GALATYEK 3:11 - BUKUIT NE TILIIL Sireet ne Dutero Kanon

Taagu anyun keele, ma mi chii ne kiityin imanda eng' Ng'atuutyet eng' taitap Kamuktaindet: amu, Sabei ne po imanda eng' kayaneet;

Bukuit Ne Tilil

Taagu anyun keele, ma mi chii ne kiityin imanda eng' Ng'atuutyet eng' taitap Kamuktaindet: amu, Sabei ne po imanda eng' kayaneet;

BUKUIT NE TILIL

Toogu anyun kele, mami chi ne kiityin imanda eng’ Ng’atutiet eng’ taitab Jehovah: amu, Sobei ne bo imanda eng’ kayanet;

GALATYEK 3:11 Referencias Cruzadas

1 LAITORINIK 8:46

“Ngot koyaun tengek, (amu ma mi chii ne ma yaei tengek,) ak inereekyi, igoochi icheek eunegap puunikwak, koluul icheek komut koba emetap puunik, ngot ko loo anan ko neegit,

Kitabuutap JOB 40:4

“Keero, ma aa kiy; awolun nee? Kagonama kuut.

Kitabuutap JOB 42:6

Kasaskei anyun amu nooto, kasigu eng' temburyek ak oreek.”

Kitabuutap JOB 9:3

Ngot kochamei chiichooto kobelgei ak ineendet, koma imuuchi kowolji agot ng'olyoot eng' eliphuut.

TIENWOGIKAL 143:2

Amerwookyi otwogindeng'ung'; amu ma mi chii ne sabei ne kiityin imanda eng' taing'ung'.

TIENWOGIKAL 19:12

Ng'oo ne imuuchi koguiyo lelutikyik? Itiliila eng' tuguuk che ung'ootiin.

AMDOINDET 7:20

Iman, ma mi chii ne po iman eng' ng'wony, ne yaei ne myee ama yaei tengekto.

ISAIAH 53:6

Ki uu acheek tugul keechiirek che ki kobetyo; kigosup age tugul eng' acheek ooreennyi; ak kigonde `Kamuktaindet ne Toroor ineendet tengekwogikyok acheek tugul.

ISAIAH 6:5

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

HABAKUK 2:4

Ogeero, kagomen muguleldanyi, ma litit ineendet, ago sabei ne po imanda eng' kayanennyi.

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

GALATYEK 2:16

ago kingen keele ma kiityin chii imanda eng' poisyonigap ng'atuutik, ago eng' kayaneet eng' Jeso Kristo, ki kiyan agacheek eng' Kristo Jeso, si kobiit kiityech imanda eng' kayaneet eng' Kristo, ama eng' poisyonigap Ng'atuutyet: amu ma kiityin chii imanda eng' poisyonigap Ng'atuutyet.

HEBRANIK 10:38

Ago sabei nenyu ne po imanda eng' kayaneet, Ak ngot kochuchuigei koma paibaitu muguleldanyu eng' ineendet.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.

JAKOBO 3:2

Amu kibutosi acheek tugul eng' tuguuk che chaang'. Ngot koma ibut chii age tugul eng' ng'olyoo, kogesunotkei chiichooto, ak komuuchi koriip poorto komugul agine.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.