PILIPIK 2:15 - BUKUIT NE TILIIL Sireet ne Dutero Kanon

¹⁵ si kobiit oegu che ma tinyei leluut ak ko libwoben, lagogap Kamuktaindet che ma tinyei kunenden eng' kwenutap ibinda ne kunuur ak ko mastaat, che kooluu eng' kwenunnywa ko uu lapkeiyosyek eng' ng'wony,

Bukuit Ne Tilil

¹⁵ si kobiit oegu che ma tinyei leluut ak ko libwoben, lagogap Kamuktaindet che ma tinyei kunenden eng' kwenutap ibinda ne kunuur ak ko mastaat, che kooluu eng' kwenunnywa ko uu lapkeiyosyek eng' ng'wony,

BUKUIT NE TILIL

¹⁵ si kobiit oegu che matinyei lelut ak ko libwoben, lagokab Jehovah che matinyei kunenden eng’ kwenutab ibinda ne kunur ak ko mastaat, che koluu eng’ kwenunywa ko u lapkeiyosiek eng’ ng’ony,

PILIPIK 2:15 Referencias Cruzadas

TIENWOGIKAL 122:5

Amu ki kinde olooto ng'echerogap laitornatet che po kirwooget, ng'echerogap laitornatet che po kootap Daudi.

KOMONG'U 34:35

ak ki keer piigap Israel togeetap Musa kole iluu iriryotap togeennyi. Kituge anyun Musa togeennyi kitaambaet kogeny agoi komanda kwo kong'alaal ak Kamuktaindet.

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

KALEWANAIK 8:8

Po imanda ng'aleek tugul che amwae; ma mi kiy ne imaasat anan ko ne po ngelelnateet.

ISAIAH 60:1

Ng'eet, iluu; amu kagoit lapkeiyeng'ung', ak kagochorchin toroornatetap Kamuktaindet ne Toroor.

MATAYO 10:16

“Ogeero, ayooktook ko uu keechiirek eng' kwenutap suik; nooto anyun oegu che utaateen ko uu erenook, ak otalaitu ko uu cheptugenik.

MATAYO 17:17

Ki wol Jeso kole, “Ee ibinda ne ma tinyei kayaneet ak komaasat, atebye ak okweek kot kotyanit? Amuitoi kot kotyanit agobo okweek? Imutwaa ineendet.”

MATAYO 5:45

si oegu weeriigap Kwandang'wong' ne mi kipsengwet; amu igoochin asiistanyi kochorchi che yaach ak che myach, ak iyookyin ropta che po imanda ak che ma po imanda.

MATAYO 5:48

Nooto anyun, oegu okweek che igesunotkei ko uu ye igesunotkei Kwandang'wong' ne po kipsengwet.

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

LUKA 6:35

Ago ocham puunikwok, ak oyai ne myee, ak obesende, amongen onyooru kogeny; si koeet melektang'wong', ak oegu weeriitap Ineendet Ne Toroor Miising'; amu tala ineendet eng' icheeget che ma tinyei kongoi ak che yaacheen.

JOHANA 5:35

Kitait ineendet ne kilalei kokweng'sei: ak ki ocham oboiboitune lapkeiyennyi eng' peetuusyek che matya.

POISYONIGAP CHE KIYOKTOI 2:40

Ak kibaoryan eng' ng'aleek alak che chaang' ak ko ki il koleenji, “Osaruge eng' ibini kunuur.”

POISYONIGAP CHE KIYOKTOI 20:30

Ak tuun ng'eetos alage eng' kwenung'wong' komwaei ng'aleek che imaasi piich, si kochuut kasubik koosup icheek.

ROMANIK 16:19

Amu ki kogasak eng' piik tugul kaseng'wong' po iit. Nooto anyun abaibai eng' okweek: ago amache oeguche utaatiin eng' nooto myee, ak oegu che perber eng' nooto po yaityet.

1 KORINTOEK 1:8

Ne igimitok agine agoi let, ko motinye kiy ne kirwoogunenok eng' peetuutap Kiptaiyandennyo Jeso Kristo;

2 KORINTOEK 6:17

Nooto anyun omong'u eng' kwenunnywa, Ak otabaange, mwaei Kiptaiyat, Amotwaa kiy ne po simdo; Si ataachak,

EPESOEK 5:27

si kobiit komutyigei kaniset, nooto ne po toroornatet, ne ma tinyei kunenden anan siring'ut anan kiy age tugul ne uu nooto; ago koek ne tiliil ne ma tinyei tisya.

NG'ATUTIK 32:5

King'emgei eng' taitap Kamuktaindet ne Toroor; kalilano eng' icheek amu ma ko lagokyik icheeget; icheek ko pororyet ne ngelelyo ago mastaat.

PILIPIK 1:10

si kobiit onai komyee tuguuk che po telunateet; si kobiit oegu che ma tinyei keniisyet, che ma tinyei kanagut agoi peetuutap Kristo;

PILIPIK 3:6

eng' kagiiletapkei, ko ki ausaus kaniset; eng' imanda ne mi eng' Ng'atuutyet, koma tinye leluut.

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

1 TIMOTEO 3:10

Ak nyolu ketyem chuuto ak icheek korook; ingoyai anyun icheek poisyetap kiboitiinik ngo ma kigeerchin ng'olyoo ne ma litit.

1 TIMOTEO 3:2

Kanyolji anyun riibindet koek ne ma kigeerchin ng'olyoo ne ma litit, manong'otyotap osotyot agenge, ne riibegei, ne litit ng'omnateet, ne tebyei komyee, ne taachei toek, ne chepchep koneetis;

1 TIMOTEO 5:14

Nooto anyun achame ale kitun mosoogik che ta ko mengeechen, si kosich lagok, ak koriip koot, amat kogoochi poroindo puunyoot kochuris eng' ui tugul;

1 TIMOTEO 5:20

Kergong' eng' taitap piik tugul icheeget che yaei tengekwogik, si kobiit koywei chuun alage ak icheek.

1 TIMOTEO 5:7

Ng'at tuguuchuuto, si kotebi icheek koma tinyei teweernat.

TITO 1:6

ngot komi chii age tugul ne ma tinyei leluut, ne manong'otyotap osotyot agenge, ne tinyei lagok che iyanotin, che ma kimwaitae yaityo, anan che ma kase iit.

TITO 2:10

amaek che kooen eun, ago kobarta kayaneet tugul ne myee; si kobiit kogoochi icheek telunateet kaneetisyetap Kamuktaindet ne Yetindennyo eng' tuguuk tugul.

TITO 2:15

Mwaa tuguuchuuto ak iteechi ak iger kong' kobooto pounateet tugul. Amat kosasin chii age tugul.

HEBRANIK 7:26

Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

NG'ANG'UTYET 2:5

Ibwaat anyun ole ki ibute, ak isigu, ak iyai poisyonik che po tai. Ngot ko mesigu, anyoonjin ak anemu keldap taing'ung' eng' komostanyi.

NG'ANG'UTYET 3:9

Agoochini che po sinagogitap Setani, icheeget che mwaei kole ki Yahudik, ago ma icheek, kenu, keero, agoochini icheek kobwa kogutuny eng' keelyeguk, ak konai kole ki achamin.