ISAIAH 1:6 - BUKUIT NE TILIIL Sireet ne Dutero Kanon

Ma mi ole sabei kobooch keldebesyet agoi metit; ago tinyei mook ak kaneerutik, ak mook che inenderi; ma kiuun, ama kirat, ama kinuur eng' mwaita.

Bukuit Ne Tilil

Ma mi ole sabei kobooch keldebesyet agoi metit; ago tinyei mook ak kaneerutik, ak mook che inenderi; ma kiuun, ama kirat, ama kinuur eng' mwaita.

BUKUIT NE TILIL

Mami ole sobei koboch keldebesiet agoi metit; ago tinyei ng’otobosiek, ak kanerutik, ak mook che inenderi: ma kituch, ama kirat, ama kinur eng’ mwaita.

ISAIAH 1:6 Referencias Cruzadas

2 SAMUEL 14:25

Ki ma komi eng' Israel tugul chiito ne ki kilasu eng' korooronindo ko uu Absalom. Ki ma kotinyei perutyet kong'etee keldebesyet agoi metinnyi parak.

Kitabuutap JOB 5:18

Amu iguoteni ak konya, kwerei ak kosoobi eunekyik.

TIENWOGIKAL 77:2

Ki acheeng' Kiptaiyat eng' peetuutap nyalildanyu: Ki aiite eunnyu kemoi, ama amuuny; Ki eesyo saboondanyu kigaigai.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 30:12

Amu mwaei Kamuktaindet ne Toroor kole, ma inyaaksei kaguoteneng'ung', ak ko ng'waan moeng'ung'.

JEREMIA 30:15

Amu nee si iriir eng' kaguoteneng'ung'? Ma inyaaksei ng'wanindang'ung'. Koayaun anyun tuguuchuuto, amu ooindap yaityeng'ung', ak amu kitesagis tengekwogiguk.

JEREMIA 33:6

Ogeero, anyaai ak asoobi, ak asoobi icheek; ak ang'aang'ji icheek chaang'indap kaalyeet ak imanda.

JEREMIA 6:14

Kigonya ak kobir parak moogap piikyuk, koleenjin, “Kaalyeet, kaalyeet,” ye ma mi kaalyeet.

JEREMIA 6:7

Ko uu ye kutune peek keriinget, ko kuutu ko uu nooto yaityennyi. Kigasei koroomnateet ak ng'emisyet eng' ineendet; mi tainnyu kotugul myando ak mook.

NAHUM 3:19

Ma mi kiy ne isoobi moeng'ung'; ng'waan moeng'ung'. Tugul che kasei ng'aleek agobo inyee, ko iraprabi eunek agobo inyee. Amu ng'oo ne ki kochililee yaityeng'ung' ne ma igeesugei?

MALAKI 4:2

Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

MATAYO 9:12

Ago kingo kas, koleenji, “Ma machei che chamegei chepkerichot, ago che myandos.

LUKA 10:34

kwo ole mi ineendet, koratyi ole kagibir, ak kosachinot mwaita ak divaik; ak kiganapchi chiichooto sigiryennyi, ak komut kwo kootap toek, ak koriip ineendet.