Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,
LUKA 1:6 - BUKUIT NE TILIIL Sireet ne Dutero Kanon Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut. Bukuit Ne Tilil Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut. BUKUIT NE TILIL Ak ki bo iman ichek tuwai eng’ taitab Jehovah, ak kibendate ng’atutik tugul ak karureiywek che bo Kiptaiyat, ama tinyei lelut. |
Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,
Chu isubi ko ooreetap kap Noah. Ki chiito Noah ne po imanda ak kogesunotkei eng' ibindanyi. Kibendoti ineendet ak Kamuktaindet.
Ki leenji `Kamuktaindet ne Toroor Noah, “Ochut moinget inyee ak piigap koong'ung' tugul, amu kaagerin ale eng' ibini, ko iboo imanda eng' tainnyu.
Amu ki yai Daudi ne myee eng' taitap Kamuktaindet ne Toroor, ama masta eng' kiy age tugul ne ki ng'at ineendet, eng' peetuusyek tugul che po sabeennyi, kobatee eng' ng'olyootap Uriah Hitindet.
Ngiwendotee tainnyu inyee, ko uu ye kiwendotee Daudi kwandang'ung', eng' kagesunetapkei ne po muguleldo ak eng' imanda, iyai ko uu tugul che kaang'atiin, iriip ng'atuutikyuk ak kirwoogutikyuk;
“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.
ago ki cheeng' Kiptaiyat Kamuktaindetap kwandanyi ak kowendote ng'atuutikyik, ama isup tuguuk che ki yai Israel.
Ki mi chii eng' emetap Us ne ki kiguure Job. Ki igeesunotkei ineendet ak ko po iman. Ki iywei Kamuktaindet ak koistoegei yaityo.
Koleenji `Kamuktaindet ne Toroor Setani, “Tos ko igeer otwogindennyu Job, amu ma mi ne kergei ak ineendet eng' ng'wony? Ititaat ak ko po iman inee, iywei Kamuktaindet ak koistoegei yaityo.”
angen iman ale uu nooto. Ago imuktoi ano chiito koek ne po iman eng' taitap Kamuktaindet?
Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”
Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.
Amu ki mwa Daudi agobo ineendet kole, ‘Ki ageere Kiptaiyat kotugul komi tainnyu, amu mi ineendet eunnyu ne po tai si ma kitumduma.
Ak kingo keer Paulo kapkirwoogonooto komyee, komwa kole, “Che kitupche, ki atebee kotugul kabwaatet ne myee eng' taitap Kamuktaindet agoi rani.”
Ak achobegei anyun agane eng' ng'olyoondoni atebee kotugul kabwaatet ne ma tinyei kanagut eng' taitap Kamuktaindet ak piik.
Metinye kebeberta anan motwet eng' ng'olyoondoni, amu ma myee muguleldang'ung' eng' taitap Kamuktaindet.
si kobiit kosulda kayomisetap Ng'atuutyet eng' acheek, che ma kisubi poorto, ago Kabuuset ne Tiliil.
Aloswok anyun nguno amu obwaata eng' tuguuk tugul, ak oriibe kaneetisyosyek ko uu ye ki arorwok.
Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.
Obun ortinwek tugul che king'ataak Kamuktaindet ne Toroor Kamuktaindeng'wong', si osapche ak komyeeit eng' okweek ak kochang'a peetuusyekwok eng' emet ne oname kobunjook.”
si kobiit oegu che ma tinyei leluut ak ko libwoben, lagogap Kamuktaindet che ma tinyei kunenden eng' kwenutap ibinda ne kunuur ak ko mastaat, che kooluu eng' kwenunnywa ko uu lapkeiyosyek eng' ng'wony,
eng' poortanyi ne po panyeek, eng' meet, si kobiit komutak ko oo tiliileen ko motinye tisya, amotinyei kiy ne kirwoogunenok eng' tainnyi:
si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.
Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.
Ngot ongen ole po imanda ineendet, ongen ole age tugul ne yaei imanda kogigesich agine eng' ineendet.
Lagochu mengech, among' kobeetook chii: ineendet ne yaei imanda ko po imanda ko uu ye po imanda ineendet: