JOSHUA 5:1 - Hawa Naga Bible 2001

¹ Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.

ASII LAKDAP Bible (BSI)

¹ Jordan rai maq shenyap mung nü na siti kunli Amoraiqnok hokhambi raq kiimaq Mediterenian Khamjongkii binjü mung thun na siti Kanannok hokhambi thun kunli raq, Israilnok kunli raq Jordan rai ka mijin wan lot shaq wiiwii, Tatiwe raq, Jordan rai kham ka tiisiirai tiisüroq trübaiqto; raüta jükok ka phiisü shinriiqriiq ma tiija baiqto nguta tsütsa ka taito. Tsangshiq ka Israilnok ma pinthum haito kiimaq tsaihü jihü she riito.

JOSHUA 5:1 Referencias Cruzadas

RAPHA HIQWA LAK 12:6

Abram rueq kvruex mungx kuex yanz laq vtueq Shekhem hong nuex httax yaq More wawc vsawc pulx jungx kemz yaq nuex httuiuc kaz tueq. (Kvtanc jauz Kanaan miqsaz kuex kvruex mungx kvyuq httax wuez yaq.)

RAPHA HIQWA LAK 48:22

Ngaz rueq yaung nuiyc laq maq Amori miqsaz yauk wawc vlvp wvnc ghaqbur hvlc Shekhem hong kuex mphuz mnox hez muex ngaz rueq kuq mauk, mnoz muex dvyx kuq vphaungx,” ngoz tueq jungx tueq.

2 SAMUEL 21:2

(Gibeon miqsaz htenc kuex Israel miqsaz rvmuq; tsuingshiq kuex Israel miqsaz rueq tvkhup wungx kuy tvkoc bomkhvmc kuy rvhumc tueq, Amori miqsaz wawc miqphvnx raungluingx saz dvyx rvtueq, yuq muinz Sholu kuex Israel nuiyc Yuda miqsaz htenc tvkoc thuinz tvtsanc ningkhvnc nuex tsuingshiq kuex tvbac gay dvnc tueq.)

1 HOKHVMX 10:5

piq rueq phuiuz svy juing humpanx htauk nuex tv-phauk saq yaq kvmuinz, piq vyungx vlaungx bix httaz juing yuimx htenc muinz, hokhvmx hoc nuex rungx yauk shuimc jix shunshvlc lvmx muinz, tsuinghez khosvmc khvysvmc marrarc htenc muinz, piq phuiuz vsvy joalc moalc kuy jix yauk shuimc jix htenc kvmac muinz, Shomc Yuimx nuex piq rueq shomc nawk kuy shomc kuq yaq htenc kuex khiz vtueq vkawc yawc rvtueq.

EJRA 9:1

Vruex yauk shuimc htenc kuex lot yix maq, Israel walaungx bix wvyvmc kuex ngaz kox nuex kaz vtueq, mungx miqsaz htenc, shomc waz bix nuiyc Lewi miqsaz htenc kuex phic vphaungx mungtan htenc rvtueq Ammon, Moba nuiyc Ejip miqsaz rulc muinz, Kanaan, Hitti, Perizi, Jebusi nuiyc Amori miqsaz htenc rulc muinz tsuingshiq kuex kvruiy rawz httax muq. Kvruex miq htenc rueq shuimx yaq miqsuirc vsac yauk shuimc kuex tsuingshiq rueq shuimx kaz wuez tueq lvmz jungx tueq.

Tvtsvmc 135:11

Amori miqsaz hokhvmx Sihon, Bashan hokhvmx Oga nuiyc, Kanaan mungx wawc hokhvmx lotlaz kuex thvt gay tueq.

DUNGWVNC 23:28

Nuimshiq ralx htenc kuex ngaz rueq tvhiz sungx tvkawc yawc gay shaungx; nuimshiq kaz vtuinx nuex Hiwit, Kanaan nuiyc Hitti miqsaz htenc kuex yurc gay shaungx.

ISAIA 41:5

“Lvmx luz mungx wawc miq htenc kuex ngaz rueq shuimx wvnc tauk yauk shuimc htenc kuex khiz wuez tueq; Tsuingshiq kuex kawc yawc vtueq kvkhuirc wuez yaq. Kvkhoc rvtueq tsuingshiq lotlaz rvtuimx kaz wuez yaq.

EJEKIEL 16:3

Johvlc Yehowa rueq piq muex yvmx lac jungx yaq nguinx kuex Yerusalem muex jungx shuiuz: “Mnoz kuex Kanaan mungx nuex jawx tueq. M-waz kuex Amori miqsaz, kvmaq mnyuiuz kuex Hitti miqsaz rvtueq.

EJEKIEL 21:7

Tsuingshiq rueq mnoz yvmx ngoz tueq lac kvbot nyvnx kaz tuiux, ngoz tueq mnoz muex wiz ruiux yuq, kvruex kuex httuiuc wvnc yaq wawc thuix thaungx ningkhvnc nuex rvtueq ngoz tueq tsuingshiq muex jungx shuiuz. Kvruex thaungc kuex httuiuc wvnc ruiux yuq, tsuingshiq thuinz vmungx nuex vhiz yaz thuinz mvrc wvnc vtueq, tsuingshiq yauk htenc nulx wvnc ruiux tsuingshiq nuex httax yaq khvmc thuinz kuex yomx wvnc vtueq tsuingshiq laungkuix htenc kuex kv-khuirc wvnc tuex. Kvruex yaungx wvnc tuex vkhing kuex vyuq httuiuc waung shex.” Johvlc Yehowa rueq jungx tueq.

