JOHANA 3:8 - BUKUIT NE TILIIL Sireet ne Dutero Kanon

⁸ Usyin koristo ole machei, ak igase cheennyi, ago mengen ole punu, anan ole wendi. Ara uu nooto chii age tugul ne kagisich eng' Kabuuset ne Tiliil.”

Bukuit Ne Tilil

⁸ Usyin koristo ole machei, ak igase cheennyi, ago mengen ole punu, anan ole wendi. Ara uu nooto chii age tugul ne kagisich eng' Kabuuset ne Tiliil.”

BUKUIT NE TILIL

⁸ Usyin koristo ole machei, ak igase cheennyi, ago mengen ole bunu, anan ole wendi: ko u noto chi age tugul ne kagisich eng’ Tamirmiriet.

JOHANA 3:8 Referencias Cruzadas

TIENWOGIKAL 107:25

Amu ng'atei ak kong'eeti kipchurchuryet, ne namjin parak mildaennyi pogei ne po peek.

TIENWOGIKAL 107:29

Igoochin anyun kipchurchuryet kosiis, ak kosiisyo peek che mildogei.

TIENWOGIKAL 135:7

Igoochin kibungweret kotogosta kong'etee ole poochin ng'wony; yachin ropta kalyelosyek; imoong'u usoonet eng' konoraikyik.

AMDOINDET 1:6

Usyin usoonet murot tai, ak koweek kwo murot kaataam, weechegei kotugul eng' ole punooti, ak koweeksei kogeny eng' ole pooch yiemutikyik.

EZEKIEL 37:9

Koleenjo anyun, Maotenji usoonet, maoten, ee, weeriitap chii, ak ileenji usoonet, Mwaei Kiptaiyat Kamuktaindet ne Toroor kole: Nyoo eng' usoonaik ang'wan, ee kabuuset, ak ibuusyi chu kigebar, si kobiit kosapcho.

JOHANA 1:13

che ki kisich ama eng' korotiik, anan eng' mageetap poorto, anan eng' mageetap chii, ago eng' Kamuktaindet.

JOHANA 3:7

Amekwong' amu kamwaun ale, ‘Kanyool kesichok eng' sigeet ne leel.’

JOHANA 3:9

Kowolji Nikodemo koleenji, “Imuuchi kobiitunda ano tuguuchu?”

POISYONIGAP CHE KIYOKTOI 2:2

Ak ki mong' eng' sainooto cheet ne punu kipsengwet ko uu usoonet ne usei eng' kimnateet ne oo, ak ki nyi koot komugul ole ki tebee.

POISYONIGAP CHE KIYOKTOI 4:31

Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.

1 KORINTOEK 12:11

ago poisyee chuuto tugul Kabuuset ne Tiliil ne nooto agenge, kopchechin age tugul ko uu ye makyin.

1 KORINTOEK 2:11

Amu tos ng'oo chii ne ingen tuguugap chii kobatee muguleldap chiichooto ne miitei ineendet? Ko uu nooto ma mi chii ne ingen tuguugap Kamuktaindet, kobatee Kabuuset ne po Kamuktaindet.

1 JOHANA 2:29

Ngot ongen ole po imanda ineendet, ongen ole age tugul ne yaei imanda kogigesich agine eng' ineendet.