No unnu bukanabuku kátuulumuu Ateemit, fan kuleñ loon banakabu li Jáyiiyaju jata Atuubayiil. An áakimaa sijan, li ajanten jak min ajam.
Máciya 26:29 - Jola-Kasa Fan ilobuul, kale hunakahu hata síyaat lihobumee ébiiñayi inyu min ikat, boot yok nan emmuu ilaañen ihob ébiiñ yawunkul li bukuluul ló li Jáyiiyaju jata Atuubawom. |
No unnu bukanabuku kátuulumuu Ateemit, fan kuleñ loon banakabu li Jáyiiyaju jata Atuubayiil. An áakimaa sijan, li ajanten jak min ajam.
Li mal̥egenamu fan ilobuul, kukee li bukuluul káamimee taate, let kuket buko bajukut Añool-An li abil li Jáyiiyaju joola.
Mata tan bukan kúl̥uba mantee foof kúhaaji kujoje li kajawaku kúmbaam, ínje ummu li tutiil.»
Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.
Mata laalu húsimahu húmbaam, húsimahu halitenumuu húfaalumahu han Ateemit ajokumuu bukanabuku, háyuwimuu boot li bukan kameeŋe, boot kabonketaku kata uhoofoolawu.
Muñeˈe nan kukijenumuu ukijen wata kasal Ateemit kuban, li kúfu’ kujow boot bata Huyuuyahu hata unuunukenawu waaneyimuu Olíibiye.
Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.
Li mal̥egenamu fan ilobuul, kale let imit ilaañen ihob ébiiñ boot yok hunakahu nan emmuu ihob ébiiñ ewunkul li Jáyiiyaju jata Ateemit.
— Sákoluul, bukuluul jammuu bumat batit! Mata Atuubawuul súumoosuum min asenuul Jáyiiyaju joola.
Bale lootaale ukaanaal kagaan min ésuumansuum elako li ololaal. Mata atuyi umme laketeene, bale muñeˈe lálaañulo áami li buloŋ. Lájimeene, bale muñeˈe lijukool.”»
Yéesu li afamen aan: — Lilobuulob wahawu unwu mantee ésuumahukowayi yúmbaam li elako li bukuluul, min ésuumahukowayi yooluul eluuk halli.
Mo foof bukuluul jommuu muñeˈe li káyiyenoo. Bale fan ilaañen ijukuul, min ésuumahukow elako li bukuluul, ban an let ayili áfulen yó li bukuluul.
Bale muñeˈe boot min ibil booli. Ban kulimaku kan ilobumee muñeˈe nan iloŋumee li adunaayi, lilollob ko bájum li kubaj ésuumansuumayi yúmbaam li buko humumiil, ésuumansuum halli.
Inti bukanabuku feh láfule, bale bukanabuku kan Ateemit afinumuu min al̥use min kumaat. Buko kommuu áloli jatiñumuu ban li jihob dín dáno li akila, nan Ateemit ayitenumuloolumuu aban li eketayi.
Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.
Bukanabuku umbuku li kukijen kakijen kawunkul hákil efenjeŋayi yata jáyiiyaju, hákil wahawu ubakiilawu waloŋumuu li kunahaanabuku kahallenumuu. Ban anoowan ayilaat aliiken kakijenaku unku ábuti li bukanabuku sínjunne téemeel li kúyii kúl̥uba li kubakiilaku kan Ateemit áfakenumulomuu li etaamayi feh.
Mata Agálalaanawu ammuu li tut efenjeŋayi yata jáyiiyaju, fan alako amataawu ooliil. Fan ajow li buko boot bata uhuwenawu wata malamu masenemuu buloŋ. Ban Ateemit fan átil̥ muhuuwamu mata kúkilaku kooliil.