Mata li kulimaku kooli Ateemit áatummuu atiibi min aseni bakooŋ, mantee foof li abeti li katek.
Saak 2:21 - Jola-Kasa Kama atuubawolaal Abulaham, inti makaanelool majake mújimuu Ateemit li aan lakankaan an acole? Sin makaanelamu moola majakaamu mújimuu leeni lacoccol, nan aŋalumuu añoolool Isaak alemben li husilaahu booteen asila Ateemit. |
Mata li kulimaku kooli Ateemit áatummuu atiibi min aseni bakooŋ, mantee foof li abeti li katek.
Ban jakum jibuntoolo min joon: «Abulaham ammuu átuubawoli ahaan.» Mata fan ilobuul kaanaku, Ateemit layilo áfulenumul li kuyitikaku unku bañiil bata Abulaham!
Muñeˈe ánayinaawu abajaawu li alob butiya aan: «Faafa Abulaham, úyiyenom! Uboñ Laasaal ajow aŋa’ élawulayi yata husiikool ágolul mal, abil asenom íbuken húlellufom, mata ínje umme li sílaam sáamak li sambunasu unse.»
Anáyinaawu abajumuu li aan: «Faafa Abulaham, wahawu unwu bale ufitut. Nokoomuu loon an li kaketumuu ajowe alobiil, fan kubet búsol buloŋiil buhaan bajakutumuu min kútiiwo kuŋa’ buloŋ buwunkul.»
Li koon Yéesu: — Abulaham ammuu Atúubawoli. Yéesu li aaniil: — Kaaneenumuu loon li mal̥egenamu bañool Abulaham joom, faneen jinaak jikaan loon okila.
Waa, awu fíle luhaŋe átuubawoli Abulaham aketumuu? Ban kufulofetaku kukete foof. Kama luhine uyinoo li oon awu ommuu ayi?
Ecen li aaniil: — Kutuyom li situubawom, jijantenom. Ateemit ata máyiineni, láfuffu’ atuubawolaal ahaan Abulaham, nan alakomuu li etaamayi yata Mesofotami, tówum ajow akin Haalaŋ.
Wahawu unwu újimuu let baj an aŋale sembewool min akaan loon eluwaayi elobumuu, jow yok took min Ateemit ajokool an acole hákilool. Li mal̥egenamu, eluwaayi yoonosoono to bale boot kakaan bukanabuku min kuhaas mata kahoofoo.
Muñeˈe boot min uŋalaal bukittenoolum li Abulaham. Boot min oonaal buu mata Abulaham ammuu atuubawolaal ahaan? Waa labaje wabilumulo li akila humumool ammuu ál̥ahukowan?
Abulaham li áami foof atuubaawu ata bukanabuku kateyumuu búkut, kátijutumuu bale li min kuteyimuu búkut, bale li min kunabumuu li kootaku kata atuubawolaal Abulaham áyinenumuu tówum atey búkut.
Mó mújimuu, wahawu wan Ateemit alobumuu kasen an, fan uyab wo humum hata káyinenaku koola, bájum wahawu unwu li ulako káji kata Ateemit. Kájiyaku unku kulakolako boot li bubukoolumabu feh bata Abulaham. Let mantee boot li bukanabuku bale kammuu li kuŋenaku kata eluwaayi, bale boot foof li bukanabuku feh káyinenumuu loon Abulaham áyinenumuu. Abulaham atuubawolaal laam foofolaal feh,
Káyinen kújimuu Abulaham li aŋa’ Isaak boot asila, nan Ateemit ayooboolumuu min ajuk. Mal̥egen Abulaham li alako li asila añoolool anolawu Isaak, imban Ateemit lalobeenoolob kaanaku fan asenool wah.
Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»