KIRUOGIK 5:23 - BUKUIT NE TILIIL Sireet ne Dutero Kanon

²³ Ochup Meros, mwaei malaikaiyatap Kamuktaindet ne Toroor, ochup eng' chubeet ne ng'waan piik che menyei olooto, amu ma pwa kotoret Kamuktaindet ne Toroor, kotoret Kamuktaindet ne Toroor agobo che kiimeen.

Bukuit Ne Tilil

²³ Ochup Meros, mwaei malaikaiyatap Kamuktaindet ne Toroor, ochup eng' chubeet ne ng'waan piik che menyei olooto, amu ma pwa kotoret Kamuktaindet ne Toroor, kotoret Kamuktaindet ne Toroor agobo che kiimeen.

BUKUIT NE TILIL

²³ Kile malaikaiyatab Jehovah, Ochub Meros, Ochub eng’ chubet ne ng’wan bik che menyei oloto; Amu ma bwa kotoret Jehovah, Kotoret Jehovah agobo che kimen.

KIRUOGIK 5:23 Referencias Cruzadas

NEEMIA 3:5

Che kirubei ko ki Tekoitik, ago ma machuuljigei piikwak che taagunotiin poisyetap kiptaiyannywa.

TIENWOGIKAL 94:16

Tos ng'oo ne ng'eetei kotoreta eng' yaigap yaityo? Tos ng'oo ne tononi kotoreta eng' kiptengeginik?

JEREMIA 48:10

Chuboot ineendet ne machuuljingei poisyetap Kamuktaindet ne Toroor, ak chuboot ineendet ne etee rotwennyi po chok korotiik.

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

ROMANIK 15:18

Amu ma kanye ang'alaal agobo tugun alak tugul kobatee chooto che ki koyai Kristo eng' anee, agobo kasetap iit ne po Pororyosyek, eng' ng'olyoot ak yaeet,

1 KORINTOEK 16:22

Ngot koma chamei chii age tugul Kiptaiyat, ko ingoek ne chuboot. Maran-atha.

1 KORINTOEK 3:9

Amu ki kiboitinigap Kamuktaindet che kiboisyei kobooto ineendet: okweek ko oo mbareetap Kamuktaindet, kootap Kamuktaindet.

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

KIRUOGIK 13:3

Kimong'ji malaikaiyatap Kamuktaindet ne Toroor kwonyooto ak koleenji, “Keero, ii soon, ma isigisye, ago imanachi ak isich weeriit.

KIRUOGIK 2:1

Ki togos malaikaiyatap Kamuktaindet ne Toroor eng' Gilgal konyo Bochim ak kole, “Ki amutwak otogosu eng' Misiri, obwa emet ne ki ayosyechi kwanisyekwok. Ki amwa ale, ‘Ma koi abut kayomisennyu ne ki kiarorchigei ak okweek.

KIRUOGIK 21:5

Ki le piigap Israel, “Mi ng'oo eng' ortinwek tugul che po Israel ne ma nyo kotogos tuiyet ole mi Kamuktaindet ne Toroor?” Amu kiga yai kayasyoet ne oo agobo ineendet ne ma nyo kotogos ole mi Kamuktaindet ne Toroor eng' Mispa, kole, “Kibarei ineendet iman.”

KIRUOGIK 21:8

Ak ki le icheek, “Ng'oo ne po ortinwek eng' Israel ne ma nyo kotogos ole mi Kamuktaindet ne Toroor eng' Mispa?” Ak ogeero, Ki ma nyo chii agot agenge nganaseet ne ki punu Jabes-gilead konyo tuiyet.

KIRUOGIK 4:6

Ki iyookto ineendet kole keguur Barak weeriitap Abinoam eng' Kedes-naptali ak koleenji, “Tos ma ng'at Kamuktaindet ne Toroor, Kamuktaindetap Israel kole, ‘Ui iriikyi tulweetap Tabor, ak imutu eliphuusyek taman kobun piigap Naphtali ak che po Zebulun?

KIRUOGIK 5:13

Yeityo kochoorgei che ki ng'et che po piik che taagunotiin, ki choorgei piigap Kamuktaindet ne Toroor agobo ineendet, si kobargei ak che nyigoonen.

KIRUOGIK 6:11

Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

KIRUOGIK 8:5

Ara ki leenji piigap Sukoth, “Kaigai ogoochi magatiinik piik che isubwo, amu kagong'etyo ak aoone Seba ak Salmuna, laitorinigap Midian.”

KIRUOGIK 8:6

Ago ki wol pounigap Sukoth kole, “Tos mi eunegap Seba ak Salmuna eung'ung' nguno, kot kigoochi magatiinik lugeeng'ung'?”

KIRUOGIK 8:8

Ki togosta anyun eng' olooto kwo Penuel, ak kong'alaalji pichooto ko uu nooto. Ak ki wolji ineendet piigap Penuel ko uu ye kiga wolji piigap Sukoth.

1 SAMUEL 17:47

Nae tuiyoni tugul kole, ma saruunee chii Kamuktaindet ne Toroor rotwetap chok ak ng'otit, amu po lugeet Kamuktaindet ne Toroor ak indeok eunekyok.”

1 SAMUEL 18:17

Ki leenji `Saulo Daudi, “Oroni cheptonyu ne oo Merap, agoonin ineendet itun. Egu kityo nyiganennyu, ak iyai lugosyegap Kamuktaindet ne Toroor.” Amu ki le Saulo, “Ma mache kotwa eunekyuk ineendet, ago ingobar ineendet eunegap Philistiik.”

1 SAMUEL 25:28

Asaain ale nyochi kaat cheptong'ung' ne otwogindet lelutyennyi, amu igimiti Kamuktaindet ne Toroor iman kootap kiptaiyandennyu, amu yaei kiptaiyandennyu lugosyegap Kamuktaindet ne Toroor, ama kinyoorchinin yaityet eng' peetuusyeguk tugul.

1 SAMUEL 26:19

Nooto anyun asoomin ale, ingogas `kiptaiyandennyu laitoryat ng'aleegap otwogindennyi. Ngot ko Kamuktaindet ne Toroor ne ki ing'eetin iyaiywo ne ya, ko ingotaach ineendet kagoochinet. Ago ngot ko weeriigap piik, ko ingoek icheek che chubootiin eng' taitap Kamuktaindet ne Toroor. Amu kagoona icheek rani si ma ki namgei ak pororyetap Kamuktaindet ne Toroor koleen, ‘Ui ioot kamuktaik alak.’