JOSHUA 4:24 - Hawa Naga Bible 2001

²⁴ Yvmx khoc lac ngoz ruiux lec mungkawx miqsaz ruip rawx rueq Yehowa luimc vkawc mtanc khvnc lac yungx yaq nguinx lvmz kuex tuiuz wvnc vtueq, Yehowa nuimshiq Tishox muex mkaq muinz hiyaz tvtsanc nganc wvnc wuez shuex,” ngoz tueq jungx tueq.

ASII LAKDAP Bible (BSI)

²⁴ Arningkhan mangjong hiq na siti maiq tlotli raq, Tatiwe ningkun jonglu ka ümtinkhan wa kra misap wan. Kiimaq namshiq riimin Tatiwe namshiq Shiikeawe ka pattup pat-sa mishreng wan han.”

JOSHUA 4:24 Referencias Cruzadas

1 HOKHVMX 8:40

kvkhoc rvtueq nuiyshiq jix vwaz tamx muex kuq shec toq mungtan nuex tsuingshiq httax tuex wawwawx mmiqsaz htenc rueq mnoz muex tay phvnx kuq wuez shuex.

1 HOKHVMX 8:60

Kvkhoc rvtueq Yehowa vshiz dvyx Tishox rvtueq lvmz nuiyc vganc tishox vguez lvmz kuex mungkawx miqsaz rueq tuiuz wvnc shuex.

2 HOKHVMX 19:19

Majuiuc, Yehowa nuiyshiq Tishox lex, nuiyshiq kuex Asiria miqsaz kox wawc tvwungx wvnc koq, kvkaq mungkawx miqsaz lotlaz rueq mnoz dvyx Yehowa Tishox rvtoq kuex tuiuz wvnc wuez shuex,” ngoz tueq thoz tueq.

2 HOKHVMX 5:15

Piq kuex vmiq hez lotlaz rulc vdvmz Elisha kox nuex yek waung vtueq, “Majuiuc kuex Israel Tishox maq lvy vtueq vganc tishox vguez kuex ngaz rueq tuiux tauk shex; kvkhoc rvtueq jiyungx waz lex, kejux maq ngaz rueq yauk noalc kuq vphaungx kuex thoz koq,” ngoz tueq jungx tueq.

1 KAÜWA WERAÜ 29:12

Tsak vnyvmx nuiyc rungx vwanx lvmz lotlaz muinz mnoz kox wawc vkaz rvtueq; phvnx ruip saz kuex mnoz hungc vlaungc nuiyc luimc vkawc maq guimz lawc vtueq; mnoz rueq ukhaq muex muinz vyungc vloayc nuiyc hungc kuex tvlvp kuq toq.

YOBA 40:9

Mnoz kuex ngaz vkhoc hungc vlaungc httax yaq haz? Mnoz tvruingc kuex raungx muk yaq ngvy tvruingc ikhoc tsanz yaq haz?

Tvtsvmc 106:8

Yuq muinz vpiq rueq yunghvlc luimc vkawc kuex tvkhic kuy tvkoc bomkhvmc taq tueq rulc rv-ngvlc tsuingshiq kuex palc wvnc tueq.

Tvtsvmc 89:13

Mnoz kuex luimc vkawc yunghvlc waz rvtoq nyix! Mnoz hungc vlaungc kuex yunghvlc mvnauz!

Tvtsvmc 89:7

Mnoz kuex vsawc jix htenc phungc nuex tvtsanc nganc kuy rvhumc vtuiux; tsuingshiq lotlaz rueq mnoz muex kawc yawc vtueq tawz jvp wuez yaq.

DUNGWVNC 14:31

Israel miqsaz kuex Yehowa rueq luimc vkawc yunghvlc maq Ejip miqsaz htenc khvt gay tueq kuex khiz vtueq, Yehowa muex hiyaz tvtsanc nganc wvnc wuez tueq; tsuingshiq kuex Yehowa muex nuiyc vpiq nvrc waz Moshe muex kvmluimx wvnc wuez tueq.

DUNGWVNC 15:16

Kvruex hez kuex tawgawz vtueq hisungx wuez yaq. O Yehowa lex, tsuingshiq rueq mhungc vlaungc kuex khiz vtueq, dax yaungx yaq wawc mnoz rueq tvdung wvnc toq, mmiqsaz htenc lvy wvnc yaq nuex tsuingshiq kuex hiyaz vtueq kuiyqshuik dvyx httax tueq.

DUNGWVNC 20:20

Moshe rueq, “Nauk hiyaz kaz; nuimshiq kuex talc lawc muinz, nuimshiq rueq mvrax yaq muit maq vpiq kvjaz phvnx tvkoc muinz, Tishox kuex httuiuc kaz tueq,” ngoz tueq jungx tueq.

DUNGWVNC 9:16

Kvkhoc ruez ruiux jix ngvy muingc jungc kuex mungkawx miqsaz lotlaz rueq khic wvnc tvkoc ngaz rueq mnoz kuex tvraungx taq vphaungx.

ISAIA 52:10

Yehowa rueq vpiq vsawc vpiq luimc vkawc maq; vpiq miqsaz htenc kuex palc wvnc shuex, mungkawx lotlaz rueq kvruex khiz wuez shuex.

JEREMIA 32:40

Ngaz rueq tsuingshiq rulc pattup bomkhvrc taq shaungx. Tsuingshiq tvkoc vhvlx phvnx shuimx vshaungx htenc kuex ngaz rueq mkaq muinz httvr gay shaungx rvmuq, ngaz rueq tsuingshiq thuinz vmungx lotlaz maq ngaz muex hiyaz tvtsanc nganc shaungx, tsuingshiq kuex ngvy kox wawc mkaq muinz yek waung muq shex rvtuex.

TRI CHONGKE 28:10

Kvruex yimaq nuimshiq kuex Yehowa rueq vthvl taq vpiq miq rvtuit lvmz kuex mungkawx miq htenc rueq khiz vtueq tsuingshiq kuex nuimshiq muex hiyaz wuez tuex.

TRI CHONGKE 6:2

Nuimshiq nuiyc nuimshiq suiuz vsaz phvnx htenc tvraungx httax ngaungc tuinx wawwawx Yehowa nuimshiq Tishox muex hiyaz tvtsanc nganc wuez shuinz. Nuimshiq kuex kvruex mungtan kvyuq loayc hvlc httaz lvp tvkoc ngaz rueq kuq phaungx tvrac htenc kuex phvnx wuez shuinz.

1 SAMUEL 17:46

Majuiuc raungnuiyq dvyx Yehowa rueq mnoz kuex ngvy yauk nuex lekuq phuex; ngaz rueq mnoz kuex khvt taungx gay ruiux mkhux poz kuex jumz gay phaungx. Philistin miqsaz maungx htenc kuex wushawx htenc nuiyc svl vwvl htenc rueq phuiuz svy tvkoc kuq gay shaungx. Israel miqsaz nuex Tishox httax yaq lvmz kuex mungkawx lotlaz rueq tuiuz wvnc shuex,