MIKAH 5:2 - BUKUIT NE TILIIL Sireet ne Dutero Kanon

² Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

Bukuit Ne Tilil

² Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

BUKUIT NE TILIL

² Ago inye, Bet-lehem Eprata, ne i ming’in eng’ kwenutab elfusiek che bo Juda, mong’unenen age ne nyonjina ne tun egu bounindetab Israel; ne kicham komong’u koboch keny, koboch koigeny.

MIKAH 5:2 Referencias Cruzadas

TAUNET 35:16

Ki pa anyun eng' Bethel, ak kingo tomo koit Eprat, koam moet Rael, ak konyoor pichiindo eng' moonooto

TAUNET 35:19

Ki me Rael, ak ki kitupchi ooreet ne wendi Eprat (yooto ko Bethlehem).

TAUNET 48:7

Ye kita anyoone abunu Padan, korebena meet Rael eng' emetap Kanaan, eng' ooreet ye ma loo kitigin eng' Eprat, ak ki atupchi anyun yooto po ooreetap Eprat (nooto ko Bethlehem).”

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

1 ATEPTAP PEETUUSYEK 2:54

Weeriigap Salma ko: Bethlehem, Netopatik ak Atrot-bet-Joab, kobooto kebebertap Manahatik, Sorik,

1 ATEPTAP PEETUUSYEK 4:4

Penuel ko ki kwandap Gedor, ak Eser ko kwandap Hushah. Chu ko ki weeriigap Hur, taitap Ephratah, kwandap Bethlehem.

1 ATEPTAP PEETUUSYEK 5:2

Nganda ki iterteeris Judah kosiir tupchosyekyik ak komang'une ineendet pounindet; ko ki punji Joseph etunatetap sigeet.)

TIENWOGIKAL 132:6

Ogeero, kigegas agobo nooto eng' Ephratah; ki kinyoorchi keeweet ne mi timiin.

TIENWOGIKAL 90:2

Ye kitom kobiit tuloonook, Anan ye kitom iyai emet ak ng'wonyut, Ii Kamuktaindet, kobooch keny agoi koigeny.

KOMONG'U 18:21

Nyolu kogeny ilewenote eng' piik tugul piik che kiimeen, che iywei Kamuktaindet, piigap imanit che wechei tuguugap asoya. Inde icheek koboi piik koek pounigap eliphuusyek, che po pogolwogik, che po konomusyek ak che po tamanusyek.

KOMONG'U 18:25

Ki lewenot piik che kiimeen eng' Israel tugul ak konde koboi piik koek pounik che po eliphuusyek, che po pogolwogik, che po konomusyek ak che po tamanusyek.

ISAIAH 11:1

Mang'une `mornet ooreetap Jesse, ak kooi logoek `mornanooto pitunee tigitikyik.

ISAIAH 53:2

Amu tuun eetu eng' tainnyi ko uu keetit ne ng'arng'ar, ak eetu ko uu tigityot eng' emet ne yaamaat: ma tinyei itoon anan korooronindo; ak ye kigeere ineendet koma mi korooronindo kot kecham.

ISAIAH 55:4

Ogeero, ki agoite ineendet koek paoryat eng' pororyosyek, koek kandoindet, ak ko ng'atindet ne po pororyosyek.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

JEREMIA 30:21

Ak kobiitune icheek pounindennywa, ak komang'une kwenunnywa kirwoogindennywa; ak agoochini ineendet koriik, konyo koriikyo; amu ng'oo ineendet ne tinyei nyiganateet koriikyo? Mwaei Kamuktaindet ne Toroor.

HOSEA 6:3

Ongenai anyun, ongetestai kenai Kamuktaindet ne Toroor; mong'u iman ko uu ye eechei: ak nyoonjinech ko uu ropta, ko uu ropta ne po let ne ibisi ng'wony.”

AMOS 9:11

Ang'eeti eng' peetuunooto emaitap Daudi ne ki kobut, ak agerate ole kibutok; ak atuuru karatwekyik, ak ateech koigei ne ki po peetuusyek che po keny.

MIKAH 4:10

Ingonamin ng'wanindo, ak igimu, ee cheptap Zion, ko uu kwondo ne machei kosigiis: amu imandoi anyun nguno eng' nganaseet ak imeny mbar, ak iwe agoi Babilon; kisaruun eng' olooto; ityaachin Kamuktaindet ne Toroor eng' olooto eng' eutap puuniguk.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

MATAYO 2:1

Ak ye kingo kagesich Jeso eng' Bethlehem ne po Judea eng' peetuusyek che po laitoryat Herod, ogeero, ki pwa Jerusalem piik che ng'oomen kobunu kong'asiis,

MATAYO 2:6

‘Ak inyee Bethlehem, emetap Judah, ma ii ming'in miising' eng' kandoigap Judah, amu mong'unenen pounindet, ne tuun egu mestowotap piikyuk Israel.’ ”

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

LUKA 23:2

Ak ki toi anyun kotaam ineendet, kole, “Ki kinyooru chiichi komaasi pororyennyo, ak koetei kigoochi Caesarea kodi, ak komwaei ineendet kole, ‘Aa Kristo laitoryat.’ ”

LUKA 23:38

Ak ki mi siruutik metinnyi parak, che mwaei koleen, NI KO LAITORYAT NE PO YAHUDIK.

