Hulimahu Hásuumaahu loon Saŋ akiic homuu 17:1 - Jola-Kasa

¹ Nan Yéesu alobumuu loon muñaˈa aban, li ateb kúkilool ajooŋoo li emitayi ban li aan: — Faafa, ewaatuwayi éliiŋe. Muñeˈe úhiis máyiineniyamu mata Añooli, mantee Añooli li áhiis foof máyiineniyamu mooli.

Hulimahu Hásuumaahu loon Saŋ akiic homuu 17:1 Referencias Cruzadas

Maak 14:41

Muñeˈe nan Yéesu álaañulumuu búhaajutabu, li aaniil: — Kama jiloŋe li jímooli min jiyool̥o? Muñeˈe fite! Ewaatuwayi éliiŋe. Añool-An kubetool kuban li kuŋen kata kuhoofoola.

Hulimahu Hásuumaahu loon Lík akiic homuu 18:13

Ayábabuhalabu okila li ayito lóyi, ban afanut akaañen ateb kúkilool ajuke emitayi. Bale li anaak atek li bagiŋool min aan: «Ateemit, úyiyenom, ínje ahoofoola.»

Hulimahu Hásuumaahu loon Lík akiic homuu 22:53

Li bukuluul lilakomuu kunakaku feh li eluufayi yata Ateemit, ban jiŋesut kajokom. Bale ewaatuwayi inye yooluul li yata foof sembaasu sata ehukaayi.

Hulimahu Hásuumaahu loon Saŋ akiic homuu 11:4

Nan Yéesu ajamumuu kulimaku unku, li aan: — Kásomutaku unku kajokumuu Laasaal, let kásomut kata eket. Bale kujokoojok bájum bukanabuku li kujuk máyiineniyamu mata sembaasu sata Ateemit, min Añiilawu ata Ateemit ábajum li kó kasal.

Hulimahu Hásuumaahu loon Saŋ akiic homuu 11:41

Mal̥egen li kúfulen húlankiinahu. Yéesu li ateb kúkilool ajuke emitayi ban li aan: — Faafa, lisali mata min úsooniyenemuu kal̥awaku kúmbaam.

Hulimahu Hásuumaahu loon Saŋ akiic homuu 12:23

Yéesu li aaniil: — Muñeˈe waatuwayi éliiŋulo nan Añool-An ammuu li ábinkeni.

Hulimahu Hásuumaahu loon Saŋ akiic homuu 13:1

Muñeˈe li hunakahu húsolaahu tówum Faakayi yata Kusuwifaku éliiŋ, Yéesu bahaase aan ewaatuwayi éliiŋe nan ammuu li áfu’ li adunaayi unye, min ajow boot bata Atuubaawu. Lafinfin min afañe káyinenumuu li akila kammuu li adunaaye, ban li afañiil boot yok li húbanumahu.

Hulimahu Hásuumaahu loon Saŋ akiic homuu 16:32

Ehee’, waatuwayi inyu li ebil, ban efin min éliiŋulo eban, nan kommuu li kukaanuul jiyiisoo, anoowan li ajow boot boola min jikatom to balewom. Bale li mal̥egenamu ilet balewom, mata Atuubaawu ummu lí ínje.

Hulimahu Hásuumaahu loon Saŋ akiic homuu 7:30

Muñeˈe li kuŋeseen min kujok Yéesu, bale an ajokutool, mata ewaatuwayi yoola yo báliiŋolut.

Hulimahu Hásuumaahu loon Saŋ akiic homuu 7:39

(Yéesu lalollob kulimaku unku aya li Buyinumabu Banabaabu, ban káyinenumuu li akila kóotimuu kuyab. No unnu, Buyinumabu Banabaabu bo basenoluti, mata Ateemit báhiisolut máyiineniyamu mata Yéesu.)

Hulimahu Hásuumaahu loon Saŋ akiic homuu 8:20

Yéesu li alob kulimaku unku nan alakomuu buliikenabu bata ésukayi li Eluufayi yata Ateemit, tan bukanabuku kusenemuu bujuuñakabu. An ajokutool, mata waatuwayi yoola báliiŋolut.

Bakaanelabu 3:13

Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.