2 KORINTOEK 7:10 - BUKUIT NE TILIIL Sireet ne Dutero Kanon

¹⁰ Amu arageneet ne tokyingei Kamuktaindet koyaei siguunet agoi yetunet, ne ma tinyei ndara, ago arageneet ne po ng'wonyuni koibu meet.

Bukuit Ne Tilil

¹⁰ Amu arageneet ne tokyingei Kamuktaindet koyaei siguunet agoi yetunet, ne ma tinyei ndara, ago arageneet ne po ng'wonyuni koibu meet.

BUKUIT NE TILIL

¹⁰ Amu arogenet ne tokyingei Jehovah koyaei sigunet agoi yetunet, ne matinyei ndara: ago arogenet ne bo ng’onyuni koibu meet.

2 KORINTOEK 7:10 Referencias Cruzadas

TAUNET 30:1

Ye kingo keer Rael kole mata kosikyi Jakobo lagok, koam ng'etkong' ineendet agobo chepkamet. Koleenji Jakobo, “Kono lagok, ak ngo megono, amee.”

2 SAMUEL 12:13

Koleenji `Daudi Nathan, “Koayachi Kamuktaindet ne Toroor tengekto.” Kowolji `Nathan Daudi koleenji, “Kagoisto Kamuktaindet ne Toroor agine tengektong'ung'; memee.

2 SAMUEL 13:4

ki teebee `Jonadab Amnon koleenji, “Kolya o, weeriitap laitoryat, si isagiti peetuut age tugul?” Kowolji `Amnon ineendet koleenji, “Koacham ak amache Tamar chepkametap tupchennyu Absalom.”

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

1 LAITORINIK 21:4

Ki nyo Ahab koonnyi eng' muguleldo ne nyigiis, ak konereechi amu ng'olyoot ne kamwachi Nabot Jesreelindet, amu kiga leenji, “Ma koonin poroteetap kwanisyekyuk.” Ki ru eng' itogunnyi, kolit oliin ak koeesyo koamis.

TIENWOGIKAL 38:18

Ang'aanye tengektonyu; aarageni amu chalwoktanyu.

KALEWANAIK 15:13

Igoochin muguleldo ne igasegei togeet kobaibait, ago tanui `ine eng' arageneetap muguleldo.

KALEWANAIK 15:15

Yaacheen peetuusyek tugul che po che kinyaliili, ago muguleldo ne igasegei ko igoorto ne po kotugul.

KALEWANAIK 17:22

Kerichek che myach muguleldo ne igasegei, ago iyaami kawek `saboondo ne katanui.

KALEWANAIK 18:14

Igimiiti saboondap chiito nyalulnatennyi; ago imuuchi ng'oo komuita eng' arageneet?

AMDOINDET 7:3

Kaigai arageneet kosiir roryot, amu kiboiboi muguleldo eng' arageneetap togeet.

JEREMIA 31:9

Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.

EZEKIEL 7:16

Ago chilildos icheeget che chilildos, ak koigei eng' tuloonook cheptugenigap atebwosyek, riirtos tugul, riirei chii age tugul eng' tengektanyi.

JONAH 3:10

Kingo keer Kamuktaindet poisyonikwak, kole kaweek icheek kometo ooreenywa ne ya; kowal Kamuktaindet kabwaatutikyik agobo yaityet ne ki kamwa kole yachin icheek; ak mata koyai.

JONAH 3:8

Ago ingetuge icheek tugul kuniok, chii ak tyony, ak ingoriirchi Kamuktaindet eng' kimnateet. Ee, ingoweek chii tugul kometo ooreennyi ne ya, ak kometo koroomnateet ne mi eunekwak.

JONAH 4:9

Ki leenji `Kamuktaindet Jona, “Tos iyae ne myee nginereech agobo silangwet?” Ak ki le, “Kayai ne myee nganereechi, anereechi agot agoi meet.”

MATAYO 26:75

Ki ibwaat Petero ng'olyoot ne kiga komwa Jeso kole, “Kotom koote kipsoiywet, ieesyoa konyil somok.” Ak kimanda saang' ak koriir eng' ng'wanindo.

LUKA 15:10

Uu nooto anyun, amwaiwok ale, mi poiboiyet eng' taitap malaikaisyegap Kamuktaindet eng' kiptengekyot agenge ne kasik.

LUKA 18:13

Ago ki tonon taagindetap aisuruut eng' ye loo, ak ma cham agot konyal kipsengwet, ago kiluch tegeennyi, kole, ‘Kamuktaindet, rireena, aa kiptengekyo.’

POISYONIGAP CHE KIYOKTOI 11:18

Kingo kas ng'aleechuuto, kosiisyo. Ak ki iloos Kamuktaindet, koleen, “Kaagaa kagogoochi `Kamuktaindet Pororyosyek ak icheek siguunet ne ibu saboondo.”

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun peetuusyek che po kamuung'et che punu taitap Kiptaiyat;

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

2 KORINTOEK 7:9

Abaibai nguno, ma amu ki kigoonok oaragense, ago abaibai amu ki kigoonok oaragense agoi siguunet: amu ki kigoonok oaragense eng' arageneet ne tokyingei Kamuktaindet, si ma petwok kiy age tugul amu acheek.

HEBRANIK 12:17

Amu ongen ole kingo mach eng' let konam kaberuret, keesyo (amu ki ma sich poroindo ne po siguunet) nganda ki cheeng' miising' eng' peegap kong'.

1 SAMUEL 30:6

Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.