Kata Efées 2:2 - Jola-Kasa

² Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.

Kata Efées 2:2 Referencias Cruzadas

Máciya 11:19

Añool-An li abil ban li anaak atiñ, li ahob, bukanabuku li koon: “Jijuke ánayinaawu ummu. Akila hutiñ bale li kákaliyenoo bale layinoole, abuke ata kúyababuhal li kuhoofoola.” Bale bújallowabu bata Ateemit, li bakaane búhaasumeyi.»

Máciya 13:22

Etaamayi yata banuunukenabu bata úbujaawu dán sígulasu silomuu, yo yommuu anawu ajamumuu Hulimahu hata Ateemit aban, uyinoolawu wata buloŋabu bata muñeˈe, li jabuntaju jata kásuumaku kata ebajayi, li kúgoben Hulimahu, min jí anawu li áloŋaati loon Hulimahu hulobumuu.

Máciya 13:38

Kal̥aakaku ko kommuu adunaayi. Sígulasu sajakaasu so sommuu bañiilabu bata Jáyiiyaju. Emaanobasuuwayi yo yommuu bañiilabu bata Sayitaane.

Maak 4:19

Bale uyinoolawu wata buloŋabu bata muñeˈe, lí kásiibo kata ebaj, li kamelo kata wah wameeŋe; wahawu unwu feh li unokeniil min úgoben hulimahu min húhiliil kukaan majake.

Hulimahu Hásuumaahu loon Lík akiic homuu 16:8

Muñeˈe anahaanawu li asal alokaawu ummu ajakutumuu, mata min akaanumuu majakut li butuuko ló. Mata bukanabuku kata adunaayi inye kuhaŋe matuuko li wahiil, bukanabuku kaanomuu li mawuŋaamu.

Hulimahu Hásuumaahu loon Lík akiic homuu 22:31

Muñeˈe Yéesu li aan: — Simoŋ, Simoŋ, Sayitaane lal̥awul̥aw mantee li aheefenuul foofuul feh loon an aheefenemuu emaano min áfulen bakakelabu jata bo li búhulabu jata bo.

Hulimahu Hásuumaahu loon Saŋ akiic homuu 12:31

Muñeˈe emmuu taŋayi nan Ateemit ammuu li atiib adunaayi inye. Muñeˈe Sayitaane ammuu anahaanawu ata adunaayi boot min akesooli áfu’ tíyaŋ.

Hulimahu Hásuumaahu loon Saŋ akiic homuu 13:2

Yéesu buko li kúgoomaku koola li kulako hutiñ kátiimeel, kama Sayitaane akila bakaane aban li buyinumabu bata Sudaas, ammuu añiilawu ata Simoŋ Isikaaliyot, kayinoo kata kabet Yéesu li kuŋen bukan.

Hulimahu Hásuumaahu loon Saŋ akiic homuu 13:27

Nan Sudaas aŋa’muu humunculahu unhu hata húmbuuluwahu, Sayitaane li ájufowool. Muñeˈe Yéesu li aanool: — Wahawu wan ommuu li ukaan, ukaan wo cab.

Hulimahu Hásuumaahu loon Saŋ akiic homuu 14:30

Let ilaañ ilob ŋáa’ li bukuluul, mata Sayitaane ammuu anahaanawu ata adunaayi inye ummu li ebil. Ayilaat lí ínje wahoowah,

Hulimahu Hásuumaahu loon Saŋ akiic homuu 15:19

Jilakoweenumuu bukan kata adunaayi, bukanabuku kata yo fan kufañeenuul, mata min jóomimuu bukan kata adunaayi. Bale jilet bukan kata adunaayi, mata li adunaayi lil̥usumuulumuu ífulenul. Mó mújimuu bukanabuku kata adunaayi li kulatuul.

Hulimahu Hásuumaahu loon Saŋ akiic homuu 16:11

Min kuyinoomuu mata batiibabu bata Ateemit inti mo, mata Sayitaane ammuu anahaanawu ata adunaayi inye, latiibi aban.

Hulimahu Hásuumaahu loon Saŋ akiic homuu 7:7

Bukanabuku kata adunaayi kuyilaat kulatuul, bale ínje kulatonlat mata líhiisehiis kaanaku bakaanelabu booliil bujakut.

Hulimahu Hásuumaahu loon Saŋ akiic homuu 8:23

Yéesu li aaniil: — Bukuluul bukan kata baabe li etaam, ínje li emitayi libilumulo. Bukuluul bukan kata adunaaye, ínje ilet an ata adunaaye.

