JOHANA 7:42 - BUKUIT NE TILIIL Sireet ne Dutero Kanon Ma mwa siruutyet, kole, ‘mang'une Kristo kesweek che po Daudi, ak kobun Bethlehem, nganaseet ole ki mi Daudi?’ ” Bukuit Ne Tilil Ma mwa siruutyet, kole, ‘mang'une Kristo kesweek che po Daudi, ak kobun Bethlehem, nganaseet ole ki mi Daudi?’ ” BUKUIT NE TILIL Ma mwa sirutiet, kole, mong’une Kristo keswek che bo Daudi, ak kobun Betlehem, nganaset ole kimi Daudi? |
Ki iyasyechi Kamuktaindet ne Toroor Daudi eng' iman; ma weechegei let: Andoi age ne punu poortang'ung' kotebee ng'echereeng'ung' ne po pounatet.
‘Agimiiti kesweguk koigeny, ak agimiiti ng'echereeng'ung' ne po laitornatet agoi ibinwek tugul.’ ”
Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.
Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.
‘Ak inyee Bethlehem, emetap Judah, ma ii ming'in miising' eng' kandoigap Judah, amu mong'unenen pounindet, ne tuun egu mestowotap piikyuk Israel.’ ”
Ki togos agine Joseph eng' Galilaya kobunu nganaseetap Nazareth, agoi Judea, kot koit nganaseetap Daudi, ne kiguure Bethlehem, amu ki po ineendet kootap Daudi, ak ki po ooreennyi;
Ki mwachi `Kamuktaindet ne Toroor Samuel koleenji, “Iriirchini Saulo kot kotyanit, ko uu ye koaeesye ineendet koek laitoryat eng' Israel? Inde mwaita laleng'ung' konyi ak itau panda iwe. Ayooktoin iwe kap Jesse Bethlehemindet, amu kaalewenjigei laitoryat eng' weeriikyik.”
Ki wolji anyun age eng' murenjoto chiget koleenji, “Ki ageer weeriit age ne po Jesse Bethlehemindet, ne putiin, chii ne kiim ne tinyei nyiganateet ak ko chiitap lugeet, ng'oom eng' ng'alaalet, inender ko chii ne karaaran ak komi Kamuktaindet ne Toroor kobooto ineendet.”
Ki yai Samuel kioto ki kamwa Kamuktaindet ne Toroor. Kingo it Bethlehem, kotorook ineendet poisyegap nganaseet kobotanionu. ki teebee ineendet koleenji, “Inyone eng' kaalyeet?”
Kingo it koteebe Saulo koleenji, “Ii po kap ng'oo weeri?” Ak ki wolji Daudi koleenji, “Aa weeriitap otwogindeng'ung' Jesse, Bethlehemindet.”