KAITOSYEK 11:17 - BUKUIT NE TILIIL Sireet ne Dutero Kanon

¹⁷ Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

Bukuit Ne Tilil

¹⁷ Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

BUKUIT NE TILIL

¹⁷ Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

KAITOSYEK 11:17 Referencias Cruzadas

TAUNET 11:5

Ki choorgei Kamuktaindet ne Toroor konyo kooro nganaseet ak teekseet ne kooi ne ki togosta kwo parak, ne kiga koteech weeriigap piik.

TAUNET 17:22

Ye kingo kes ng'alaalet ne ki ng'alaali ak ineendet, kotogosta Kamuktaindet kometo Abraham.

TAUNET 17:3

Ak ki ibutyi ng'wony kogutuny Abram, ak ki ng'alaalji Kamuktaindet koleenji,

TAUNET 18:33

Ye kingo tar anyun Kamuktaindet ne Toroor kong'alaaldos ak Abraham, kwo pandanyi; ak ki week Abraham kwo kaa.

2 LAITORINIK 2:15

Kingo keer weeriigap maotik che ki mi Jeriko ko katokyigei ineendet, kole, “Tebee `sabeetap Elijah Elisha.” Ak ki pa kotorookta ineendet ak kong'uruuk kot koit ng'wony eng' tainnyi.

2 LAITORINIK 2:9

Kingo landa, koleenji `Elijah Elisha, “Soom kiit ne imache ayaun, kotomo kimuta eng' ole imi.” Ak ki le Elisha, “Asoomin ale, ingotebena kebebertap muguleldong'ung' konyil aeng'.”

NEEMIA 9:20

Ki igoochi kogeny icheek Kabuuseng'ung' ne myee koneet, ama ietee icheek koam mana, ak inage peek amu meleldanywa.

KOMONG'U 18:18

Iwong'ugei kimnateng'ung' inyee ak ne po pichu omiitei tugul. Amu siirei kimnateng'ung' niito ago memuuchi iyai inyegei.

KOMONG'U 18:22

Ingoek icheek kirwoogik che irwookyin piik eng' peetuusyek tugul ak koibun ng'olyoot age tugul ne uui. Ago ingobesyechi icheek ng'olyoo age tugul ne ming'in, si kobiit konyamnyumun amu kogesen tugul.

KOMONG'U 19:11

Ingochopkei agobo peetuut ne po somok: amu choorchingei Kamuktaindet ne Toroor tulweetap Sinai eng' peetuutap somok eng' taitap piik tugul.

KOMONG'U 19:20

Kichoorchigei Kamuktaindet ne Toroor tulweetap Sinai parak ak kiguur `Kamuktaindet ne Toroor Musa kwo tulweet parak, ak kitogosta Musa.

KOMONG'U 34:5

Ki choorgei Kamuktaindet ne Toroor eng' pooldet ak kotonon kobooto ineendet eng' yooto ak komwa kainennyi, “Kamuktaindet ne Toroor.”

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 63:11

Ki ibwaat anyun peetuusyek che po keny, Musa, ak piikyik, kole, Mi ano ineendet ne ki imut icheek kolong'une nyanjet kobooto mestoweek che po akweennyi? Mi ano ineendet ne ki inde Kabuusennyi ne Tiliil kwenunnywa,

JOEL 2:28

Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

KAITOSYEK 11:25

Ki choorgei Kamuktaindet ne Toroor eng' pooldet ak kong'alaalji Musa, ak ki nam kebebertap kabuuset ne ki mi ineendet konde poisyechooto tamanwogik tisap. Ye kingo tebee icheek kabuuset komaotenso agobo ng'aleek che pwoonei. Ago mata tuun koyai ko uu nooto kogeny.

KAITOSYEK 12:5

Ki choorgei anyun Kamuktaindet ne Toroor eng' toloitap pooldet ak kotonone kurgeetap Emait. Ki kuur Aron ak Miriam ak ki pwa icheek tuwai.

KAITOSYEK 12:8

Ki ng'alaaljindos ak ineendet kimni, ma eng' kalewenaik; ak kogeerei ineendet itoondap Kamuktaindet ne Toroor. Kilya anyun si moiywei ochaam kiboityondennyu Musa?”

KAITOSYEK 27:18

Ki leenji `Kamuktaindet ne Toroor Musa, “Imutu Joshua, weeriitap Nun, chiito ne tinyei Kabuuset ne Tiliil, ak igonoor eung'ung' ineendet,

KAITOSYEK 7:89

Ye kingwo Musa emait ne kituiyechin kwo kong'alaal ak Kamuktaindet ne Toroor, kogas anyun kutit kong'alaaljin ineendet komang'une paragutap kerwetap rireenet ne ki miitei moingetap paornateet; ki mang'une kwenutap kerubisyechooto aeng', ak ki ng'alaalji ineendet.

JOHANA 3:13

Ma mi chii ne ki togosta kipsengwet, kobatee ineendet ne ki choorgei eng' kipsengwet, ineendet ko Weeriitap chii ne mi kipsengwet.

JOHANA 7:39

Ago ki mwaei niito agobo Kabuuset ne Tiliil, ne tuun taachei icheek che iyani ineendet: amu ki tom kegon Kabuuset ne Tiliil; amu kitom kitoroor Jeso.”

ROMANIK 8:9

Ago ma omi eng' poorto ago eng' Kabuuset ne Tiliil, ngo menyok Kabuusetap Kamuktaindet. Ago ngo ma tinyei chii Kabuusetap Kristo koma nenyi.

1 KORINTOEK 2:12

Ago ki ma kitaach kabuuset ne po ng'wony, ago Kabuuset ne po Kamuktaindet, si kenai tuguuk che ki kogoonech Kamuktaindet puch.

1 THESSALONIKEK 4:8

Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

JUDA 1:19

Chuuto che ibu kabesyosyek, che isubi poorwek, che ma tinyei Kabuuset ne Tiliil.

1 SAMUEL 10:6

Nyonjinin Kabuusetap Kamuktaindet ne Toroor eng' kimnateet, ak imaoten kobooto icheek ak kewalin iegu chiito age.