AMDOINDET 11:5 - BUKUIT NE TILIIL Sireet ne Dutero Kanon

Ko uu ye mengen ooreetap usoonet anan ole nertoi kawegap lakweet eng' moetap ineendet ne managaat; uu nooto mengen poisyetap Kamuktaindet ne yaei tuguuk tugul.

Bukuit Ne Tilil

Ko uu ye mengen ooreetap usoonet anan ole nertoi kawegap lakweet eng' moetap ineendet ne managaat; uu nooto mengen poisyetap Kamuktaindet ne yaei tuguuk tugul.

BUKUIT NE TILIL

Ko u ye mengen oretab usonet anan ole nertoi kowekab lakwet eng’ moetab inendet ne managat; u noto mengen boisietab Kamuktaindet ne yaei tuguk tugul.

AMDOINDET 11:5 Referencias Cruzadas

Kitabuutap JOB 37:23

Ma kimuuchi kegeer Ineendet Ne po Kamuktaet; tinyei telunateet eng' kamuktaet: Ma inyalilisyei eng' kirwooget ak eng' imanda ne oo.

Kitabuutap JOB 38:4

Ki imi ano ye ki andoi lumeiywegap ng'wony? Mwau anyun, ngot iguitosi.

Kitabuutap JOB 5:9

Ineendet ne yaei tuguuk che eecheen che ma isiagaksei, tuguuk che kikwong'ee che ma iitoksei.

TIENWOGIKAL 104:24

Ee Kamuktaindet ne Toroor, chaang' ne tya poisyoniguk! Ki iyai tugul eng' utaatyet; nyiitaat ng'wony mogornatosyeguk.

TIENWOGIKAL 40:5

Ee Kamuktaindet ne Toroor Kamuktaindennyu, ki iyai poisyonik che chaang' che kikwong'ee, kabwaatutik che ibwaate agobo acheek; koma kimuuchi ketetun. Ngot ale amwaita ak ang'alaalee, ko chaang' miising' kot koma kimuuchi kiit.

TIENWOGIKAL 92:5

Eechen ne tya poisyoniguk, ee Kamuktaindet ne Toroor! Ma tinyei ole poochin kabwaatutiguk.

AMDOINDET 1:13

Ki agiil muguleldanyu kocheeng' ak kosyach eng' utaatyet agobo tuguuk tugul che kiyaei eng' kurereetap kipsengwet. Ki igoochi Kamuktaindet weeriigap piik poisyet ne po nyalilda kotigone.

AMDOINDET 1:6

Usyin usoonet murot tai, ak koweek kwo murot kaataam, weechegei kotugul eng' ole punooti, ak koweeksei kogeny eng' ole pooch yiemutikyik.

AMDOINDET 11:4

Ma kolsei ineendet ne riibei usoonet; ama kesei ineendet ne keerei poolik.

AMDOINDET 3:10

Ki ageer poisyet ne Ki kogoochi `Kamuktaindet weeriigap piik kotigone.

AMDOINDET 3:11

Ki koyai kiy age tugul kogararanit eng' peetuunnyi: ak ki inde mugulelwekwak kabwaatetap koigeny, ago nganda uu nooto, koma imuuch konai chiito poisyet ne ki koyai Kamuktaindet kobooch taunet agoi kagesunet.

AMDOINDET 7:24

Kiit ne mi, komi ye loo ak ki wo oriit miising'; ng'oo ne imuuchi konyoor?

AMDOINDET 8:17

Ki ageer anyun poisyonik tugul che po Kamuktaindet, ale ma imuuchi chii konai poisyet ne kiyaei eng' kurereetap asiista. Amu agot ngo kiilgei chiito ne tai, kole kocheeng', koma nyooru; ee, agot ngo leen chiito ne utaat konai, koma imuuchi konyoor.

ISAIAH 40:28

Tos tomo inai? Tos tomo igas? Manyaluli, ama ng'etei Kamuktaindet ne po koigeny, ineendet Kamuktaindet ne Toroor, Yaindetap ng'wony komugul; ma isyachaksei naennyi.

JOHANA 3:8

Usyin koristo ole machei, ak igase cheennyi, ago mengen ole punu, anan ole wendi. Ara uu nooto chii age tugul ne kagisich eng' Kabuuset ne Tiliil.”

ROMANIK 11:33

Ee tyanitu anyun ooindo ne po mogornatosyegap utaatyet ak naetap Kamuktaindet! Ak kirwoogutikyik che ma isiagaksei, ak ortinwekyik che ma cheeng'oksei!