JEREMIA 27:8 - BUKUIT NE TILIIL Sireet ne Dutero Kanon

Ak tuun abire pororyet ak pounateet ne maotei Nebukadnezar niito laitoryatap Babilon, ak ne eesyoi konde kaatinnywa chogitap laitoryatap Babilon, abire pororyonooto rotwetap chok, ak rubeet, ak koroito, agoi ageesu icheek eng' eunnyi, mwaei Kamuktaindet ne Toroor.

Bukuit Ne Tilil

Ak tuun abire pororyet ak pounateet ne maotei Nebukadnezar niito laitoryatap Babilon, ak ne eesyoi konde kaatinnywa chogitap laitoryatap Babilon, abire pororyonooto rotwetap chok, ak rubeet, ak koroito, agoi ageesu icheek eng' eunnyi, mwaei Kamuktaindet ne Toroor.

BUKUIT NE TILIL

Ak tun abire bororiet ak bounatet ne maotei Nebukadnesar nito laitoriatab Babulon, ak ne esioi konde kaatinywa chogitab laitoriatab Babulon, abire bororionoto rotwetab chok, ak rubet, ak koroito, agoi agesu ichek eng’ eunnyi, mwaei Jehovah.

JEREMIA 27:8 Referencias Cruzadas

JEREMIA 24:10

Ak ayookyi icheek rotwetap chok, rubeet, ak koroito, agoi kogeskei eng' emet ne ki agoochi icheek ak kwanisyekwak.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 27:11

Ago pororyet ne kase iit laitoryatap Babilon, ak koot ineendet, abagaaktoi pororyonooto kong'et eng' emennywa, mwaei Kamuktaindet ne Toroor; ak kobat emonooto, ak komeny olooto.

JEREMIA 27:13

Amu nee si imee, inyee kobooto piiguk, eng' rotwetap chok, ak eng' rubeet, ak eng' koroito, ko uu ye kogomwa Kamuktaindet ne Toroor agobo pororyet ne ma chamei koot laitoryatap Babilon?

JEREMIA 28:14

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Kande chogitap karnet kaatwegap pororyosyechu tugul, si kobiit koot Nebukadnezar laitoryatap Babilon; ak otei ineendet: ak kaagoochi ineendet tyong'igap timiin ak icheek.

JEREMIA 28:4

ak amutu kogeny konyo olito Jekoniah weeriitap Jehoiakim laitoryatap Judah, kobooto luulenik tugul che ki kiluul che po Judah, che ki pa Babilon, mwaei Kamuktaindet ne Toroor: amu airie chogitap laitoryatap Babilon.

JEREMIA 29:17

mwaei Kamuktaindet ne Toroor ne po lugoosyek kole: Ogeero, ayookyini icheek rotwetap chok, ak rubeet, ak koroito, ak ayai icheek koigei logoegap mogoonik che samis, che ma kimuuchi keam, amu yaacheen miising'.

JEREMIA 29:18

Ak asube icheek rotwetap chok, ak rubeet, ak koroito, ak agoite icheek kewiirchi komosi ak komosi eng' pounatosyek tugul che po ng'wony, si koek che chubootiin ak che kikwong'ee, che kireenyei ak che kiteweeri, eng' pororyosyek tugul che ki aoonji;

JEREMIA 40:9

Ak ki iyasyechi Gedalia weeriitap Aikam weeriitap Sapan pichooto ak murenikwak, koleenji, amoiywei oot Kaldeik: omeng'iisye eng' emet, ak oot laitoryatap Babilon, si komyeeit eng' okweek.

EZEKIEL 14:21

Amu mwaei Kiptaiyat Kamuktaindet ne Toroor kole: Kotam nee anyun ye ayookyi Jerusalem kirwoogutikyuk ang'wan che ng'woneen; rotwetap chok, ak rubeet, ak tyong'ik che yaacheen, ak koroito, si kobar chii ak tyony?