KAITOSYEK 31:3 - BUKUIT NE TILIIL Sireet ne Dutero Kanon Ki mwachi anyun `Musa piik koleenji, “Ingolaach murenik alak eng' okweek kariik, si koba kobargei ak Midianik, koyai yaaktaetap mugetuut ne po Kamuktaindet ne Toroor eng' Midian. Bukuit Ne Tilil Ki mwachi anyun `Musa piik koleenji, “Ingolaach murenik alak eng' okweek kariik, si koba kobargei ak Midianik, koyai yaaktaetap mugetuut ne po Kamuktaindet ne Toroor eng' Midian. BUKUIT NE TILIL Ak kimwachi Musa bik kolenji, Eng’ murenik che otinye olaakyi alak karik, amu luget, si koba kobargei ak Midianik, koyai yaaktaetab mugetut ne bo Jehovah eng’ Midian. |
Ki leenji Kamuktaindet ne Toroor Jehu, “Amu ki iyai ne myee eng' yaetap imanda ne myee eng' tainnyu, ak iyachi kootap Ahab ko uu tuguuk tugul che ki mi muguleldanyu, tebee anyun weeriiguk ng'echereetap laitornatet ne po Israel, agoi ibindap ang'wan.”
Ibare kootap Ahab kiptaiyandeng'ung', si kobiit ayaakta mugetuut eng' korotiigap otwogikyuk maotik, ak eng' korotiigap otwogigap Kamuktaindet ne Toroor tugul, eng' eutap Jesebel.
Ak ki le, “Kagoyosyo Kamuktaindet ne Toroor koyai lugeet ak Amelek eng' ibinwek tugul.”
Amu po peetuunooto Kiptaiyat Kamuktaindet ne Toroor ne po lugoosyek, peetuutap yaaktaetap mugetuut, si koyaaktoochi ineendet mugetuut eng' puunikyik: ak koamis rotwetap chok ak kobiyo, ak koeei korotiikwak kobiyo: amu tinyei Kiptaiyat, Kamuktaindet ne Toroor ne po lugoosyek, tiseiywot eng' emetap murot kaataam ole neegitee aineetap Yufrets.
Kutitap icheek che mweei ak kochililyo komong' eng' emetap Babilon, si kobiit ki parta eng' Zion yaaktaetap mugetuut ne po Kamuktaindet ne Toroor, Kamuktaindennyo, yaaktaetap mugetuut ne po hekalunnyi.
Aibwok rotwetap chok ne yaakwok mugetuut ne po kayomiset. Ye oyumjigei nganasookwok, ayookwok koroito konyo kweng'wong' ak kindeak eunegap puunikwok.
“Kagoisto Phineas weeriitap Eleazar weeriitap Aron tisiindet, nereegekyuk eng' piigap Israel, amu ki tinyei ng'etkonda agobo tengek eng' icheek amu anee, mata anyun awong'u piigap Israel eng' ng'etkondanyu.
Kayai kayomiset ne po tiseinateet ne po koigeny eng' ineendet ak eng' iyotennyi ne piitu let. Amu ki tinyei pekyinet agobo Kamuktaindet ak kagoyachi kagaigaet piigap Israel.”
Oyookte eliphuut eng' ooreet age tugul, eng' ortinwek tugul che po Israel koba lugeet.”
“Amu ki indo kandoik eng' Israel, amu ki igoitogei piik ak icheek eng' chamyet. Olasu Kamuktaindet ne Toroor!
Ochup Meros, mwaei malaikaiyatap Kamuktaindet ne Toroor, ochup eng' chubeet ne ng'waan piik che menyei olooto, amu ma pwa kotoret Kamuktaindet ne Toroor, kotoret Kamuktaindet ne Toroor agobo che kiimeen.