DUNGWVNC 30:1 - Hawa Naga Bible 2001

“Vhomc vtumc juiuz juing shomrawx kuex akasia pulx maq tvhungx shuiuz.

ASII LAKDAP Bible (BSI)

Tatiwe raq Mosheq ma nguto, “Akasia pe maq homseng honglu kechang berong-wacha ashi hailaq.

DUNGWVNC 30:1 Referencias Cruzadas

1 HOKHVMX 6:20

Kvruex khok kuex vloayc, vyungc, vjoz meter 9 phok tvhungx ruiux, kuimshawx muik shauk maq tvsvp tvmarc taq tueq, shomrawx ruenx pulx penc htenc tuk taq tueq.

1 HOKHVMX 6:22

Shomc Yuimx mungx kox htenc lotlaz muinz, Vsawc Pinhtumc Baung nuex taq tueq shomrawx muinz kuimshawx maq tvsvp tvmarc taq tueq.

1 HOKHVMX 7:48

Solomon rueq Shomc Yuimx tvkoc kuimshawx hup vsvmx htenc tvhungx taq tueq kuex: shomrawx, Tishox muex shomc kuy juing wanx tvkoc humpanx,

1 KAÜWA WERAÜ 28:18

vhomc vtumc phvnx juiuz juing shomrawx tvkoc kuimshawx muik shauk mjuc shuimc juing lac kvmuinz, Yehowa Bomkhvrc Jep nuex vraungx tvparc yaq kherubim htenc tvkoc renc tvhungx nuex kuimshawx muik shauk mjuc shuimc juing lac kuex jungx shec tueq.

1 KAÜWA WERAÜ 6:49

Arun nuiyc piq suiuz vsaz hez rueq shomrawx htauk nuex vhomc vtumc phvnx shomc kuy nuiyc shomc nawk kuy juing htenc kuex jauk shomc kuq tueq. Tsuinghez rueq Vsawc Pinhtumc Baung nuex nawk palx juing lotlaz tvkoc nuiyc Israel miqsaz yaq gay tueq mvrax htenc kuex Tishox rueq dawc kuy tvkoc shomc nawk kuy juing htenc kuex shuimx lvmz wuez yaq. Tsuinghez rueq kvruex yauk shuimc kuex Tishox nvrc waz Moshe maq raz tueq kuq shec tueq rulc rv-ngvlc shuimx wuez tueq.

2 KAÜWA WERAÜ 26:16

Yuq muinz Hokhvmx Uzia kuex hungc vlaungc httax wvnc koq tueq, piq ngamc yungx wvnc vtueq piq dvy wvnc juing lvmx nuex shvlx wvnc tueq. Piq rueq shomrawx htauk nuex vhomc vtumc phvnx kuex jauk shomc kuy ngoz tueq Shomc Yuimx mungx nuex nyuip vtueq Yehowa piq Tishox muex yaq tueq.

DUNGWVNC 30:10

Arun kuex wawc shiz nuex lauk shiz mvrax kvdawc shomc kuy juing tvguiy maq, shomrawx shuk rungx bvlic kvyuq nyvt vtueq shomrawx kuex tvsawc nawc rax. Vruex yauk shuimc kuex wawc tek pat maq pat shuimx kaz shuinz. Kvruex shomrawx kuex sawc nawc wvnc vtueq ngaz, Yehowa tvkoc lekuy rax,” ngoz tueq jungx tueq.

DUNGWVNC 30:2

Samx wvguip rv-ngvlc raz tueq, vloayc kox sentimeter 45, vyungc kox sentimeter 45 nuiyc vjoz kox sentimeter 90 ruec rax tuex. Vshuk bvlic nuex httax yaq vrungx htenc kuex kvruex rulc ngvmx shiz maq dvyx guirc rax.

