DUNGWVNC 7:20 - Hawa Naga Bible 2001

Moshe nuiyc Arun kuex Yehowa rueq nvr tueq kvkhoc rvwuez tueq. Arun rueq hokhvmx waz nuiyc piq miq vyungx vlaungx bix khaungkac nuex ngvlhtulc kuex tenz vtueq yuix ruilx kuex wung koq tueq, yuix lotlaz kuex tvguiy muex yaungx kaz tueq.

ASII LAKDAP Bible (BSI)

Kiijiishe Mosheq nai Aron raq tsangnai ma Tatiwe raq aming tattaq kra phan phan kloto. Hokhamwe makki na nai asenginok ajong alabi thun makki na, Aron raq anyeakii ka ra na doto. Raüta jürai wa kham ka riihot bukto. Kiimaq kiiwa kham tlotli ka wiita tiijai miishe jakito.

DUNGWVNC 7:20 Referencias Cruzadas

2 HOKHVMX 4:29

Elisha kuex Gehazi kox nuex kvroz lawc vtueq, “Htat htat! Ngvy paq kuex lvmz laq vtueq kaz kuiuz. Lvmx nuex miq rulc rvhumc ruiux muinz nauk rvbomc kaz, tsuinghez rvbomc ruiux muinz nauk tvralc kaz. Yuimx nuex lvmx lvy kaz vtueq nox htauk kvyuq ngvy paq kuex tvwoalc kaz kuiuz,” ngoz tueq nvr tueq.

Tvtsvmc 105:29

Vpiq rueq tsuingshiq yuix yungx ruilx htenc kuex tvguiy muex tvyaungc gay ruiux, ngaq htenc lotlaz thvt gay tueq.

Tvtsvmc 78:44

Vpiq rueq Ejip htenc yuix nuingx lvp muq laz juing, yuix saz yuix yungx wawc yuix htenc kuex tvguiy tvyaungc gay tueq.

DUNGWVNC 4:9

Mkhoc shoc maq tsuingshiq kuex vwangc juing phvnx nueyc kvmac muinz kvmx muq, mnoz muex muinz tsuingshiq kvmx muq, mnoz rueq jungx shuiux kvjaz muinz tay muq shauk ngoz ruiux kuex, mnoz rueq Nile ruilx wawc yuix kuex khuz vtueq taung kvyuq shvy shuiuz. Kvruex yuix kuex tvguiy muex yaungx wvnc tuex,” ngoz tueq jungx tueq.

DUNGWVNC 7:10

Kvkhoc rvtueq Moshe nuiyc Arun kuex hokhvmx waz kox nuex kaz vtueq, Yehowa rueq nvr tueq kvkhoc shuimx lvmz tueq. Arun rueq piq ngvlhtulc kuex hokhvmx waz nuiyc piq miq vyungx vlaungx bix khaungkac nuex tvwoalc koq tueq ngvlhtulc kuex puiuc muex yaungx kaz tueq.

DUNGWVNC 7:21

Yuix ruilx wawc ngaq htenc thueyc tueq, yuix kuex thuingc hvlc ningkhvnc nuex Ejip miqsaz rueq yuix kuex nuingx wuez muq. Ejip mungx baung ruip saz nuex tvguiy toloc yaungx kaz tueq.

DUNGWVNC 7:6

Moshe nuiyc Arun rueq muinz Yehowa rueq nvr tueq kvkhoc shuimx lvmz wuez tueq.

HABAKUK 3:8

Yehowa lex, mnoz muex thuinz tvkhaq jix kuex yuix ruilx htenc rueq haz? Svmuktvrax rueq mthuinz haz tvkhaq yaq nguinx? Mnoz kuex phuemx daungx htauk nuex ngaungc toq; Mmiqsaz htenc kox nuex taungx wvnc juing lvmz laq toq nuex, raunghtiq phuemx daungx kuex mnoz mvre renc rvtueq.

Revelation 8:8

Vnueyc ngoc yaungc raungkamx waz rueq bolic tuimz koq tueq, wvrluic thuiyc yaq ikhoc kanx yunghvlc vshiz kuex svmuktvrax nuex tvdvy gay tueq. Kvkhoc rvtueq svmuktvrax yuix mvnthuimx wawc mvnshiz kuex tvguiy muex yaungx wvnc tueq.