Yéesu li aaniil: — Mata bukuluul, Ateemit lakaanuukaan min jihaas wahawu wahaasutimuu wata Jáyiiyaju jata haatiya. Bale umbuku áhiisutiil wo.
Máciya 13:51 - Jola-Kasa Yéesu li agel̥l̥en kúgoomaku koola aaniil: — Jínaanume ukittenoolumawu unwu feh? Li koonool: — Eéhe’, jínaanume. |
Yéesu li aaniil: — Mata bukuluul, Ateemit lakaanuukaan min jihaas wahawu wahaasutimuu wata Jáyiiyaju jata haatiya. Bale umbuku áhiisutiil wo.
An ajantenumuu Hulimahu Hásuumaahu hata Jáyiiyaju jata Ateemit ban ánaanumut ho, Sayitaane fan abil áfulen li buyinumabu bata anawu Hulimahu han ajamumuu. Anawu ummu, akila ammuu kagendenaku kata bútinabu tan sígulasu silomuu.
Banumuu emalakaayi fan ebeten bukanabuku kajakutumuu li sambun sáamak, dán emmuu baj jíl̥ok li sílaam sáamak.
Muñeˈe Yéesu li aaniil: — Mó mújimuu, anoowan aliikene bukanabuku eluwaayi yata Móyiis, abile alako ágoom ata Jáyiiyaju jata Ateemit, lanokoonokoo li anahaan ata eluuf, áfulenulo li ebajayi yoola, wah wawunkul li foof wah wahaan.
Kama buu kaane jiyilaat jínaanum kaanaku ilet li elobuul mata kúmbuulu? Jíkaanum élebiilayi yata Kufaaliisiyeŋaku li Kusaduusiyeŋaku.
— Mó mújimuu, fan jijuk «Majakutamu Makajenemuu» li mukaani tan ñéyimuu li Eluufayi yata Ateemit. Dañeel ammuu afulofet lalollob mata Majakutamu ummu. (An alakomaa kajanga, laate ánaanum jak yo yommuu waa!)
Yéesu anaakut alob li bukanabuku akila baŋalut bukittenoolum min alob. Bale ajowumuu awayito li kúgoomaku koola, li ahebiil waa bukittenoolumabu bulobe.
Yéesu li aaniil: — Kama bukuluul foof jiyiliwolut jínaanum? Jihaasut joon bajut wah wan an atiñe wayilo ukaanool min eeni lasikosiko?
Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.