JOHANA 7:42

Ma mwa siruutyet, kole, ‘mang'une Kristo kesweek che po Daudi, ak kobun Bethlehem, nganaseet ole ki mi Daudi?’ ”

NG'ATUTIK 1:15

Ki anam anyun kandoigap ortinwekwok, piik che utaatiin ak ko taagunotiin, ak agoochi icheek kondoikwok koek kiptainigap eliphuusyek, kiptainigap pogolusyek, kiptainigap konomusyek ak kiptainigap tamanusyek ak pounik ko uu ortinwekwok.”

KOLOSAIK 1:17

ak po tai ineendet eng' tuguuk tugul, ak namegei tuguuk tugul eng' ineendet.

HEBRANIK 13:8

Kergei Jeso Kristo eng' amut ak ra, ak agoi koigeny.

HEBRANIK 7:14

Amu taagu keele ki punu Kiptaiyandennyo ooreetap Judah; pororyet ne ki ma mwaitae Musa ng'olyoo age tugul eng' ng'aleegap tisiik.

1 JOHANA 1:1

Nooto ne ki mi kobooch taunet, nooto ne ki kegas, nooto ne ki kegeer eng' konyekyok, nooto ne kigesue, ak konam eunekyok, agobo Ng'olyootap saboondo,

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”

NG'ANG'UTYET 2:8

“Ak isirchi malaikaiyatap kaniset ne mi Smyrna, ileenji: “Mwaei tuguuchu ineendet ne po tai ak ko ne po let, ne kime ak kosap kogeny:

NG'ANG'UTYET 21:6

Ak koleenjo, “Kagosulda! Aa Alpha ak ko aa Omega, taunet ak kagesunet. Agoochini puch ineendet ne amei melelda che po kondametutap peegap saboondo.

KIRUOGIK 17:7

Ki mi mureno age ne ki punu Beth-lehem-juda, ne po ooreetap Judah, ne ki Lawindet, ak ki meny olooto koek toondet.

RUTH 1:1

Eng' peetuusyek che ki irwoochi kirwoogik, ko ki piit rubeet eng' emet. Ki wo chii ne po Bethlehem eng' Judah kwo komeny emetap Moab, ineendet ak osotyonnyi kobooto weeriikyik aeng'.

RUTH 4:11

Ki le anyun piik tugul che ki mi ormariichet kobooto poisyek, “Ki paorinik. Ingoyai Kamuktaindet ne Toroor kwondo ne kanyo koong'ung' koigei Rael ak Leah, chooto aeng' che ki teech kootap Israel. Iegu ne nyolu eng' Ephratah ak iegu ne tagunoot eng' Bethlehem.

1 SAMUEL 10:19

Ago kaoeesye ra Kamuktaindeng'wong' ne ineendet ko sarwok eng' pichiinwekwok ak nyalilwogikwok tugul. Komwa ole, ‘Achicha, itoroorwech laitoryat koboiywech.’ Obwa anyun taitap Kamuktaindet ne Toroor obwanune pororyosyekwok ak ortinwekwok.”

1 SAMUEL 17:12

Daudi ko ki weeriitap Epratindetap Beth-lehem-juda ne ki kainennyi ko Jesse. Ki tinyei weeriik sisiit, ak eng' peetuusyegap Saulo ko kiga koosit ineendet.

1 SAMUEL 17:18

Ipchi kora mugunichu taman po cheego kiptaiyannywa ak igeer chametapkei ne po tupchosyeguk yeityo iibu waluunennywa.”

1 SAMUEL 23:23

Ogeer anyun ak onai komoswek tugul ole ung'egei yeityo obwa kogeny yu ami oibu ng'aleek che po iman, si keebe tugul. Ngot komi emoni, acheeng'oti eng' eliphuusyek tugul che po Judah.”

1 SAMUEL 8:12

ak kolewenjigei icheeget koek kiptainigap eliphuusyek ak kiptainigap konomusyek, ak kobat mbareenikyik alage, ak koges peekyik ak kotany kariikyik che po lugeet ak tuguugap kariisyekyik.