DUNGWVNC 31:8

humpanx nuiyc kvruex yuq seng vtueq hup svmx htenc, kuimshawx wvr htung nuiyc kvruex yuq seng vtueq hup svmx lotlaz, vhomc vtumc juiuz juing shomrawx,

DUNGWVNC 35:15

vhomc vshot juiuz juing shomrawx nuiyc kantaung htenc, ruimruimc puiz tix, vhomc vtumc phvnx, Tap kaluix tuk juing mvnz;

DUNGWVNC 39:38

kuimshawx shomrawx, ruimruimc puiz tix, vhomc vtumc phvnx nuiyc Tap kaluix tuk;

DUNGWVNC 40:5

Vhomc vshot juiuz juing kuimshawx shomrawx kuex Bomkhvrc Jep max kac kvyuq taq vtueq, Tap kaluix nuex vjuinc juing kuex pauk tvhungx shuiuz.

EJEKIEL 41:22

hup svmx phvnx shiz httax yaq. Kvruex kuex vjoz kox meter shiz rac vhtaq, vyungc kox meter 1 rvtueq. Kvruex wawc vshuk htung htenc, vjungx ruingx maq khoalx tuk htenc lotlaz kuex pulx penc maq tvhungx tueq. Miq waz kvraq ngaz muex, “Vruex kuex Yehowa khaungkac wawc humpanx rvtueq,” ngoz tueq jungx phuex.

LEWI 4:18

Tap mungx wawc vhomc vtumc phvnx htenc juiuz juing shomrawx shuk wawc vrungx htenc kvyuq tvguiy wvyvmc kuex nyvt ruiux, kvjungx yaq tvguiy htenc kuex Tap kaluix daungx nuex httax yaq wvr maq jauk shomc kuy juing shomrawx yaz kvyuq ruiuc gay rax.

LEWI 4:7

Kvruex yimaq piq rueq Tap mungx wawc vhomc vtumc phvnx htenc juiuz juing shomrawx shuk wawc vrungx htenc kvyuq tvguiy wvyvmc kuex mnyvt shueq. Kvjungx yaq tvguiy htenc kuex Tap kaluix daungx nuex httax yaq wvr maq jauk shomc kuy juing shomrawx jungx yaz nuex mshvy gay shueq.

WEAWEA 3:31

Tsuinghez rueq Bomkhvrc Jep, humpanx, wvrkok htung, shomrawx htenc, Vsawc Baung nuex shomc waz bix rueq shuimc juing kvr vkanx htenc, Vsawc Pinhtumc Baung wawc kaluix nuex juinc juing kuex lawc mawc httuiyq httvmx tvkoc khvmc taq yaq. Tsuinghez rueq kvruex hup svmx htenc kuex lawc mawc httuiyq httvmx wuez yaq.

WEAWEA 4:11

Kuimshawx shomrawx kuex khvymvnz khuingc wuil maq puingc ruiux, kvruex htauk kvyuq nyenz taungtaung hvlc ngvmx khuix mvnz kvmaq puingc tvy shec rax. Kvruex yimaq kantaung htenc kuex relc tvy rax.

Hebrews 9:4

Kvruex yuq vhomc phvnx juiuz juing kuimshawx shomrawx nuiyc wvpumz tuimx kuimshawx maq vtvhungx Bomkhvrc Jep httax yaq, kvruex jep mungx kvyuq manna wanx htawc juing kuimshawx tuik muinz, vpuic vsung rvyaq Arun paq muinz, bomkhvrc tvrac vwuiyq shec lung dvmx vnueyc muinz httax yaq.

Revelation 8:3

Kvmaq vganc raungkamx washiz kuex shomrawx hep nuex jvp kaz tueq, piq rueq kuimshawx panx shuimx yaq, hoc daungraungc khaungkac nuex httax yaq kuimshawx shomrawx htauk nuex, Tishox miqsaz vjux thoz bomc htenc rulc vdvmz nuex wvr maq jauk vtueq shomc kuy juing vhomc phvnx htenc muinz piq muex kuq tueq.