JOSHUA 18:28 - Hawa Naga Bible 2001

²⁸ Zela, Haelepha, Jebusi (rvmuq ngoz ruiux Yerusalem), Gibea nuiyc Kiriat Jearim: ghaqyungx 14 nuiyc kvruex tvroz wawc miqghaq htenc muinz lomx tueq. Ghaq vruex kuex Benjamin phvnx wawc vtaungx htenc rueq guimz yaq ghaq rvtueq.

ASII LAKDAP Bible (BSI)

²⁸ Jela, Haeleph, Jebus, (riimakla Jerusalem), Gibea, kiimaq Kiriath Jearim chela thun riito: Chela roqshi ri blai kiimaq kra thun tro binjü na chela ransetiim thun romshaq. Benjamin phan weraü ma achumkuq tachong hiqshong ka rathun ara riito.

JOSHUA 18:28 Referencias Cruzadas

2 SAMUEL 21:14

Kvruex yimaq Sholu nuiyc Yonathan ruk vrawz htenc kuex Benjamin ghaq hong, Zela ghaq wawc Sholu waz Kish luip ruiuz khux nuex luip tueq, tsuinghez rueq muinz hokhvmx waz rueq nvr tueq rulc rv-ngvlc shuimx kaz wuez tueq. Kvruex yimaq mungtan tvkoc tsuinghez rueq vjux thoz tueq kuex Tishox rueq tay kuq tueq.

2 SAMUEL 5:6

Vkhing httuiuc wvnc koq tueq Hokhvmx waz Dawid nuiyc piq miq htenc rueq Yerusalem lungc kay kaz wvnc wuez tueq. Kvruex yuq httax yaq Jebusi miqsaz htenc rueq ghaqyungx kuex Dawid rueq khvt taungx lot muq rvshuex ngoz tueq tvmaung ningkhvnc nuex tsuinghez rueq piq muex ngoc, “Mnoz kuex vyuq mkaq muinz nyuip lvp tuiux rvmuq; vjuk vmawz jix nuiyc vkuix vshawx jix rueq doc muinz mnoz kuex tuing gay lot yaq,” ngoz kuq tueq.

2 SAMUEL 5:8

Kvruex raungnuiyq kvkaq Dawid rueq piq miq hez muex ngoc, “Ngaz vkhoc Jebusi miqsaz kuex shuiuc jix miq vyuq vhttax haz? Vhttax ngoz ruiux kuex tsuingshiq thvy gay mvy yaq shex rvmuq haz? Kvkhoc rvtueq yuix warc kvmaq duiz vtueq vjuk vmawz jix htenc nuiyc vkuix vshawx jix htenc kuex khvt shuinz,” ngoz tueq jungx tueq. (Kvruex ningkhvnc nuex kvruex khoc, “Vjuk vmawz jix htenc nuiyc vkuix vshawx jix htenc kuex Yehowa yuimx nuex nyuip lot muq,” ngoz tueq bomc tvguip httax yaq.)

1 KAÜWA WERAÜ 8:28

Kvruex hez kuex Yerusalem nuex jix vwaz pat maq phuex vhttax wvnc yuimx htenc nuiyc ghaqshungc suiuz vsaz hez muex vkhux yaungc jix hez rvtueq.

ISAIA 10:29

Tsuingshiq kuex kanx hvlwvl lvmx maq yanz wvnc vtueq Geba nuex wvrx shiz yuip shec tueq! Rama ghaq wuinz kuex hiyaz kawc yawc wuez tueq, Hokhvmx Sholu ghaqyungx rvtueq Gibea ghaq jix kuex vyuz rvwvnc wuez tueq.

JEREMIA 6:1

Benjamin miqsaz lex, kvwungx tvkoc yuz wuez kuinz! Yerusalem maq kaz wvnc kuinz! Tekoa ghaq maq bolic kuex tvthuiz shuinz, Bet Hakerem ghaq maq httoarc tvlvp wvr htung kuex tvjvp shuinz. Thuimkux nuiyc tvbac jix kuex ghaqkhux kox maq httuiuc kaz yaq shex.

