DUNGWVNC 30:10 - Hawa Naga Bible 2001

¹⁰ Arun kuex wawc shiz nuex lauk shiz mvrax kvdawc shomc kuy juing tvguiy maq, shomrawx shuk rungx bvlic kvyuq nyvt vtueq shomrawx kuex tvsawc nawc rax. Vruex yauk shuimc kuex wawc tek pat maq pat shuimx kaz shuinz. Kvruex shomrawx kuex sawc nawc wvnc vtueq ngaz, Yehowa tvkoc lekuy rax,” ngoz tueq jungx tueq.

ASII LAKDAP Bible (BSI)

¹⁰ Wiishi na jangshi Aron raq berong-wacha ara tiisii wan miitu ngarai miitu honglu na ataakuq ngam tiijai ka arongblai kiijaq nyatlili riichang. Arka rawiitek pattup pat-sa miitu klo wanruq riichang. Ara berong-wacha arka pinthum asii, Ngi, Tatiwe ma akiinong kuq.”

DUNGWVNC 30:10 Referencias Cruzadas

1 HOKHVMX 1:50

Adoniya muinz Solomon muex pinhtumc hiyaz vtueq Yehowa httax yaq Tap nuex kaz vtueq shomrawx shuk htenc kvruex yuq rvwak tueq.

1 KAÜWA WERAÜ 6:49

Arun nuiyc piq suiuz vsaz hez rueq shomrawx htauk nuex vhomc vtumc phvnx shomc kuy nuiyc shomc nawk kuy juing htenc kuex jauk shomc kuq tueq. Tsuinghez rueq Vsawc Pinhtumc Baung nuex nawk palx juing lotlaz tvkoc nuiyc Israel miqsaz yaq gay tueq mvrax htenc kuex Tishox rueq dawc kuy tvkoc shomc nawk kuy juing htenc kuex shuimx lvmz wuez yaq. Tsuinghez rueq kvruex yauk shuimc kuex Tishox nvrc waz Moshe maq raz tueq kuq shec tueq rulc rv-ngvlc shuimx wuez tueq.

DUNGWVNC 30:11

Yehowa rueq Moshe muex ngoc,

DUNGWVNC 30:9

Shomrawx kvruex htauk kvyuq tvwanc vruex shec vhomc vtumc phvnx, nyvmx saz shomc kuy, vruiy vwungx shomc kuy kuex shomc kuq lvp shuinx rvmuq, kvruex htauk nuex svpiq tix shomc kuy kuq lvp shuinx rvmuq.

LEWI 16:16

Piq rueq vkhoc maq Israel miqsaz sawc muq nuiyc tsuingshiq yaq tueq mvrax lotlaz wawc muinz Vsawc Pinhtumc Baung tvsawc nawc yauk shuimc kuex shuimx lvmz wvnc tueq. Piq rueq sawc nawc muq jerak mungx baung nuex httax yaq Tap tvkoc muinz shuimc juing rvtueq.

LEWI 16:18

wvr maq jauk shomc kuy juing shomrawx kvyuq dung kaz vtueq kvruex tvsawc nawc shuimc rax. Kvruex yimaq piq rueq manx tvguiy nuiyc khelkhix tvguiy wvyvmc lvmz vtueq, shomrawx shuk wawc vrungx htenc kvyuq nyvt rax.

LEWI 16:2

Vpiq rueq, “Mphuz Arun kuex vtuk vruez shec Vsawc Pinhtumc Baung nuex nyuip vkhing baunglaung dvyx nyuip juing rvtueq jungx kuq shuiuz, yvmx khoc lac ngoz ruiux lec Bomkhvrc Jep guip htauk kvyuq phuemx nuex ngaz kvkhic kaz taungx. Mkhoc shoc maq piq rueq phvnx muq ngoz ruiux vthvy gay rvhumc tuex.

LEWI 4:18

Tap mungx wawc vhomc vtumc phvnx htenc juiuz juing shomrawx shuk wawc vrungx htenc kvyuq tvguiy wvyvmc kuex nyvt ruiux, kvjungx yaq tvguiy htenc kuex Tap kaluix daungx nuex httax yaq wvr maq jauk shomc kuy juing shomrawx yaz kvyuq ruiuc gay rax.

LEWI 4:7

Kvruex yimaq piq rueq Tap mungx wawc vhomc vtumc phvnx htenc juiuz juing shomrawx shuk wawc vrungx htenc kvyuq tvguiy wvyvmc kuex mnyvt shueq. Kvjungx yaq tvguiy htenc kuex Tap kaluix daungx nuex httax yaq wvr maq jauk shomc kuy juing shomrawx jungx yaz nuex mshvy gay shueq.

Hebrews 1:3

Vpiq kuex Tishox ngauz vngax maq phelez httax yaq, vpiq kuex Tishox shvmx vrvmx yac yaungx ruiux, vpiq luimc vkawc mvrc yaq bomjungc maq raungx vghaq kuex tv-phaungx ngaungx taq tueq. Vpiq rueq miqsaz htenc mvrax wawc tvdungc wvnc tvkoc shuimc tvlot yix maq, raungmungx nuex Luimc Vkawc Yunghvlc Tishox yaukkeq kox nuex ngaungc yaq.

Hebrews 9:25

Yuda Shomc Wayungx bix kuex nyvmx saz tvguiy lvmz wvnc vtueq wawc tek Vsawc Pinhtumc Baung nuex nyuip yaq. Yuq muinz Christu rueq vpiq shauk pumz kuex paunghvlc lauk shomc nawk kuq tueq rvmuq,

Hebrews 9:7

yuq muinz Tap vmungx kox kvyuq kuex Shomc Wayungx piq dvyx miqmac tvkoc muinz, nuk miqsaz htenc rueq helc muq vyaq gay mvrax laung muinz, shomc kuy juing tvguiy shuimx vtueq wawc shiz nuex laukshiz nyuip yaq.

Revelation 9:13

Kvruex yimaq tvruk ngoc yaungc raungkamx waz rueq bolic tuimz koq tueq, Tishox khaungkac nuex httax yaq kuimshawx shomrawx shuk bvlic maq dung yaq tvruingc vshiz ngaz rueq tay tauk.