2 SAMUEL 14:25 - BUKUIT NE TILIIL Sireet ne Dutero Kanon

²⁵ Ki ma komi eng' Israel tugul chiito ne ki kilasu eng' korooronindo ko uu Absalom. Ki ma kotinyei perutyet kong'etee keldebesyet agoi metinnyi parak.

Bukuit Ne Tilil

²⁵ Ki ma komi eng' Israel tugul chiito ne ki kilasu eng' korooronindo ko uu Absalom. Ki ma kotinyei perutyet kong'etee keldebesyet agoi metinnyi parak.

BUKUIT NE TILIL

²⁵ Kima komi eng’ Israel tugul chito ne kigilosu eng’ kororonindo ko u Absalom: kima kotinyei berutiet kong’eete keldebesiet agoi metinnyi barak.

2 SAMUEL 14:25 Referencias Cruzadas

1 LAITORINIK 1:6

Ago ma polji `ineendet kwandanyi eng' peetuut age tugul anan koteebe kole, “Amu nee si iyai ko uu niito?” Ki muren ne karaaran kot agine ak kirubu Absalom.

Kitabuutap JOB 2:7

Kwo anyun Setani eng' taitap Kamuktaindet ne Toroor ak kobiree Job ondirik che ng'woneen kobooch keldebesyennyi agoi metit parak.

KALEWANAIK 31:30

Iberberisyei myeeindo, ak ko puch korooronindo, ago kilasu kwondo ne iywei Kamuktaindet ne Toroor.

ISAIAH 1:6

Ma mi ole sabei kobooch keldebesyet agoi metit; ago tinyei mook ak kaneerutik, ak mook che inenderi; ma kiuun, ama kirat, ama kinuur eng' mwaita.

EZEKIEL 23:15

che kirategei mosibisyek, ak kotaae metowekwak ngoroik che ki kisal, ko pounik tugul, che tiny kegeer, che kergei ak Babilonik eng' Kaldea, emennywa ne ki kisikyin.

MATAYO 23:27

“Pwo eng' okweek, siriik ak Pharisaik, chombilik! Amu oo kerge ak kereeriisyek che kigesal koleelagitu, che korooron iman parak eng' keeret, ago nyiitootiin oriit kawegap piik che ki kobek ak murwoonindo tugul.

EPESOEK 5:27

si kobiit komutyigei kaniset, nooto ne po toroornatet, ne ma tinyei kunenden anan siring'ut anan kiy age tugul ne uu nooto; ago koek ne tiliil ne ma tinyei tisya.

NG'ATUTIK 28:35

Pirei `Kamuktaindet ne Toroor kutung'oiguk ak keelyeguk eng' ondirik che ng'woneen che ma kimuuchi kisoobun, kobooch keldebesyet agoi metit parak.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”

1 SAMUEL 9:2

Ki tinyei weeriit ne ki kiguure kainennyi Saulo, neraneet ne karaaran. Ki ma komi chii ne karaaran kosiir ineendet eng' piigap Israel! Ki kooi kosiir chii tugul.