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Bakaanelabu 19:35

Muñeˈe anahaanawu ata ésukayi yata Efées li akaan búsukabu bulu, ban li aaniil: — Kata Efées, ayi li bukanabuku feh ahaasut aan ésukayi yata Efées, yo efooyemuu eluufayi dán manenemuu Alitemis áamakawu, li kambuwaku koola kálowumulomuu li emitayi?

Bakaanelabu 5:3

Bale Fiyeel li aanool: — Ananiyaas, kama wáa újiye Sayitaane li anokeni li buyinum, min úmal usen Buyinumabu Banabaabu? Luŋaŋŋa’ bugeb bakee bata sídalamasu sata etaamayi yan újulamuu.

Kata Lom 12:2

Jakum jinab li bakaanelabu bata bukanabuku kata adunaayi inye, bale jikat Ateemit min akaanuul jilako bukan kábuto ban li asenuul butuuko buwunkul. Akaanuulumuu loon muñaˈa aban, fan jiyili jikooñaam min jihaas waa lafañumuu: wahawu wajakumuu, wahawu wásuumoolumuu, li wáliiŋumuu máliiŋ loon afañumuu.

1 Kata Koolent 5:10

Ilobut ígiwoo ló bukanabuku kata adunaayi kahintowemuu li aletalet, kákuuwetemuu, kaweelomuu li sídalam mantee foof kamanenemuu kuteemit kalet mal̥egen. Nokoomuu loon boot min jitey bukanabuku umbuku feh, yo yommuu kama mín jífu’ li etaamaye.

1 Kata Koolent 6:11

Ban muñowu kukee li bukuluul kunokoo nomuu. Bale Ateemit oololaal lafoffos kahoofoolaku unku áfulen li bukuluul, min akaanuul to boot li akila. Li akaanuul jilako bukan kacole li kajaw kata Amaaŋenawu li Buyinumabu boola.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Efées 1:21

Kilisita lahaŋe kuhaanaaku feh, kuwoogaku feh li kujojaku feh kata uyinumawu feh wammuu li emitayi maayeet min kite eenimuu kubabbaj sembe sáamak. Kajawaku koola kuhaŋe mabaj sembe kajaw kanookan feh boot nanoonan.

Kata Efées 2:11

Kusuwifaku kubabbaj húhaasum hata katey búkut li siniilasu sooliil, ban li kunaak kuhooñoolo «bukanabuku kateyumuu búkut.» Bukuluul li kabukiyaku kooluul, jilet Kusuwif. Jibajut li siniilasu sooluul húhaasumahu han Kusuwifaku kubajumuu, ban li kunaak kuhooñuul «bukan kateyut búkut.» Joote kama jiwayil̥o waa jilakoweenumuu naanaŋ.

Kata Efées 2:13

Bale muñeˈe li hujokoolahu hooluul li Yéesu Kilisita, bukuluul jáloyiyeenumuu Ateemit, jíkoojulool mata jibabbaj hujamoo li akila humum hata húsimahu hata Kilisita háyuwimuu boot li ololaal.

Kata Efées 2:3

Naanaŋ, ololaal foofolaal feh lunaanaak ukaanaal foof loon bukanabuku umbuku. Lunaanaak uloŋaal buloŋ bajakut, naboo li kásiibowaku kata bóonowabu boololaal. Li unaak foof ukaanaal wahawu wajakutumuu wan eniilayi yoololaal efañumuu, ban li ubilumul li uyinoolawu woololaal. Bóonowabu boololaal umbu bajakutumuu bújimuu Ateemit laateen awuñetolaal loon lawuñetumuu bukan kaabuku feh.

Kata Efées 4:17

Wahawu unwe kama léemimuu li ilobuul, ban li ílaañumul tó li kajaw kata Amaaŋenawu: muñeˈe jakum jinaak jiloŋ loon bukanabuku kákaanumutumuu li Ateemit balewool kuloŋemuu. Uyinoolawu wooliil ubajut jáliŋ.

Kata Efées 4:22

Joote kama jikat baloŋelabu booluul buhaanabu bakajenemuu uyinumawu wooluul, ban li jífu’ li kásiibowaku kajakutumuu kanaake kubuntuulumuu.

Kata Efées 5:6

Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool.

Kata Efées 5:8

Naanaŋ, bukuluul li élim jilakowe, bale muñeˈe bukuluul jumbuku li mawuŋaamu mata Amaaŋenawu. Jiloŋ loon bañiil báami li mawuŋe.

