ISAIAH 1:7 - BUKUIT NE TILIIL Sireet ne Dutero Kanon

⁷ Kigoguber emeng'wong', ki kebeel nganasookwok; ibookyin toek emeng'wong' ogeere, kogoguber, ko uu ne kogong'em toek.

Bukuit Ne Tilil

⁷ Kigoguber emeng'wong', ki kebeel nganasookwok; ibookyin toek emeng'wong' ogeere, kogoguber, ko uu ne kogong'em toek.

BUKUIT NE TILIL

⁷ Kigoguber emeng’wong’; kigebeel nganasokwok; ibokyin toek emeng’wong’ ogeere, ak kogoguber, ko u ne kogong’em toek.

ISAIAH 1:7 Referencias Cruzadas

2 ATEPTAP PEETUUSYEK 28:5

Ki inde Ahaz anyun `Kamuktaindet ne Toroor Kamuktaindennyi eutap laitoryatap Syria, ak ki iterteer ineendet ak komut tuiyet ne oo ne po piikyik koek luulenik ak komut koba Damasko. Ki kinde ineendet kogeny eunegap laitoryatap Israel, ne ki iterteer ineendet eng' pareet ne oo.

TIENWOGIKAL 107:34

Walei emet ne iyiot koek surkwen ne po muunyuk, amu sogornatetap icheeget che menyei olooto.

TIENWOGIKAL 107:39

Ak kogeny, kichuchuchi ak kinyeroti eng' usiisyet, ak nyalilda, ak arageneet.

TIENWOGIKAL 109:11

Ingorebe yaagindet tuguuk tugul che tinyei; ak ingoluul toek poisyennyi.

ISAIAH 1:8

Kigebagaakta cheptap Zion ko uu keryet eng' mbareetap sabibuk, ko uu keryet eng' mbareetap ingweek, ko uu nganaseet ne kiyiem puunik.

ISAIAH 3:8

Amu kogong'emak Jerusalem, ak kogobut Judah; amu ki ingelelji Kamuktaindet ne Toroor eng' ng'elyebwekwak ak eng' poisyonikwak, koesyoi kimni toroornatennyi.

ISAIAH 34:9

Ak kewal kereruusyekyik koek manget, ak kewal temburyekyik koek koik che laldos, ak koek emennyi manget ne lalei.

ISAIAH 49:19

Amu mariigitu komosweguk che kigemeto, ak che ki koguber, ak emeng'ung' ne kigeng'em, iman mariigityin piik che menyei, ak kolooegitu icheek che kiluguin.

ISAIAH 5:17

Yeityo koagetyo aaregap kechir ko uu eng' ole cham koagete, ak koam toek ole ki kometo che akwaen.

ISAIAH 5:9

Mwaei Kamuktaindet ne Toroor ne po lugoosyek, agase eng' itiikyuk kole: “Iman, kuberi kooriik che chaang', agot kooriik che eecheen che korooron, koma menyei chii.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

ISAIAH 60:15

Ak ko uu ye kiga kebagaakten, ak kewechin, kot ko ki ma kota komi chii ne kibunei kwenung'ung', ayain anyun iegu telunateet ne po koigeny, poiboiyetap ibinwek che chaang'.

ISAIAH 62:8

Ki koyosyo Kamuktaindet ne Toroor eng' eunnyi ne po tai, ak eng' eutap kimnateennyi, kole, iman, ma agoitoi peeguk koek amitwogigap puuniguk; ama koee toek divaiguk, che ki iyai:

ISAIAH 64:10

Ki koek ong'ateet nganasoguk che tiliileen, koek Zion surkwen, koek Jerusalem karaatya.

ISAIAH 9:18

Amu lalei yaityet ko uu maat, igeesu katook che rutei piich ak che toorei piich: lalei eng' timiin ne oo, ak koiyen iyeto ne oo ne uu poolik che nyigiisen.

ISAIAH 9:5

Amu kibeelei kweonik tugul che po chiitap lugeet eng' wasetapkei, ak ngoroik che ki isegei korotiik, egu tugul che laldos.

JEREMIA 2:15

Kigoborisenji `ng'etuunyik ineendet, ak komororso miising'. Kigong'em emennyi koek karaatya, ki kebeel nganasookyik, ak ma komenyei chii.

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 44:6

Kirong'kei anyun nereegekyuk che ng'woneen, ak kong'waanityi nganasoogap Judah ak eng' ortinwek che po Jerusalem; ak ki koek karatwek ak kigoguber ko uu kiit ne uu peetuusyechu.

JEREMIA 6:8

Kas kergong', ee Jerusalem, si ma istoenegei saboondanyu; ak si ma yain iegu karaatya, nooto emet ne ma menyei chii.

JEREMIA 7:34

Agoochini anyun kosiis tuugeetap poiboiyet ak ne po kagasetapkei, ne po sandet ak ne po murereet, eng' nganasoogap Judah ak ortinwegap Jerusalem, amu egu emet karaatya.

RIREKAB JEREMIA 5:2

Ki kigoochi porotennyo kiprutoin, ki kigoochi kooriikyok piich che po emotinwo alak.

EZEKIEL 25:4

keer anyun, agoochinin lagogap kong'asiis ibunji, ak koteekso icheek eng' kwenung'ung', ak koyai meng'otosyekwak eng' kwenung'ung'; amei logoeguk ak kolu cheguuk.

EZEKIEL 30:12

Ak ateenyi ainoosyek, ak aaldochi emonooto piik che yaacheen; ak ayai emet koguber, kobooto tugul che mi olooto, eng' eunegap toek: kamwae anee Kamuktaindet ne Toroor ng'olyoondoniito.

HOSEA 7:9

Ki koam kipsagarek kimnateennyi ama naei, ee, mi kalwalek alage yu, komi alage yuun eng' ineendet ama naei.

HOSEA 8:7

Amu koolei usoonet, ak kesei kipchurchuryet: ma tinyei peek che tonondos; ma iitos itigap peek; ngot koiiyo, koamei kipsagarek kotarei.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

ATEPTAP LAWIK 26:34

“Yeityo kobaibaitune anyun emet sabatoisyekyik, eng' peetuusyechooto ko kuberot, omi emetap puunikwok; komuuny anyun emet, ak kobaibait eng' sabatoisyekyik.

MIKAH 5:11

ak abar nganasoogap emeng'ung', ak abut irimoiguk tugul:

MIKAH 6:13

Koabirin anyun aginye eng' mook ne oo, koayain iegu panan amu tengekwogiguk.

NG'ATUTIK 28:33

“Amei pororyet ne mengen logoegap emeng'ung' ak poisyoniguk tugul. Kinyaliilin ak ketyekyinin ng'wony kotugul,

NG'ATUTIK 28:43

“Tororitu toondet ne mi kwenung'ung' kosiirin; ak iming'initu miising'.

NG'ATUTIK 29:23

Keerei kole ki kowalak emet komugul koek tuguuk che laldos ak muunyuk, kot koma kegolei ama koiyei ama kobite suswo. Kergeitu ak ng'emisyetap Sodom ak Gomorah, Adma ak Seboim che king'em `Kamuktaindet ne Toroor kowong' eng' nereegekyik ak eng' nyitatennyi.