Yéesu li aaniil: — Jijow boot li ésukayi bata antijaman jijow joonool: «Anahaanawu laane: “taŋayi yúmbaam éliiŋe, kúgoomaku kúmbaam lí ínje humumom, boot min jibil jikaan kagaanaku kata Faakayi booli.”»
Máciya 26:45 - Jola-Kasa Fúlum tó, Yéesu li álaañul boot tan kúgoomaku kulakomuu min aaniil: — Kama jiloŋe li jímooli min jiyool̥o? Jíkaanum, waatuwayi ékoojulo; Añool-An kubetool kuban li kuŋen kata kuhoofoola. |
Yéesu li aaniil: — Jijow boot li ésukayi bata antijaman jijow joonool: «Anahaanawu laane: “taŋayi yúmbaam éliiŋe, kúgoomaku kúmbaam lí ínje humumom, boot min jibil jikaan kagaanaku kata Faakayi booli.”»
— Jihaase joon taate kunak kúl̥uba kagaanaku kata Faakayi fan abeti li kuŋen bukan min kubaaŋool li ekuluwa.
Li alaañen akatiil to min ayinno bo áliiŋ, li alaañen búhaajut ál̥awum li kulimaku kanolaku.
Yéesu li ayinno bo lóyi jakee, li ákuntuŋ min aŋa’ buulool aya teetaam, min al̥aw kaanaku nokoomuu loon kayiliyeenuma, ewaatuwayi inyu yata sílaamasu li ewuj wah bakaanutool.
Li bukuluul lilakomuu kunakaku feh li eluufayi yata Ateemit, ban jiŋesut kajokom. Bale ewaatuwayi inye yooluul li yata foof sembaasu sata ehukaayi.
Yéesu li afamen aan: — Muñeˈe yaalom eteke ŋáa’. Waa liyilo ilob? Een fíle: Faafa ufakenom li sílaamasu sammuu li sibajom li ewaatuwayi inye? Bale sílaamasu unsu sata ewaatuwayi inye síjimuu li ibil.
Muñeˈe li hunakahu húsolaahu tówum Faakayi yata Kusuwifaku éliiŋ, Yéesu bahaase aan ewaatuwayi éliiŋe nan ammuu li áfu’ li adunaayi unye, min ajow boot bata Atuubaawu. Lafinfin min afañe káyinenumuu li akila kammuu li adunaaye, ban li afañiil boot yok li húbanumahu.
Nan Yéesu alobumuu loon muñaˈa aban, li ateb kúkilool ajooŋoo li emitayi ban li aan: — Faafa, ewaatuwayi éliiŋe. Muñeˈe úhiis máyiineniyamu mata Añooli, mantee Añooli li áhiis foof máyiineniyamu mooli.