Kata Lom 3:19 - Jola-Kasa

¹⁹ Luhaasaale kaanaku wahawu wan eluwaayi elobumuu, elollob wo boot li bukanabuku kammuu li kuŋenaku kata eluwaayi, jakum bil an ayili álobul to mukee mantee li ukooŋ, min ésukayi ehaas kaanaku adunaayi foof yo feh etilentilen hákil Ateemit.

Kata Lom 3:19 Referencias Cruzadas

Hulimahu Hásuumaahu loon Saŋ akiic homuu 15:25

Bale wahawu unwu wóotisooti ubaj bájum hulimahu hakiicimuu li Eluwaayi li ubaj, haanumuu: «Kulatonlat maayiiñ.»

Hulimahu Hásuumaahu loon Saŋ akiic homuu 8:9

Nan kujamumuu kulimaku unku, li kúfu’ ano li ano, kítum li kunahaanaku, jow saŋo to Yéesu balewool buko li anaalaawu ayito tomuu li tutayi.

Kata Lom 1:20

Li mal̥egenamu, kábilum nan Ateemit ajuul̥umuu adunaayi, majakamu moola májukoliitimuu, sembaasu soola saano tomuu boot nanoonan, li min aanomuu Ateemit, wahawu unwu feh ujukijuk set. Bukanabuku kuyilo kuŋa’ bújallowiil min kúnaanum wo li wahawu feh wan Ateemit akaanumuu. Wahawu unwu újimuu, kuyilaat kubaj bakooŋ li wahawu wan kukaanumuu.

Kata Lom 3:2

Li wahawu feh, jáliŋayi yata katey búkut elulluuk. Kusuwifaku Ateemit ajandumuu akat Hulimahu hoola.

Kata Lom 3:23

Li mal̥egenamu, bukanabuku feh kuhoofoohoofoo, ban mó lí múji lí kúfu’ li máyiineniyamu mata Ateemit.

Kata Lom 3:4

Maayeet! Anoowan laate ahaas jak kaanaku Ateemit lakankaan Ateemit ata mal̥egenamu, ban ál̥ahukowan anoowan lakankaan ámalamiñ. Li mal̥egenamu, bakiicelabu bonsoon: «Loote újokumi an acole li balobelabu booli; ban li ubaj bakooŋ awu batiibeli.»

Kata Lom 3:9

Kama waa, mantee alolaal aamaalumuu kusuwif luhaŋaale kaletumuu kusuwif? Maayeet! Li mal̥egenamu, líhihhiis kaanaku ulako asuwif li ulet asuwif, bukanabuku feh kumbuku li sembaasu sata kahoofoolaku.

1 Kata Koolent 1:29

Lakankaan mo, jakum bil an ayili asaloolo hákil Ateemit.

Kata Galasi 3:10

Li mal̥egenamu, bukanabuku feh kajokumuu li wahawu wan eluwaayi elobumuu kakaan, Ateemit fan atekiil. Bakiicelabu bonsoon li mal̥egenamu: «Katek kujow kulako li anoowan feh anaakut akaan wahawu feh wakiicimuu li éliibalayi yata eluwaayi.»

Kata Galasi 4:21

Jilobom, bukuluul jafañumuu min jiloŋ loon eluwaayi yata Móyiis elobumuu. Kama jijamut buu eluwaayi elobe?

Kata Galasi 4:5

Labiibil loon muñowu min ahal boot li bukanabuku kammuu li kuŋenaku kata eluwaayi, li foof boot kakaanolaal min ulakowaal bañiil bata Ateemit.

Kata Galasi 5:18

Bale nokoomuu loon Buyinumabu Banabaabu bucolencolen buloŋabu booluul, jilet kama li kuŋen kata eluwaayi.