Bale kanaalaabuku kañiilomuu ban li kuhok kúyiniil, jakum ukaaniil ló, mata nan kásiibowaku kooliil kommuu kújiyiil li kufañ min kulaañen kuyabo, li kukat bo Kilisita.
Eleetalayi yan Fool akiicumuu Tit 2:4 - Jola-Kasa Kuliiken kama kanaalaabuku kañiilomuu hufañ kúyiniil li bañooliil. |
Bale kanaalaabuku kañiilomuu ban li kuhok kúyiniil, jakum ukaaniil ló, mata nan kásiibowaku kooliil kommuu kújiyiil li kufañ min kulaañen kuyabo, li kukat bo Kilisita.
Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.
Kaalaabuku kahallenumuu, ujokiil loon sijaawi. Kanaalaabuku kañiilomuu li ujokiil loon kúliini. Uloŋ buloŋ banabe hákiliil.
Ulob kanaalaabuku foof kahallenumuu ooniil, baloŋelabu booliil boote bulako baloŋe bata bukan kasenoolowe boot li Ateemit. Jakum kunaak kúloboo bukan, jakum kunaak kúkaliyenoo. Kunaak kuliiken bukan wah wajake.
Kusaabiil min kubaj uyinum, min foof kulako kanaale káteyiliit kunab li kánayine, kulako kanaale kayilo kaaken siluufiil jak, ban li kulako bukan kajake, kútuule kúyiniil, jakum bil an alob kulim kajakut aya li hulimahu hata Ateemit.