DANIEL 5:6

Piq kuex vhtvlx bac wvnc ruiux pinhtumc kawc yawc vtueq laungkuix kvbuilc tueq.

AMO LUIK DVP (AMOS) 2:9

“Yuq muinz, ngvy miqsaz htenc lex, ruenx pulx tanc khvnc luz vtueq khauk rauk pulx ikhoc hungc vlaungc httaz hvlc Amori miqsaz htenc kuex mnoz tvkoc nuex ngaz rueq dup suik tvbac gay tauk.

WEAWEA 13:29

Amalek miqsaz htenc kuex kvruex mungx ghaqyaz kox nuex httax yaq, Hitti, Jebusi nuiyc Amori miqsaz htenc kuex kuz vkanx htenc nuex httax yaq, Kanaan miqsaz kuex Mediteranean yuix kawx nuex nuiyc Yodan ruilx kawx tv-phvnc htenc nuex httax wuez yaq,” ngoz tueq jungx tueq.

JOSHUA 17:12

Manase miqsaz rueq kvruex ghaq htenc nuex httax yaq miq htenc kuex yurc gay muq ningkhvnc nuex, kvruex baung htenc kvyuq Kanaan miqsaz httax ruq dvyx doc.

JOSHUA 17:18

Kuz ghaq hong kuex nuimshiq muex mruez kueq. Kvruex hong kuex luingx rvtueq, yuq muinz nuimshiq rueq rumz htenc kuex shamc gay ruiux shuk kox maq shuk kox nuex httuiuc laz httax kuinz. Kanaan miqsaz kox nuex yanx renc htenc nuiyc miq hungc vlaungc httaz hvlc ngoz ruiux muinz, nuimshiq rueq tsuingshiq kuex yurc gay lot shuinx,” ngoz tueq jungx tueq.

JOSHUA 24:15

Nuimshiq rueq vpiq muex nawk palx tvkoc raungc raq muit ngoz ruiux yuq, Mesopotamia maq nuimshiq jix vwaz tamx rueq nawk palx wvnc tueq tishox htenc, rvmuq ngoz ruiux majuiuc nuimshiq httax vtuinx Amori phvnx rueq nawk palx yaq tishox htenc wawc, mruex jix lac nawk palx shuinx kuex majuiuc raungnuiyq dvyx thvl wvnc shuinz. Ngaz nuiyc ngvy yuimx wuinz htenc rueq kuex Yehowa muex dvyx nawk palx shix,” ngoz tueq jungx tueq.

JOSHUA 3:16

yuix kay thauk kaz vtueq yuix khux kox wawc loayc hvlc nuex httax yaq Zarethan ghaqyungx hep wawc Adam ghaq nuex httuiuc laz yuix kuex kvjumx kaz tueq. Yuix Maungx Jumx nuex kaz yaq yuix kuex sawc ric ruic kaz ruiux, miq htenc rueq Yerikho ghaq kvhtaz kox nuex yanz wvnc wuez lot tueq.

JOSHUA 3:17

Miq htenc rueq yanz wvnc lot tueq nuex httuiuc laz Yehowa Bomkhvrc Jep pic jix shomc waz bix kuex Yodan ruilx yvmc nuex yuix muinz vguez httuiz rok rok hvlc ghaq nuex jvp wuez tueq.

Revelation 18:10

Tsuingshiq kuex piq rvhumc yaq murx kvyuq tsuingshiq muinz rvhumc muex hiz vtueq vluz nuex jvp wuez ruiux, “Vyungx vluz nuiyc hungc vlaungc httahvlc Babelon ghaqyungx lex! Vhiz juing mvnauz! Vhiz juing mvnauz! Mnoz kuex shalhtaz shiz nuex dvyx phoc gay rvhumc vtuiux nyix!” ngoz tueq ngoz wuez tueq.

PHOWEBI 1:1

Yoshua thueyc kaz tueq yix maq, Israel miqsaz rueq Yehowa muex ngoc, “Nuiyshiq phvnx htenc wawc mruex jix rueq lac Kanaan miqsaz htenc kuex vphaungc khvt kaz tix?” ngoz tueq wiz tueq.

PHOWEBI 11:23

Kvkhoc rvtueq Yehowa Israel Tishox rueq Israel miqsaz tvkoc ngoz tueq juex Ammon miqsaz kuex yurc gay tvnx.

PHOWEBI 3:3

Kvruex mungx nuex kvjungx yaq htenc kuex Philipi ghaqyungx bv-ngac wawc nuiyc Kanaan miqsaz lotlaz, Sidon miqsaz nuiyc Bala Hermon Kanx maq Hamat kanx hvlwvl lvmx nuex httuiuc laz httax yaq Lebanon Kanx nuex httaz jix Hiwi miqsaz htenc rvtueq.

PHOWEBI 4:2

Kvkhoc rvtueq Yehowa rueq Hazor ghaqyungx nuex httax yaq Kanaan hokhvmx waz Jabin muex tsuingshiq kuex tvkhvt tvtaungx gay tueq. Piq nolaungx phungc wawc miqlaungx kuex pungnuk phvnx httaz juing Haroshet ghaq jix Sisera rvtueq.

1 SAMUEL 25:37

Kvruex yimaq piq joal pawc maq shix koq tueq vtaungx nyuiuz rueq yaungx wvnc tueq lvmz phvnx ruip saz kuex piq muex jungphvnx kuq tueq. Kvkaq piq kuex vhuingc rvhek laz maq gvnz pumz maungx kaz tueq.