Eleetalayi yan Fool akiicumuu Tit 2:5 - Jola-Kasa

⁵ Kusaabiil min kubaj uyinum, min foof kulako kanaale káteyiliit kunab li kánayine, kulako kanaale kayilo kaaken siluufiil jak, ban li kulako bukan kajake, kútuule kúyiniil, jakum bil an alob kulim kajakut aya li hulimahu hata Ateemit.

Eleetalayi yan Fool akiicumuu Tit 2:5 Referencias Cruzadas

Bakaanelabu 9:36

Muñeˈe li baj li ésukayi yaaneyimuu Jofe anaale an koone Tabita áyinene li Amaaŋenawu. (Tabita ko kanolaku li «Dolukaas» li elobayi yata kata Gilees, yo yommuu «Huyamb»). Bulokool feh kakaan majake, li kalamben kusukateenabuku.

Bakaanelabu 9:39

Fiyeel li ayaan ánabul li buko. Nan áliiŋumuu, li kújowetumool boot li káfitaku kalakomuu haatiya eluufayi. Kanaalaabuku feh kahokumuu kúyiniil li kubil kuyito téeti Fiyeel mo kul̥okemaa. Li kúhiisool wañawu, li kújufowaku kan Dolukaas akikumuu akila li buloŋ.

Kata Lom 14:16

Wahawu wajakumuu boot li bukuluul, wootut úji kukee li kújowum tó kulob majakut kuya li bukuluul.

Kata Lom 2:24

Li mal̥egenamu, Bakiicelabu bonsoon: «Bukuluul kusuwifaku jíjimuu, bukanabuku kaletumuu kusuwif li kunaak kugel kajawaku kata Ateemit.»

1 Kata Koolent 11:3

Bale lifañe min jiliitiken wahawu unwe: Kilisita ammuu húkowahu hata ánayine anoowan. Anáyinaawu li aano húkowahu hata aseekool. Ateemit li aano húkowahu hata Kilisita.

1 Kata Koolent 14:34

Kanaalaabuku koote kulu li sijanguwasu. Kubajut kakaañen min kúlobul, bale koote kuluukoo min kujanten loon eluwaayi yata Móyiis elobumuu.

Kata Efées 5:33

Bale kulimaku unke lilobumuu foof boot li bukuluul: ánayine anoowan laate ábooli aseekool loon ábooliwoolomuu akila humumool, ban anaale anoowan laate foof átuul áyinool.

Kata Kolos 3:18

Kanaalaabuke, jítuul kúyinuul, loon anaale áyinene li Amaaŋenawu áatimuu akaan.

1 Tímote 5:10

Laate áhaasumi li bakaanelool bajake: ágoocul bañoolool jak, li ayab ejawoola boola jak, li afos kootaku kata káyinenumuu li Yéesu, li alamben bukanabuku kammuu li sílaam ban li ahanken li kakaan wahoowah feh wajake.

1 Tímote 6:1

Bukanabuku feh kammuu li humiikeeleto koote kujok kunahaanaku kooliil bukan katooke min kuluukeni, jakum bil an alob majakut aya li kajawaku kata Ateemit li Baliikenelabu foof boololaal.

Eleetalayi yan Fool akiicumuu Tit 2:4

Kuliiken kama kanaalaabuku kañiilomuu hufañ kúyiniil li bañooliil.