Hosea 10:9

Yehowa rueq, “Israel miqsaz kuex Gibea ghaq nuex tsuingshiq rueq mvrax shuimx wvnc tueq jauz maq ngaz muex yaq yaq lvmz kuex thauk muq. Kvkhoc rvtueq Gibea ghaq nuex ralx rvlungc yaq kvraq tsuingshiq kuex lauz laq shuex.

WEAWEA 26:38

Benjamin waruiuz wawc kuex: Bela, Ashbel, Ahiram,

WEAWEA 26:54

Miq vpaung jix muex kuex ghaqphux vyungx, miq vthvp jix muex kuex ghaqphux vruinx raz tueq, hangchac maq tvthvl shuiuz,” ngoz tueq jungx tueq.

WEAWEA 33:54

Vphvnx nuiyc vtaungx htenc kuex tv-phvnc hangchac maq ghaq kuex phvlc kuy rax, vtaungx miq vpaung jix muex vpaung, miq vthvp taungx hez muex vthvp ghaqphux kuex phvlc kuy rax.

JOSHUA 15:63

Yuda miqsaz rueq Yerusalem nuex httax yaq Jebusi miqsaz kuex yurc gay lot muq rvtueq, tsuingshiq kuex Yuda miqsaz rulc vdvmz httax yaq dvyx doc.

JOSHUA 15:8

Jebusi miqsaz httax yaq Yerusalem ghaqyungx maq ghaqyaz kox nuex httax yaq kankhux wawc Hinnom Warc tvnx nuex tiq rvtueq. Kvruex yimaq Hinnom Warc tvnx maq shalx nyuip kox kanx laungx kuex yanz wvnc vtueq, Rephaim Warc tvnx ghaqkhux kox tvsuip nuex tiq.

JOSHUA 18:16

Kvmaq raz tueq Rephaim Warc tvnx maq ghaqkhux kox tvsuip nuex httax yaq Hinnom Warc tvnx kvkhic yaq kanx yaz maq kvrep kaz wvnc vtueq, ghaqyaz kox Hinnom Warc tvnx maq yanz ruiux Enrogel nuex svt kaz yaq Jebusi miqsaz httax yaq kuz maq ghaqyaz kox nuex httuiuc laz rvtueq.

JOSHUA 18:27

Rekem, Erapeel, Tarala,

JOSHUA 19:1

Vnueyc ngoc yaungc ghaqruiy kuq tueq kuex Simeon waruiuz wawc vtaungx htenc rueq lvp tueq. Kvruex ghaq hong kuex Yuda waruiuz muex vphvlx kuq mungx nuex httax yaq.

PHOWEBI 1:21

Yuq muinz Benjamin phvnx rueq Yerusalem nuex httax yaq Jebusi miqsaz kuex yurc gay muq doc rvtueq, Jebusi miqsaz kuex majuiuc nuex httuiuc laz Benjamin miqsaz rulc vdvmz kvyuq httax wuez tueq.

PHOWEBI 19:10

Yuq muinz kvruex waz kuex kvyuq guilc roc muq shex ningkhvnc nuex piq nuiyc vtaungx nyuiuz ruinx rulc vdvmz tsuingnueyc nvrc waz rueq tauk loze vnueyc nuex kamramz tvdaungc ruiux waung phaungc wvnc tueq. Tsuinghez kuex Jebusi ghaq hep (kvruex kuex Yerusalem) nuex httuiuc wvnc koq tueq raungyac shex rvtueq, piq nvrc waz rueq vjiyungx waz muex ngoc, “Vruex Jebusi miqsaz ghaqyungx vyuq raungwvrx tvlvy shec ix,” ngoz tueq jungx tueq.

1 SAMUEL 10:26

Sholu muinz Gibea ghaq wawc vyuimx nuex yek waung tueq. Tishox rueq tsuingshiq thuinz vmungx nuex htuinc koq tueq shvrvyx thuinz httax yaq miqwaz wvyvmc kuex piq rulc vdvmz waung naungx tueq.