KAITOSYEK 25:13 - BUKUIT NE TILIIL Sireet ne Dutero Kanon

¹³ Kayai kayomiset ne po tiseinateet ne po koigeny eng' ineendet ak eng' iyotennyi ne piitu let. Amu ki tinyei pekyinet agobo Kamuktaindet ak kagoyachi kagaigaet piigap Israel.”

Bukuit Ne Tilil

¹³ Kayai kayomiset ne po tiseinateet ne po koigeny eng' ineendet ak eng' iyotennyi ne piitu let. Amu ki tinyei pekyinet agobo Kamuktaindet ak kagoyachi kagaigaet piigap Israel.”

BUKUIT NE TILIL

¹³ egu kayomiset ne bo tiseinatet ne bo koigeny eng’ inendet ak eng’ iyotennyi ne biitu let; amu kitinyei ng’etkonda agobo Kamuktaindet, ak koyachi kagaigaet lagokab Israel.

KAITOSYEK 25:13 Referencias Cruzadas

2 SAMUEL 21:3

Ki leenji `Daudi anyun Gibeonik, “Ayaiywok nee? Ak ayai kagaigao nee si kobiit oberuur poroteetap Kamuktaindet ne Toroor?”

1 LAITORINIK 19:10

Ki le ineendet, “Ki koama ng'etkong' miising' agobo Kamuktaindet ne Toroor, Kamuktaindetap lugoosyek, amu ki kobagakta piigap Israel kayomiseng'ung', kobut kaptisisyosyeguk ak kobar maotiguk eng' rotwetap chok. Ki ang'etu anee, aneege; ak nguno ko cheeng'ei icheek saboondanyu kobar.”

1 LAITORINIK 19:14

Ki le ineendet, “Ki koama ng'etkong' miising' agobo Kamuktaindet ne Toroor, Kamuktaindet ne Toroor ne po lugoosyek, amu ki kobagakta piigap Israel kayomiseng'ung', kobut kaptisisyosyeguk ak kobar maotiguk eng' rotwetap chok. Ki ang'etu anee aneege, ak nguno ko cheeng'ei icheek saboondanyu kobar.”

1 LAITORINIK 2:27

Koon anyun `Solomon Abiathar si mata koek tisiindetap Kamuktaindet ne Toroor, si kobiit kosulda ng'olyootap Kamuktaindet ne Toroor, ne ki mwa agobo kootap Eli eng' Shiloh.

NEEMIA 13:29

Ibwaat icheek, ee Kamuktaindennyu, amu ki kong'waniit tiseinateet, ak kayomisutyetap tiseinateet ak ne po Lawiik.

TIENWOGIKAL 106:31

Ak ki kiit nooto koek imanda eng' ineendet, agoi ibinwek tugul koigeny.

TIENWOGIKAL 119:139

Ki kowong'wa kagiilennyu pogei, amu kigoutye puunikyuk ng'aleeguk.

TIENWOGIKAL 69:9

Amu ki ama ng'etkondap koong'ung'; Ak ki kobwonjo rosyinetap icheeget che rosyinin.

KOMONG'U 29:9

Yeityo igermen Aron ak weeriikyik eng' pirenaik ak igerchinee metowekwak chepkuloik che mengeechen. Si konam poisyonooto po tiseinateet eng' ng'atuutyet ne po agoi. Itoroorchi anyun Aron ak weeriikyik poisyonooto po tiliilindo.

KOMONG'U 32:30

Eng' peetuut ne ki isubi, koleenji `Musa piik, “Ki oyai tengekto ne oo. Katogoste anyun nguno awe ole mi Kamuktaindet ne Toroor, tamangap ayai kagaigaet agobo tengektong'wong'.”

KOMONG'U 40:15

ak iil icheek ko uu ye ki iil kwandanywa, si kobiit koboisyeiwo eng' tisiisyet. Egu kailsennywa ne ki ili icheek tiseinateet ne po agoi eng' ibinwekwak tugul.”

ISAIAH 61:6

Ago kiguurenok tisiigap Kamuktaindet ne Toroor: kuurenok piik kiboitinigap Kamuktaindennyo: oame mogornatosyegap pororyosyek, ak olasunegei toroornatennywa.

JEREMIA 33:18

ama petyin chii tisiik Lawiik eng' tainnyu ne igoitoi kagoochinoik che kibeelei, ak kobeel kagoochinoigap peek che ng'ootiin, ak kogoito tiseiywek kotugul.

JEREMIA 33:22

Ko uu ye ma kimuuchi kiit tuguuk che po kipsengwet, ama kimuuchi keger ng'aniegap nyanjet; atese anyun iyoteetap Daudi otwogindennyu, ak Lawiik, che poisyeiwo.

ATEPTAP LAWIK 15:15

ak kogoito tisiindet chooto kobunji age kagoochinetap tengekto, kobunji age kagoochinet ne kibeelei. Yae tisiindet kagaigaet eng' taitap Kamuktaindet ne Toroor agobo ineendet amu kuserennyi.

MALAKI 2:8

Ago ki omaste eng' ooreet; ki onach che chaang' eng' ng'atuutyet; ki ong'em kayomisetap Lawi, mwaei Kamuktaindet ne Toroor ne po lugoosyek.

KAITOSYEK 16:46

Yeityo koleenji `Musa Aron, “Ip tereeng'ung' ak inde maat ne punu kaptisisyet tereet oriit ak inde nyamdutik paragunnyi yeityo iip ichaaktae kwo ole miitei tuiyet si iyachi kagaigaet. Amu kagobun nereegek Kamuktaindet ne Toroor ak kagotoigei koroito.”

KAITOSYEK 16:47

Ki ip anyun Aron tereennyi ko uu ye kagamwa Musa ak kilabat kwo kwenutap tuiyet. Kooro kole, kagotoigei koroito eng' piik. Ki peel anyun nyamdutik ak koyachi kagaigaet piik.

KAITOSYEK 17:12

Ki mwachi `piigap Israel Musa koleenji, “Keero, kagibegu, kagelusye, kagelusye tugul!

KAITOSYEK 25:14

Ki kiguure chiichooto po Israel ki kibar kobooto kwony ne po Midianik, Shimri weeriitap Salu, ki pounindetap kootap kwanisyek eng' ooreetap Simion.

JOHANA 2:17

Ki ibwaat anyun kasubikyik kole ki kisir keele, “Ama ng'etkonda agobo koong'ung'.”

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 7:11

Ak nda ki mi kagesunatetapkei eng' tiseinatetap Lawiik (amu ki nyoorunee yooto piik Ng'atuutyet), ko kita kimage nee kobiit tisiindet age ne uu kiit ne ki uu Melkisedek, ama kiititoi kiit ne ki uu Aron?

JOSHUA 7:12

Nooto anyun amu nee si ma imuuchi piigap Israel kotononso eng' taitap puunikwak, komweune puunikwak amu kagoek che chubootiin. Ma ami kobootok kogeny ngot ko mong'em eng' kwenung'wong' tuguuchooto itabaanatiin.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.