Máciya 26:18 - Jola-Kasa

¹⁸ Yéesu li aaniil: — Jijow boot li ésukayi bata antijaman jijow joonool: «Anahaanawu laane: “taŋayi yúmbaam éliiŋe, kúgoomaku kúmbaam lí ínje humumom, boot min jibil jikaan kagaanaku kata Faakayi booli.”»

Máciya 26:18 Referencias Cruzadas

Máciya 21:3

An alobuulumuu wah, li joonool: «Amaaŋenawu joke li bo». Fan ayaan akat bo min bubil.

Máciya 23:10

Jakum foof jikat an min ahooñuul «Anahaan». Mata anahaan ano bale jibaje, ammuu Kilisita.

Máciya 23:8

Bale bukuluul jakum jikat an min ahooñuul «anahaan.» Mata anahaan ano bale jibaje. Ban bukuluul feh batuyaay.

Máciya 26:19

Kúgoomaku li kukaan loon Yéesu alobiilumuu, min kulak sinaaŋasu sata Faakayi.

Máciya 26:2

— Jihaase joon taate kunak kúl̥uba kagaanaku kata Faakayi fan abeti li kuŋen bukan min kubaaŋool li ekuluwa.

Máciya 26:49

Muñeˈe Sudaas li ayaan ajow boot tan Yéesu alakomuu, áliiŋ li aanool: — Lisaafi, Anahaan! Ban li agaabool.

Maak 5:35

Nan Yéesu alakomuu elobayi, kukee li kúfulumul bata Jáyilis kubil koon Jáyilis: — Jísungutaaju jooli jikete. Wáa újiye li umit oono li kayoken Anahaanawu?

Hulimahu Hásuumaahu loon Lík akiic homuu 22:53

Li bukuluul lilakomuu kunakaku feh li eluufayi yata Ateemit, ban jiŋesut kajokom. Bale ewaatuwayi inye yooluul li yata foof sembaasu sata ehukaayi.

Hulimahu Hásuumaahu loon Saŋ akiic homuu 11:28

Nan Maaluta alobumuu loon muñaˈa aban, li ajow áhooñul atuyool Mali min abuyunoolool aanool: — Anahaanawu umme taate, ban laane ubil.

Hulimahu Hásuumaahu loon Saŋ akiic homuu 12:23

Yéesu li aaniil: — Muñeˈe waatuwayi éliiŋulo nan Añool-An ammuu li ábinkeni.

Hulimahu Hásuumaahu loon Saŋ akiic homuu 13:1

Muñeˈe li hunakahu húsolaahu tówum Faakayi yata Kusuwifaku éliiŋ, Yéesu bahaase aan ewaatuwayi éliiŋe nan ammuu li áfu’ li adunaayi unye, min ajow boot bata Atuubaawu. Lafinfin min afañe káyinenumuu li akila kammuu li adunaaye, ban li afañiil boot yok li húbanumahu.

Hulimahu Hásuumaahu loon Saŋ akiic homuu 17:1

Nan Yéesu alobumuu loon muñaˈa aban, li ateb kúkilool ajooŋoo li emitayi ban li aan: — Faafa, ewaatuwayi éliiŋe. Muñeˈe úhiis máyiineniyamu mata Añooli, mantee Añooli li áhiis foof máyiineniyamu mooli.

Hulimahu Hásuumaahu loon Saŋ akiic homuu 20:16

Yéesu li aanool: — Mali! Mali li átiiwo ajooŋoo li Yéesu, ban li aanool li elobayi yata Eébulo: — Lábuni! (Yo yommuu «Anahaan».)

Hulimahu Hásuumaahu loon Saŋ akiic homuu 7:30

Muñeˈe li kuŋeseen min kujok Yéesu, bale an ajokutool, mata ewaatuwayi yoola yo báliiŋolut.

Hulimahu Hásuumaahu loon Saŋ akiic homuu 7:6

Muñeˈe Yéesu li aaniil: — Taŋayi yúmbaam éliiŋulolut. Bukuluul taŋootaŋ ejaajak.

Hulimahu Hásuumaahu loon Saŋ akiic homuu 7:8

Bukuluul jijow kagaanaku. Injé let ijow kagaanaku unku, mata taŋayi yúmbaam éliiŋulolut.