Kata Efées 6:12

Hutiikahu han oomaamuu li ho, inti eeniseen li bukan loomaal li ho, bale li uyinumawu wajakutumuu li kunahaanabuku kata wo, kaakumuu adunaayi inye yammuu li élimayi. Li oonowaal li hutiik li uyinumawu wata búl̥afutabu wammuu haatiya li emitayi.

Kata Kolos 1:21

Naanaŋ bukuluul jíloyiyenloyi Ateemit ban li jilako kulatoolawool, mata uyinoolawu wooluul ujakut, bakaanelabu booluul foof bujakut.

2 Tímote 4:10

Li mal̥egenamu, wahawu wata adunaayi wan Demaas afañumuu ŋáa’, íjiwooji li akatom bo, min ajow boot ésukayi yata Tesalonik. Kilesans lajowe boot li etaamayi yata Galasi, Tit li ajow boot li yata Dalumasi.

Saak 1:27

Buloŋabu ban Ateemit Atuubaawu afañumuu, boote bulako li mal̥egen buloŋ banabe. Bo bommuu: kalamben bañiil búkat, li kanaalaabuku kahokumuu kúyiniil ban li kóomi li sílaam, kahoy wahawu wajakutumuu wata adunaayi.

Saak 1:7

An loon muñaˈa jakum ayinoo li aan, fan al̥aw wah Amaaŋenawu, li abaj wo.

Saak 4:4

Min jinokoo muñowu li anaale átijut li áyinool bale! Kama jihaasut joon jifañumuu wahawu wata adunaayi, Ateemit jihoye? Mó mújimuu, an aŋalumuu adunaayi akaan abukewool, Ateemit laŋale akaan alatoolawool.

1 Fiyeel 1:14

Joote jítuul Ateemit loon bañiil batit, ban jakum jinab li kásiibowaku kooluul kata naanaŋ, nan jihaasut nomuu wahoowah.

1 Fiyeel 4:3

Li mal̥egenamu, jiŋaŋŋa’ naanaŋ taŋ yáamak min jinaak jikaan loon bukanabuku kákaanumutumuu li Ateemit balewool kufañumuu. Jinaanaak jíkaanikoo, li jibaj kásiibo kajakut, li jinaak jíkallenoo, li jinaak jitiñ jijow jiwuuhen, li jibaj kuwoog kata kákallenoo, ban li jinaak jikaan wah wáŋootiye ŋáa’ wammuu kamanen úciin.

2 Fiyeel 2:14

Li kuŋa’ kúkiliil feh kuya li kanaalaabuku, ban kúmusut kukat kakaan kahoofoo. Fan kunaak kubuutoo bukanabuku kágootomuu. Uyinumawu wooliil feh li woono li huŋes hubaj. Katekaku kata Ateemit kunku li buko.

1 Saŋ 3:10

An anaakutumuu akaan col, mantee foof afañut atuyool, anawu ummu alet añiil ata Ateemit. Muñowu lóotumaalumuu uhaasaal bukay kommuu bañiilabu bata Ateemit, li bukay kommuu bañiilabu bata Sayitaane.

1 Saŋ 3:8

An aloŋumuu li akaan kahoofoo, anawu ummu an ata Sayitaane. Mata Sayitaane yaan no li húkitumahu lahoofoole. Añiilawu ata Ateemit li abil boot kakajen bulokabu bata Sayitaane.

1 Saŋ 4:4

Kuñoolom, bukuluul bukan kata Ateemit joom ban jiheeheek kámalumuu koon kufulofet koom; mata Buyinumabu bata Ateemit bammuu li bukuluul buhaŋe sembe buyinumabu bata Alatoolaawu ata Kilisita bammuu li adunaayi.

1 Saŋ 5:19

Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.

1 Saŋ 5:4

Mata añiil anoowan ata Ateemit laheeheek adunaayi. Li káyinenaku koololaal lúheekumaalumuu adunaayi.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 16:17

Amalakaawu atoken li ál̥ubutawu li áyu ejunkayi yoola li élusayi. Hulim habaje sembe li hujami li Eluufayi yata Ateemit, habilumulo li efenjeŋayi yata jáyiiyaju. Li hoon: «Muñeˈe bane!»

Búhiisenumabu 20:2

Li ajok éjunfuulayi yammuu enuukayilaayi yahaanayi, ban li yoono foof Ammalawu mantee foof Sayitaane. Amalakaawu li ajok yo ajenk boot simit soono énjunne.