KIRUOGIK 19:10 - BUKUIT NE TILIIL Sireet ne Dutero Kanon Ago ma cham chiichooto kotebi kemounooto, ago king'eet ak kwo, agoi koit ole tokyingei Jebus (nooto ko Jerusalem). Ki tinyei sigiroik aeng' che kiga kiito, ki mi agine chebaigeiyandennyi kobooto ineendet. Bukuit Ne Tilil Ago ma cham chiichooto kotebi kemounooto, ago king'eet ak kwo, agoi koit ole tokyingei Jebus (nooto ko Jerusalem). Ki tinyei sigiroik aeng' che kiga kiito, ki mi agine chebaigeiyandennyi kobooto ineendet. BUKUIT NE TILIL Ago ma cham chichoto kotebi kemounoto, ago king’eet ak kwo, agoi koit ole tokyingei Jebus (noto ko Jerusalem); ak kitinyei sigirok aeng’ che kiga kiito; kimi agine chebaigeiyandennyi koboto inendet. |
Yeityo kwo laitoryat ak piikyik kobookchi Jerusalem. Ki ibwaati `Jebusik che ki menyei emonooto koleen ma imuuch Daudi kobar icheeget. Ara ki mwachi `icheek Daudi koleenji, “Me muuchi inyoo ko nganasennyo. Agot kipkoratinik ak che ing'waldos ko kerin si menyo ko.”
Ki ma imuuch piigap Judah koon Jebusik che ki menyei Jerusalem; ara ki meny Jebusik ak piigap Judah eng' Jerusalem agoi ra.
Kwo kotestai kiwoteet agoi atebweetap weeriitap Hinom, eng' tabandap Jebusindet murot tai, ne nooto ko Jerusalem ak kwo agoi tulweet parak ne ikweeni atebweetap Hinom eng' cherongo, murot kaataam ne po atebweetap Repaik.
Shelah, Elep ak Jebusindet (nooto ko Jerusalem), Gibeat ak Kiryat. Nganasook taman ak ang'wan kobooto kokwotinwekwak. Niito ko poroteetap lagogap Benjamin ko uu ortinwekwak.
Ki ibookyi `lagogap Judah Jerusalem ak konam. Kibare rotwetap chok ak kobeel nganaseet eng' maat.
Kingo ng'eet chiichooto kole kwo, ineendet ak chebaigeiyandennyi ak otwogindennyi, koleenji ineendet kapyugoinnyi kwandap kwonyooto, “Keero, amu machei koimen, asoomin ale tebi kemout komugul. Machei kogeskei peetuut, ru yuto, si kobaibait muguleldang'ung', si imuste karon miising', iwe kaa.”