Piq kuex Kanaan mungx Hebron ghaq maq thueyc kaz vtueq Abraham kuex yonzyex khoar tueq.
JOSHUA 10:3 - Hawa Naga Bible 2001 Kvkhoc rvtueq Yerusalem wawc hokhvmx Adonizedek rueq Hebron Hokhvmx Hoham, Jarmut Hokhvmx Piram, Lakhish Hokhvmx Japhia, Eglon Hokhvmx Debir kox nuex bomjungc tvtay kaz tueq: ASII LAKDAP Bible (BSI) Kra ningkhan na Adonijadek raq, Hebron chela Hokhamwe Hoham; Jarmuth chela Hokhamwe Piram; Lakhish chela Hokhamwe Japhia; kiimaq Eglon chela Hokhamwe Debir ma tsütsa ka akha tiichonghoto: |
Piq kuex Kanaan mungx Hebron ghaq maq thueyc kaz vtueq Abraham kuex yonzyex khoar tueq.
Vwaz rueq, “Mphuz hez nuiyc khelx, khelbuenx htenc kuex vhvlx shuex kvwungx httax yaq nguinx; mnoz rueq helc kaz vtueq ngaz muex jungx waung yek koq,” ngoz tueq nvr tueq. Kvkaq Yosep kuex vwaz rueq lvmx tvkhic kuq tueq rulc rv-ngvlc Hebron Warc tvnx lvmx maq kaz wvnc vtueq Shekhem banx nuex httuiuc kaz tueq.
Hebron ghaq nuex httax vtueq Yuda mungx kuex wawc mvshix rac wawc htaq guimz lawc tueq.
Hezekia rueq Lakhish ghaq nuex httax yaq Sennacherib kox nuex vkhoc bomjungc tvtay kuq tueq, “Ngaz yaq tauk; kejux maq mnoz rueq khvt vshuiux kuex httvr gay shuiuz, mnoz rueq thoz shuiux kuex ngaz rueq kuq phaungx,” ngoz tueq. Honoc waz rueq tvralc tueq kuex Hezekia rueq piq muex kuimphox kilogram 10,000 rac kuimshawx kilogram 1,000 kuex tvgurc kuy rax ngoz tueq.
Asiria honoc waz rueq Yerusalem nuex httax yaq Hezekia kuex Lakhish ghaq maq khvt kay tvkoc nolaungx daungx yungx vshiz kuex tvkaz tueq; kvruex nolaungx daungx kuex piq yauk khung wawc johvlc vyungx pinhtumc waz thuimx rueq guimz lawc yaq. Tsuinghez kuex Yerusalem nuex httuiuc kaz vtueq, htauk kox wawc yuix jumx maq kaz yaq yuix warc hep wawc khoz vkhvy huy jix hez rueq shuimx yaq lvmx laungx kuex lvp taq gay tueq.
Babelon hokhvmx waz nolaungx bix rueq Yerusalem kuex khvt wuez yaq. Nolaungx bix rueq Lachish nuiyc Azeka ngoz yaq Yuda mungx nuex kvjungx yaq nolaungx ghaqshungc ghaqyungx htenc tauk khvt wuez yaq.
Lakhish nuex httaz jix hez lex, mvre htenc kuex nolaungx renc htenc kvyuq pauk taq shuinz. Nuimshiq rueq Israel mvrax lvmx tvyurc shuimx vshuinx ningkhvnc nuex Yerusalem muex mvrax tvyaungc wuez vshuinx.
Tsuinghez vphaungc shauk shauk kuex kvruex mungx ghaqyaz kox nuex nyuip vtueq, shauk vgvnz wvyungc wvloayc nuk Anakim phvnx wawc Ahiman, Sheshai nuiyc Talmai waruiuz htenc httax yaq Hebron ghaq nuex httuiuc kaz tueq. (Hebron ghaq kuex Ejip mungx wawc Zoan ghaq max tec phaungc, wawc mvshix tanc nuex vtec ghaqyungx rvtueq.)
Yoshua rueq Yerikho ghaq khvt gay ruiux, kvwawc hokhvmx waz kuex thvt gay tueq ikhoc, Ai ghaq kuex khvt tvbac gay ruiux kvwawc hokhvmx waz kvmuinz thvt gay tueq lvmz tay tueq. Kvmaq raz tueq Gibeon ghaq wuinz rueq muinz Israel miqsaz rulc nomic rvyaungc luik wuiyq ruiux vdvmz httax yaq lvmz muinz Yerusalem ghaq wawc hokhvmx waz Adonizedek rueq tay tueq.
Tsuinghez rueq kvruex lungshaung kuex daz vtueq Yerusalem, Hebron, Jarmut, Lakhish, nuiyc Eglon wawc hokhvmx htenc kuex tvdung vtueq,
Kvruex yimaq Yoshua nuiyc piq nolaungx bix kuex Lakhish ghaq maq Eglon ghaq nuex kaz vtueq tuimz khvt tueq.
Kvruex Amori hokhvmx waz bv-ngac rvtueq, Yerusalem, Hebron, Jarmut, Lakhish nuiyc Eglon wawc hokhvmx bix htenc kvromc ruiux, miqmac nolaungx vdaungx maq kaz vtueq Gibeon ghaq kuex tuimz khvt kaz tueq.
Kungkhux nuex Hebron ghaqyungx kuex Arba ngoz tueq muingc tueq. (Arba kuex wvyungc wvloayc Anakim phvnx rvtueq.) Majuiuc kuex kvruex mungtan kvyuq nomic httax wuez yaq.
Yuda miqsaz rueq Yerusalem nuex httax yaq Jebusi miqsaz kuex yurc gay lot muq rvtueq, tsuingshiq kuex Yuda miqsaz rulc vdvmz httax yaq dvyx doc.
Zela, Haelepha, Jebusi (rvmuq ngoz ruiux Yerusalem), Gibea nuiyc Kiriat Jearim: ghaqyungx 14 nuiyc kvruex tvroz wawc miqghaq htenc muinz lomx tueq. Ghaq vruex kuex Benjamin phvnx wawc vtaungx htenc rueq guimz yaq ghaq rvtueq.