«Mantee foof buu an aate ayili anoken li eluuf yata an ata sembe, ajow ábotul ebajayi yoola, akila bajandut ajenkool? Ajenkumuu anawu ata sembaasu aban, li akit ayili abot ebajayi yoola.
Máciya 12:44 - Jola-Kasa Muñeˈe li buyinoo boon: «Boot min ilaañ boot li eluufayi yúmbaam dán ífulumulomuu.» Nan bulaañumuu búliiŋ, li butook eluufayi makinut, mawuuweli, wahawu feh majoojeneli. |
«Mantee foof buu an aate ayili anoken li eluuf yata an ata sembe, ajow ábotul ebajayi yoola, akila bajandut ajenkool? Ajenkumuu anawu ata sembaasu aban, li akit ayili abot ebajayi yoola.
— Nan buyinum bajakut búfulume li an an bújufowe, fan bujow buñaahoo ban sayimuu min buŋes tan bóomi li buyool̥o, bale let bujuk tan bóomi li buyool̥o.
Buyinumabu bajakutaabu li bulaañ bujow búŋalul uyinum wajakut wakee woono hutok li úl̥uba wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu. Muñaˈa emmuu bil nokoo li bukanabuku kata muñeˈe kajakutumuu.
Min Sudaas Isikaaliyot alobumuu loon muñaˈa, inti eeniseen mantee okila ayinoole mata bukanabuku kagayimuu, bale mata lakankaan ákuu. Akila anaake aaken abootaawu ata sídalamasu, ban li anaak aŋa’ wahawu wan kunaake kukaan dómuu.
Yéesu buko li kúgoomaku koola li kulako hutiñ kátiimeel, kama Sayitaane akila bakaane aban li buyinumabu bata Sudaas, ammuu añiilawu ata Simoŋ Isikaaliyot, kayinoo kata kabet Yéesu li kuŋen bukan.
Nan Sudaas aŋa’muu humunculahu unhu hata húmbuuluwahu, Sayitaane li ájufowool. Muñeˈe Yéesu li aanool: — Wahawu wan ommuu li ukaan, ukaan wo cab.
(Wáa úji? Li mal̥egenamu, éetiseeti baj bugiiloo li bukuluul, mantee bukanabuku káyinenumuu li mal̥egen li kuhaasi.)
Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.
Kulatoolaabuku umbuku kata Kilisita li alolaal kúfulume, bale kufinut min kulakowe koololaal. Mata li mal̥egenamu kulakoweenumuu bukan koololaal, fan kulakoween nanoonan li alolaal. Bale kúfuffu’ li alolaal min híis kaanaku anoowan li buko alakowut li mal̥egen an oololaal.
Kuñoolom, bukuluul bukan kata Ateemit joom ban jiheeheek kámalumuu koon kufulofet koom; mata Buyinumabu bata Ateemit bammuu li bukuluul buhaŋe sembe buyinumabu bata Alatoolaawu ata Kilisita bammuu li adunaayi.