Biblia Todo Logo
La Biblia Online
- Anuncios -




LUKA 2:4 - BUKUIT NE TILIIL Sireet ne Dutero Kanon

4 Ki togos agine Joseph eng' Galilaya kobunu nganaseetap Nazareth, agoi Judea, kot koit nganaseetap Daudi, ne kiguure Bethlehem, amu ki po ineendet kootap Daudi, ak ki po ooreennyi;

Ver Capítulo Copiar

Bukuit Ne Tilil

4 Ki togos agine Joseph eng' Galilaya kobunu nganaseetap Nazareth, agoi Judea, kot koit nganaseetap Daudi, ne kiguure Bethlehem, amu ki po ineendet kootap Daudi, ak ki po ooreennyi;

Ver Capítulo Copiar

BUKUIT NE TILIL

4 Kitogos agine Josep eng’ Galili, kobunu nganasetab Nasaret, agoi Judea, kot koit nganasetab Daudi, ne kiguure Betlehem, amu ki bo inendet gotab Daudi, ak ki bo orennyi;

Ver Capítulo Copiar




LUKA 2:4
24 Referencias Cruzadas  

Ki me Rael, ak ki kitupchi ooreet ne wendi Eprat (yooto ko Bethlehem).


Ye kita anyoone abunu Padan, korebena meet Rael eng' emetap Kanaan, eng' ooreet ye ma loo kitigin eng' Eprat, ak ki atupchi anyun yooto po ooreetap Eprat (nooto ko Bethlehem).”


Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.


Ago ye kingo ta kobwaati tuguuchu, ogeero, ki mong'ji ineendet malaikaiyatap Kiptaiyat eng' karwotitoet kole, “Joseph weeriitap Daudi, ameiywei imutyigei Maria koek osotyondeng'ung' amu managaat ineendet eng' Kabuuset ne Tiliil.


Ki tebee nganaseet ne kiguure Nazareth si kobiit kosulda ne ki kamwa maotik kole, “Kiguure ineendet Nazaretindet.”


Ki pa anyun tugul si kesir, chii tugul eng' nganasennyi.


si kobiit kesir ineendet kobooto murerennyi Maria, ne ki chii oo.


Ki nyo anyun Nazareth, ole kinerchin: ki wo sinagogit, eng' peetuutap sabato, ko uu ye ki cham kowendi, ak kotonon si kobiit kosoman.


Ak ki leenji `Nathanael ineendet, “Tos imuuchi kobun Nazareth kiy age tugul ne myee?” Koleenji `Philipu ineendet, “Nyoo si igeer.”


Ma mwa siruutyet, kole, ‘mang'une Kristo kesweek che po Daudi, ak kobun Bethlehem, nganaseet ole ki mi Daudi?’ ”


Ki pa anyun tuwai kot koit Bethlehem. Kingo it Bethlehem, komong' nganaseet komugul eng' poiboiyet ak kole kwonyiik, “Naomi niito iman?”


Ki it anyun koit Boaz kobunu Bethlehem, ak kogat kesiik koleenji, “Ingotep Kamuktaindet ne Toroor kobootok.” Kowolji `icheek ineendet kole, “Ingoberuurin Kamuktaindet ne Toroor.”


Ki le anyun piik tugul che ki mi ormariichet kobooto poisyek, “Ki paorinik. Ingoyai Kamuktaindet ne Toroor kwondo ne kanyo koong'ung' koigei Rael ak Leah, chooto aeng' che ki teech kootap Israel. Iegu ne nyolu eng' Ephratah ak iegu ne tagunoot eng' Bethlehem.


Ki toochi kainet kwonyiigap kokwet, kole, “Kogesikyi Naomi weeriit.” Ki kuure kainennyi Obed. Ineendet kwandap Jesse, kwandap Daudi.


Ki mwachi `Kamuktaindet ne Toroor Samuel koleenji, “Iriirchini Saulo kot kotyanit, ko uu ye koaeesye ineendet koek laitoryat eng' Israel? Inde mwaita laleng'ung' konyi ak itau panda iwe. Ayooktoin iwe kap Jesse Bethlehemindet, amu kaalewenjigei laitoryat eng' weeriikyik.”


Ki yai Samuel kioto ki kamwa Kamuktaindet ne Toroor. Kingo it Bethlehem, kotorook ineendet poisyegap nganaseet kobotanionu. ki teebee ineendet koleenji, “Inyone eng' kaalyeet?”


Daudi ko ki weeriitap Epratindetap Beth-lehem-juda ne ki kainennyi ko Jesse. Ki tinyei weeriik sisiit, ak eng' peetuusyegap Saulo ko kiga koosit ineendet.


Kingo it koteebe Saulo koleenji, “Ii po kap ng'oo weeri?” Ak ki wolji Daudi koleenji, “Aa weeriitap otwogindeng'ung' Jesse, Bethlehemindet.”


Ngot kogeer kwandang'ung' kole ma mi, imwachi anyun ileenji, ‘Kosooma Daudi miising' kole achamji kolabat kwo Bethlehem nganasennyi. Amu mi olooto tiseiywotap kenyiit age tugul ne po ooreenywa tugul.’


Síguenos en:

Anuncios


Anuncios


¡Síguenos en WhatsApp! Síguenos