Máciya 28:20 - Jola-Kasa

²⁰ Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 28:20 Referencias Cruzadas

Máciya 1:23

«Asúngutaawu ahaasutumuu ánayine, fan ahalet ban fan abaj añiil áyine. Fan kuhooñool Emanuweel.» (Yo yommuu «Ateemit ummu li ololaal.»)

Máciya 13:49

Muñaˈa foof emmuu bil nokoo nan buloŋabu umbe bommuu li buban. Emalakaayi fan ebil égitul bukanabuku kajakutumuu li bukanabuku kátuulumuu Hulimahu hata Ateemit.

Máciya 18:20

Mata tan bukan kúl̥uba mantee foof kúhaaji kujoje li kajawaku kúmbaam, ínje ummu li tutiil.»

Máciya 24:3

Emmuu Yéesu lajowujow abah li huyuuyahu hata unuunukenawu wan koonemuu Olíibiye, kúgoomaku koola li kúkoojulool baleyiil min kugel̥l̥enool koonool: — Ulóboli, nay wahawu unwu wóomi li ubaj? Waa wóomi li úhiis ebilayi yooli li kabanaku kata adunaayi?

Máciya 6:13

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Maak 16:20

Mal̥egen kúgoomaku li kujow kuwaale Hulimahu Hásuumaahu tanootan. Amaaŋenawu li álokum li buko, min áhiis kaanaku kulimaku kan kulobemuu mal̥egen, li búhiisenum bájaahaleniye banaake bunaboo li ko.]

Bakaanelabu 2:42

Muñeˈe bukanabuku káyinenumuu li kuhanken to li kawoog, min kunaak kujanten kulimaku kan Kufootalaku kunaake kuliikeniilumuu. Li kujooŋoo to min kuloŋ buloŋ bata batuyaay, min kunaak kutiñum dín dáno, li kuhanken foof min kul̥aw Ateemit li mano.

Bakaanelabu 20:27

Mata líhiisuuhiis wahawu feh wan Ateemit afañumuu kakaan, ban iyoloolutuul wahoowah.

1 Kata Koolent 11:2

Injé ummu li kasaluul min jiwayil̥owewommuu li wahoowah feh, li min jinabemuu li kulimaku kúmbaam loon ilobuulumuu.

1 Kata Koolent 11:23

Li mal̥egenamu, wahawu unwe Amaaŋenawu aliikenommuu, ban wo foof lemmuu li iliikenuul: Amaaŋenawu Yéesu, li ehukaayi nan kubetoolumuu li kuŋen kata bukan, laŋaŋŋa’ húmbuulu,

1 Kata Koolent 14:37

An li bukuluul ayinoomuu li aan akila afulofet laam, mantee foof kulimaku kan alobemuu li Buyinumabu Banabaabu kubilumulo, laate kama ahaas aan wahawu wan ikiiculuulumuu, hulim hata Amaaŋenawu.

Kata Kolos 1:28

Akila lulobaalemuu moola bukanabuku feh. Li unaak usaabaal ban li uliikenaal anoowan feh li bújallo ló banooban, bájum li úŋalulaal anoowan feh manokoole loon Kilisita li wahoowah feh.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!

2 Fiyeel 3:2

Lifañe min jiwayil̥o kulimaku kan kufulofetaku kooluul kulobumuu foof.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 22:14

«Awólo bukanabuku kafosumuu wañawu wooliil, min kuyili kutiñ mutiñaayamu mata bunuunukenabu bata buloŋabu, ban li kújowum li wámbiilawu kunoken li ésukayi.