DUNGWVNC 7:19 - Hawa Naga Bible 2001

¹⁹ Yehowa rueq Moshe muex ngoc, “Arun muex jungx shuiuz, mngvlhtulc kuex shuimx vtueq Ejip mungx nuex httax yaq yuix saz, yuix yungx, jumx, htvmx htenc htauk kvyuq m-yauk kuex tenz shuiuz. Wvmungx tuimx wawc yuix kuex tvguiy muex yaungx wvnc tuex, pulx khok nuiyc lung khok htenc wawc yuix muinz tvguiy muex yaungx wvnc tuex,” ngoz tueq jungx tueq.

ASII LAKDAP Bible (BSI)

¹⁹ Tatiwe raq Mosheq ma thaüto, “Aron ma chonglaq, anyeakii ka lamho raüta Ejip mung na sitlaq tlotli jürai thun, khamchelam thun, kiimaq thamchum thun thaq na tiinyi raüta anyeakii ka ra na midolaq. Kra raüla kham thun ka wiita tiijai ma mijaki. Mung tlotli na tiijai tonglong lishe miraq. Pe maq ahai khamthii chang waqkhü thun nai long tsabum thun wiimin kham ka wiita tiijai ma siisaq mijaki.”

DUNGWVNC 7:19 Referencias Cruzadas

RAPHA HIQWA LAK 1:10

Taung kvruex ngoc, “Ghaq” ngoz tueq, rvtuimx yaq yuix kvruex ngoc, “Svmuktvrax” ngoz tueq muingc tueq. Tishox rueq kvruex khiz vtueq thuinhvlx tueq.

2 HOKHVMX 4:29

Elisha kuex Gehazi kox nuex kvroz lawc vtueq, “Htat htat! Ngvy paq kuex lvmz laq vtueq kaz kuiuz. Lvmx nuex miq rulc rvhumc ruiux muinz nauk rvbomc kaz, tsuinghez rvbomc ruiux muinz nauk tvralc kaz. Yuimx nuex lvmx lvy kaz vtueq nox htauk kvyuq ngvy paq kuex tvwoalc kaz kuiuz,” ngoz tueq nvr tueq.

DUNGWVNC 10:12

Kvruex yimaq Yehowa rueq Moshe muex ngoc, “M-yauk kuex tenz shuiuz Ejip mungx nuex kup jawrawx htenc mhttuiuc kueq. Tv-nguirx rueq tvbac muq kvjungx yaq namx htenc kuex kup jawrawx rueq phauk gay shuex,” ngoz tueq jungx tueq.

DUNGWVNC 10:21

Kvruex yimaq Yehowa rueq Moshe muex ngoc, “M-yauk kuex raungx nuex tenz shuiuz, raungnyauk suip rueq Ejip mungx kuex mpuingc wvnc shueq,” ngoz tueq jungx tueq.

DUNGWVNC 14:16

M-yauk wawc ngvlhtulc kvruex svmuktvrax yuix htauk nuex tenz shuiuz. Kvkaq svmuktvrax yuix kuex rv-phvlc khoz wvnc vtueq, Israel miqsaz kuex ghaq shanx rek htauk maq yanz wvnc shuex.

DUNGWVNC 14:21

Moshe rueq svmuktvrax htauk nuex yauk kuex tenz koq tueq, Yehowa rueq shaldungc raungguil hungc hvlc kuex tvguil vtueq svmuktvrax yuix kuex tvyek tueq. Wvrx taungx svmuktvrax yuix kuex tvyek gay koq tueq, ghaq kuex wulthawk yaungx tueq. Yuix kuex rv-phvlc wvnc vtueq,

DUNGWVNC 14:26

Yehowa rueq Moshe muex ngoc, “M-yauk kuex svmuktvrax yuix htauk nuex tenz shuiuz, yuix kuex Ejip miqsaz nuiyc tsuingshiq renc htenc, vruip jix htenc htauk kvyuq m-yek kueq,” ngoz tueq jungx tueq.

DUNGWVNC 4:9

Mkhoc shoc maq tsuingshiq kuex vwangc juing phvnx nueyc kvmac muinz kvmx muq, mnoz muex muinz tsuingshiq kvmx muq, mnoz rueq jungx shuiux kvjaz muinz tay muq shauk ngoz ruiux kuex, mnoz rueq Nile ruilx wawc yuix kuex khuz vtueq taung kvyuq shvy shuiuz. Kvruex yuix kuex tvguiy muex yaungx wvnc tuex,” ngoz tueq jungx tueq.

DUNGWVNC 8:16

Yehowa rueq Moshe muex ngoc, “Arun muex ngoc mngvl htulc kvmaq ghaq kuex wung shuiuz, Ejip mungx lotlaz nuex bokkhuyx httax yaq htenc kuex shoayme muex yaungx wvnc tuex,” ngoz tueq jungx shuiuz.

DUNGWVNC 9:33

Moshe kuex hokhvmx waz kox maq ghaqyungx ke-phic nuex kaz wvnc vtueq, vyauk nueyc kuex tenz ruiux, Yehowa kox wawc vjux thoz tueq. Raungmuk, tv-nguirx nuiyc raungyunc htenc kuex suingx wvnc tueq.

ISAIA 19:10

Ruiy shuimc jix htenc nuiyc yauk shuimc thenc hvlc jix miq htenc muinz thuinz kvpuinc wvnc vtueq thuinz tvruinc wuez shuex.

ISAIA 5:25

Yehowa kuex vpiq miqsaz muex khaq vtueq tsuingshiq muex murx tvgurc tvkoc vyauk tenz tueq. Kanx htenc kvbuilc vtueq, vthueyc vruez kaz maungx htenc kuex lvmx nuex suingkez namx yauk ikhoc kv-phungc tuex. Yehowa thuinkhvy kuex shix kaz tuex rvmuq, yuq muinz murx tvgurc muex vpiq yauk kuex tenz ruq dvyx rvshuex.

HABAKUK 3:8

Yehowa lex, mnoz muex thuinz tvkhaq jix kuex yuix ruilx htenc rueq haz? Svmuktvrax rueq mthuinz haz tvkhaq yaq nguinx? Mnoz kuex phuemx daungx htauk nuex ngaungc toq; Mmiqsaz htenc kox nuex taungx wvnc juing lvmz laq toq nuex, raunghtiq phuemx daungx kuex mnoz mvre renc rvtueq.