Máciya 10:16 - Jola-Kasa — Jijanten! Boot min iboñuul loon kúgalalaan boot li tut sijangibujal. Mó mújimuu, ban di jijij loon sinuukayila, li jíjoobi uyinum loon síleebaan. |
— Kama ayimaa ammuu aloka al̥egene ban li ájallo? Akila ammuu alokaawu an anahaanawu oola aŋa’muu kulokawool kaabuku asenool aaken, ánaakum aseniil hutiñiil taŋ yata hutiñ báliiŋe
Bale básungutaabu bájallomuu buko li kuŋa’ sihiitumasu sooliil, ban li kumit kul̥olen éduuliin li sitiisu kújowetum.
Bale básungutaabu bájallomuu li kooniil: “A’aa’, éduuliinayi let efit boot li áloli li boot bukuluul. Jijow boot bata kájulayemuu éduuliin, jijow jínoomul bo boot li bukuluul.”
Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.
Lihaase een nan emmuu li ijow, bukan kanokoole li sijangibujal sál̥afute, fan kubil kulako li bukuluul ban let kukat to bumatabu.
Kutuyom, jakum jinokoo li bañiil li mayinelamu mooluul. Nokoomuu loon mata kakaan majakut, jilako bañiil, bale loon mata kayinoo, jilako kunahaan.
Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.
Bajut to kajaahale kanookan, mata Sayitaane humumool lakaanekaan loon amalaka laam ata mawuŋe.
Bale líkolikoli min ban li kukaanuul uyinoo wajakut li buyinum, min jítukaati lit ban li jíl̥egenaati li hujokoolahu hooluul li Kilisita loon no. Enuukayilaayi muñowu foof émalumuu min ebunt Eewa.
Alóli jumbuku li kajuke to jakum bil an ayili áwatatenoli mata buu jítukumuu sídalamasu saluuk muñowu, san bukuluul jisenumuu.
bájum li jilako bukan kan an ayilaat awataten, bukan kajake, bañiil bata Ateemit batilut tanootan hákil bukanabuku kacolutumuu li kajakutumuu kata adunaaye. Joote jiwuŋen hákil bukanabuku umbuku loon siwuutasu sammuu li emitayi.
Wahawu unwu újimuu, áloli hunakahu nan jijamumuu li kulob mooluul, jikatut kal̥aw Ateemit boot li bukuluul. Alóli jil̥awe Ateemit min akaanuul jihaas jak húnongumahu hoola, naboo li bújallo li butuuko banooban ban Buyinumabu boola busenemuu.
Jiloŋ li bújallo ló hákil bukanabuku káyinenutumuu li Kilisita. Nanoonan nan jiyilo jikaan majake, li jikaan mo.
Bukuluul jammuu bukan kata káyinen jihaase bukuluul humumuul ban Ateemit foof lahaase kaanaku, buloŋabu ban áloli jiloŋumuu li bukuluul. Bulakolako buloŋ banabe, ban li bucol ban an ayilaat alob to wah wajakut.