINTOEK 12:28

Ak kigonde Kamuktaindet alak eng' kaniset, che po tai ko che kiyooktoi, che po aeng' ko maotik, che po somok ko kaneetik, yeityo ko kwang'utik, yeityo ko konunoigap kasaabet, toretosyek, kandoinatosyek, ak kutusweek che teerchiin.

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

PILIPIK 2:21

Amu cheeng'ei icheek tugul chechwaak, ma tuguuk che po Jeso Kristo.

PILIPIK 2:25

Ago ki abwaat ale nyolu ayookwok Epaphroditus, tupchennyu ne kiboityot ne kiboisyei tuwai ne asigarindet kobooto, ak ko neng'wong' kayooktoindet ak toretindet agobo tuguuk che amakyinige;

PILIPIK 2:30

amu ki neegit kome agobo poisyetap Kristo, koma riiree saboondanyi si konyiitwa kiit ne ki rartaat eng' poisyeng'wong' ne ki oboisyeiwo.

KOLOSAIK 1:29

abirtochinigei agine nooto, agiiligei ko uu poisyennyi, ne poisyei eng' anee eng' kamuktaet.

KOLOSAIK 4:12

Igatok Epapra, ne age eng' okweek, otwogindetap Kristo Jeso, igiilegei kotugul agobo okweek eng' saautikyik, si kobiit otononse ko ogesunotingei, ak ongen komyee mageet tugul ne po Kamuktaindet.

1 THESSALONIKEK 2:9

Amu obwaati, tupchosyechu, poisyennyo ne uui ak pichiindo, keboisye kemoi ak peet, si ma kigoochi mileet chii age tugul eng' okweek. Ki kiamwok logoiywek che myach che po Kamuktaindet.

1 THESSALONIKEK 5:12

Ago kisoomok, che kitupche, keele onai icheek che tinyei poisyet ne oo eng' kwenung'wong', ak che poiywok eng' Kiptaiyat, ak kotigoonok;

2 THESSALONIKEK 3:1

Ne po let anyun, che kitupche, osaiywech si kobiit kochaakta ng'olyootap Kiptaiyat ak kitoroor, ko uu ole teptoi eng' okweek;

1 TIMOTEO 4:10

Kiyae anyun poisyet ne oo amu niito ak ki kiiligei, amu miitei kamang'unennyo Kamuktaindet ne sabei, ineendet Yetindetap piik tugul, ago ne siirei ko po piik che iyani.

2 TIMOTEO 4:5

Ago riipkei inyee eng' tuguuk tugul, muite eng' nyalilda, yai poisyetap amdaetap logoiywek che myach, yai poisyeng'ung' kosulda.

PILEMON 1:1

Paulo, kimonjororyotap Kristo Jeso, ak Timoteo tupchennyo, kisirchini Philemon chamanennyo ne kiboityot ne kiboisyei tugul,

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

NG'ANG'UTYET 2:1

“Sirchi malaikaiyat ne po kaniset ne mi Epheso, ileenji: “Mwaei tuguuchu ineendet ne namei kecheik tisap eng' eunnyi ne po tai, ineendet ne wendote kwenutap keelyek tisap che po taisyek che po thahabu: