Kata Lom 3:20 - Jola-Kasa

²⁰ Wahawu unwu újimuu let baj an aŋale sembewool min akaan loon eluwaayi elobumuu, jow yok took min Ateemit ajokool an acole hákilool. Li mal̥egenamu, eluwaayi yoonosoono to bale boot kakaan bukanabuku min kuhaas mata kahoofoo.

Kata Lom 3:20 Referencias Cruzadas

Bakaanelabu 13:39

Li Yéesu bale anoowan áyinene li Ateemit, áatummuu alako an acole hakil Ateemit.

Kata Lom 2:13

Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool.

Kata Lom 3:28

Li mal̥egenamu, wahawu wan ujokaalumuu wo wommuu unwe: an káyinenool li Yéesu Kilisita kújiwoolumuu li alako an acole hákil Ateemit, bale let bakaanelool bacole bújiye.

Kata Lom 4:13

Ateemit lansaan fan asen Abulaham li bubukoolumabu boola, adunaayi kutowo. Min Ateemit alobumuu kasen Abulaham adunaayi, lakowut mata lakankaan loon eluwaayi elobumuu, bale lakolako mata Ateemit lajokoojok an acole humum hata káyinenaku koola.

Kata Lom 4:15

Li mal̥egenamu, eluwaayi éjiyemuu Ateemit li awuñet bukanabuku. Tan eluwa ebajut, káhoogul eluwa foof let kubaj to.

Kata Lom 5:13

Kahoofoolaku kubabbaj li adunaayi tówum Ateemit asen Móyiis eluwaayi, bale nan eluwaayi ebajutumuu, Ateemit lanaanaak akat bo kahoofoolaku.

Kata Lom 5:20

Eluwaayi ebiibil, kahoofoolaku li kuhaŋ mameeŋ, bale tan kahoofoo kumeeŋe, kabonketaku kata Ateemit fan kuhaŋ to maluuk.

Kata Lom 7:11

Li mal̥egenamu, kahoofoolaku li kújowum li eluwaayi min kubuntom ban li kumukumom li yo.

Kata Lom 9:32

Wáa újimuu kuyilaat? Mata kusuwifaku kuyinoolut kaanaku macolamu ummu li káyinen muyilimuu mubilumul, min buko kuyinoo li koon kuyilo kulako bukan kacole humum hata bakaanelabu booliil. Li kujonten li huyitikahu hájiyiilumuu li kulo,

1 Kata Koolent 15:56

Katahaku kata eketayi ko kommuu kahoofoolaku, ban kahoofoolaku eluwaayi esen ko sembe.

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Kata Galasi 2:19

Li ínje, mata eluwaayi, likeeket ban li eluwaayi humum yo líketume, mantee li iyili iloŋ boot li Ateemit. Injé limukoolimukoo li Kilisita li ekuluwaayi.

Kata Galasi 5:4

Bukuluul jaŋesemuu min jihanken min jikaan loon eluwaayi elobumuu, mantee Ateemit li ajokuul bukan kacole, jikatookatoo li Kilisita. Jilet ló muñeˈe li kájiyaku kata Ateemit.

Eébulo 7:19

mata eluwaayi yata Móyiis eyilaat ekaan wah min unab. Bale muñeˈe lubajaale kákangum kahaŋe majak, kayilo kújiwolaal li ukoojaal Ateemit.