AMDOINDET 3:4 - BUKUIT NE TILIIL Sireet ne Dutero Kanon

peetuut ne ki riirtos ak peetuut ne kiroritos; peetuut ne kiteitos ak peetuut ne kiurereni;

Bukuit Ne Tilil

peetuut ne ki riirtos ak peetuut ne kiroritos; peetuut ne kiteitos ak peetuut ne kiurereni;

BUKUIT NE TILIL

betut ne kirirtos, ak betut ne kiroritos; betut ne kiteitos, ak betut ne kiurereni;

AMDOINDET 3:4 Referencias Cruzadas

TAUNET 21:6

Ki le Sarah, “Kagoono Kamuktaindet aroori; ak age tugul ne kasei ng'olyoondoni kororyei kobooto.”

2 SAMUEL 6:16

Kingo it moingetap Kamuktaindet ne Toroor nganaseetap Daudi, koiit eng' tirisia Mikal cheptap Saulo. Kingo keer `ineendet Laitoryat Daudi kotwoltwoli ak kourereni eng' taitap Kamuktaindet ne Toroor, kosas ineendet eng' muguleldanyi.

TIENWOGIKAL 30:11

Ki iwal kateennyu koek ureryet; ki ireegunena kuniet, ak ilaakwa poiboiyet.

TIENWOGIKAL 30:5

Tebyei nereegekyik ne matya; ichuldos chametap Kamuktaindet ne Toroor eng' sabeetap chii. Mi riirek kemout, ago piitu poiboiyet karon.

KOMONG'U 15:20

Ki nam anyun Miriam kwondo ne maotyoo, chepkametap Aron, sugutit ne ming'in eng' eunnyi ak ki isup `ineendet kwonyiik tugul che ki ibei sugutisyek che mengeechen kotyenoti.

AMDOINDET 3:5

peetuut ne ki wiirtoi koik ak peetuut ne kiyumi koik; peetuut ne kitoroochegei ak peetuut ne ma kitoroochegei;

AMDOINDET 7:14

Paibaitu eng' peetuutap perurto, ak eng' peetuutap nyalilda ibwaat komyee. Ki iyai Kamuktaindet chooto kogergeit tuwai, si ma nai chiito kiit age tugul ne piitu let.

ISAIAH 40:1

Ogaigai, ogaigai piikyuk, mwaei Kamuktaindeng'wong'.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

MATAYO 11:17

ak kole, ‘Kigeguutwak ndurerusyek, ak ki ma oureren; ki kiteeye ak ki ma oriirye.’

MATAYO 9:15

Ak ki leenji Jeso, Imuuchi icheek che kogiguurchi katunisyet koaragenso, kota komi ak sandet? Ago pwoonei peetuusyek, che tuun ki istoe sandet icheek, ak korugutkei anyun.

LUKA 1:58

Ak kogas piigap kokwennyi ak piigap ooreennyi kole kagoboorchi Kiptaiyat rireenennyi kwonyooto; ak kiboiboitu tugul.

ROMANIK 12:15

Oboiboitu kobooto che poiboi; oriirye kobooto che riirtos.

2 KORINTOEK 7:10

Amu arageneet ne tokyingei Kamuktaindet koyaei siguunet agoi yetunet, ne ma tinyei ndara, ago arageneet ne po ng'wonyuni koibu meet.

JAKOBO 4:9

Onginyaliilak, ak oaragense, ak oteeiye: ingowalak roryondeng'wong' koek arageneet, ak koek poiboiyeng'wong' nyigiisindo.