JOSHUA 5:2 - Hawa Naga Bible 2001 Kvruex yimaq Yehowa rueq Yoshua muex ngoc, “Payc lung wawc yaung tvhungx vtueq Israel miqsaz muex vhttoar gvnz kuq shuiuz,” ngoz tueq jungx tueq. ASII LAKDAP Bible (BSI) Kiijiishe Tatiwe raq, “Longpen wa longniq jasai wiijam tiije hailaq. Laüta Israilnok atho ka hankuq laq,” nguta Joshua ma chongto. |
Kvkaq vtaungx nyuiuz Zippora rueq lung httehvlc vshiz lvmz vtueq vsaz httoar kuex gvnz kuq ruiux, vhttoar kvmaq Moshe yaz nuex htuinc tueq. Yvmx khoc lac ngoz ruiux lec vhttoar gvnc vhtungx httax yaq ningkhvnc nuex piq rueq Moshe muex ngoc, “Mnoz kuex ngvy tvguiy kop yaq itaungx waz rvtoq,” ngoz tueq. Kvkhoc rvtueq Yehowa rueq Moshe kuex httvr gay tueq.
Yuda miqsaz muik shauk kuex thuinz vmungx nuex vhttoar gvnc rvhumc jix waz rvtueq. Kvruex waz kuex Yuda miqsaz muex yaungx yaq lvmx kuex luik nuex vwuiyq shec Tvrac kvraq rvmuq, Tishox Siyac rueq jix miqsaz thuinz vmungx maq Yuda miqsaz muex tvyaungc kuq yaq. Kvkhoc jix miq kuex miqsaz kox maq tvtsvmc kvmc kuy rvhumc yaq rvmuq, Tishox kox wawc lvp wvnc jix waz rvtueq.
Piq kuex Tishox rueq tsuingrux ngoz tueq ngoz kuq tueq kuex lvp wvnc tueq yix maq shex vhttoar gvnc vhtungx lvmz tueq, kvkhoc vhttoar gvnc vhtungx kuex Abraham kvmluimx ningkhvnc nuex vhttoar gvnc vhtungx max lvmz shauk nuex phuex Tishox rueq tsuingrux ngoz tueq ngoc kuy rvhumc tueq kuex tvkhic mvhttarc rvtueq. Kvkhoc ningkhvnc nuex Abraham kuex vhttoar gvnc vhtungx lvmz muq, yuq muinz Tishox muex kvmluimx ningkhvnc nuex tsuingrux ngoz tueq ngoc kuy rvhumc tueq.
Kvkhoc rvtueq nuimshiq kuex majuiuc vmaq phaungc vtueq Yehowa kvjaz kuex tay phvnx wuez shuinz, khux nauk tvtsanc kaz.
Nuimshiq muex muinz nuimshiq suiuz vsaz hez muex muinz vtay vphvnc thenc yaq thuinz vmungx kuex Yehowa nuimshiq Tishox rueq kuq kv-phuinx, kvkaq nuimshiq thuinz vmungx maq vpiq kuex lungwawx shuinx; kvkhoc mungtan kvyuq nuimshiq httaz wvnc wuez tuinx.
Nuimshiq kuex Christu nuex vshiz dvyx yaungx wvnc tuit nuex vhttoar gvnz wvnc wuez tuit, kvruex kuex miqsaz yauk maq shuimc wvnc rvmuq maq, mvrax kop yaq gvnngvmx hungc vlaungc wawc tvdung wvnc tueq ngoz yaq Christu rueq tvyaungx wvnc tueq vhttoar gvnc lvmc lvmx rvtueq.
Kvkhoc rvtueq Yoshua muex Yehowa rueq nvr tueq rulc rv-ngvlc Israel miqsaz htenc muex vhttoar gvnc kanx ngoz tueq muingc yaq baung kvmaq vhttoar gvnz kuq tueq.