Kata Fílib 2:15 - Jola-Kasa

¹⁵ bájum li jilako bukan kan an ayilaat awataten, bukan kajake, bañiil bata Ateemit batilut tanootan hákil bukanabuku kacolutumuu li kajakutumuu kata adunaaye. Joote jiwuŋen hákil bukanabuku umbuku loon siwuutasu sammuu li emitayi.

Kata Fílib 2:15 Referencias Cruzadas

Máciya 10:16

— Jijanten! Boot min iboñuul loon kúgalalaan boot li tut sijangibujal. Mó mújimuu, ban di jijij loon sinuukayila, li jíjoobi uyinum loon síleebaan.

Máciya 17:17

Yéesu li aan: — Huwaj, okila bukuluul! Jíyinenut ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu taate.

Máciya 5:45

Bájum li jilako bañiil bata Atuubawuul ata haatiya. Mata lakaanekaan banakabu bulumul li kál̥afutumuu, loon foof lakaane bomuu bulumul li kajakumuu. Li akaan emitayi élaalul li mata kajakumuu, li mata foof bukanabuku kal̥afutumuu.

Máciya 5:48

Jilako bukan kabajut kahoofoo loon Atuubawuul ata haatiya abajutumuu kahoofoo.

Hulimahu Hásuumaahu loon Lík akiic homuu 1:6

Buko kúl̥uba feh kukankaan bukan kacole hákil Ateemit, imban kútuttuul jak siluwaasu feh li kulimaku feh kata Amaaŋenawu.

Hulimahu Hásuumaahu loon Lík akiic homuu 6:35

Bale bukuluul jíbooli kulatoolawuul. Jikaaniil majake. Jicaagen bukan, ban jakum jíkangum min kulaañenuul wahawu wan jicaageniilumuu. Jikaan momuu, fan jibil jibaj busuuhen báamak, ban fan jilako bañiil bata Ateemit ata Haatiya. Mata Ateemit lásunsuum li kahaasutumuu kalaañen kaŋen, li kál̥afutumuu.

Hulimahu Hásuumaahu loon Saŋ akiic homuu 5:35

Saŋ lanokoonokoo loon ehiitum yayabeni min ewuŋen, ban bukuluul li jifañ min jilako li ésuumansuum jatit li mawuŋaamu mata yo.

Bakaanelabu 2:40

Fiyeel li alaañen alobiil kulim kameeŋe, boot kakaaniil kúyinen li boot kawankuleniil. Li aaniil: — Jífu’ li bukanabuku kata muñeˈe kajakutumuu, min Ateemit afakenuul.

Bakaanelabu 20:30

Fan baj maayeet li bukuluul bukan káami li kunaak kúmal, min kuñak kúgoomaku kunab li buko.

Kata Lom 16:19

Li mal̥egenamu, bukanabuku feh kuhaase buu jítuulumuu Hulimahu Hásuumaahu. Mó mújimuu, súumonsuum ŋáa’ li bukuluul, bale lifañe min jibaj bújallo boot kakaan majake, ban jakum jikat wah min újiwuul li jikaan majakut.

1 Kata Koolent 1:8

Ateemit ammuu li asenuul sembe min jítuk lit boot yok li húbanumahu, jakum bil an ayili ajuk li bukuluul majakut li hunakahu nan Amaaŋenawu oololaal Yéesu Kilisita ammuu li abil.

2 Kata Koolent 6:17

Wahawu unwu újimuu Amaaŋenawu li aan: «Jífu’ li buko, ban jikatoo li buko. Jakum jigo wah wasetut. Jikaan momuu ínje fan iyabuul.

Kata Efées 5:27

Lakankaan loon muñaˈa mata lafanfañ min aŋa’ Ejanguwayi áhiisoolo akila humool, loon anaale li matiineniyamu moola feh, mabajut humaw, mañootoolut, ban matilut foof tanootan, mantee li elako Ejangu yanabe, yan an ayilaat ajuk wah wajakut li yo.

Kata Fílib 1:10

mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul.

Kata Fílib 3:6

Lihankenhanken to bil gay li inaak ílaamen Ejanguwayi. Ulobaalumuu mata buloŋ bacole loon eluwaayi elobumuu, an let ayili awatatenom to li wahoowah.

1 Kata Tesalonik 5:23

Ateemit asenemuu kásuumaay ajow akaan min jilako li mal̥egen bukan koola, ban li afooy humumahu hooluul foof ho feh, li uyinumawu wooluul, saalasu li siniilasu sooluul, jakum bil an ajuk majakut li bukuluul, boot li hunakahu nan Amaaŋenawu oololaal Yéesu Kilisita ammuu li abil.

1 Tímote 3:10

Koote kujand kuyoobi, ban nokoomuu loon bajut wah wajakut wajuki li buko, li kukit kuyili kulako kujaakul.

1 Tímote 3:2

Anahaan ata Ejangu laate alako an, an an aatut ajuk majakut manooman li akila. Laate abaj anaale ano. Aatut awuuhen li wahoowah. Laate alako an abaje buyinum, ban li abaj buloŋ bajake. Laate foof alako an ayabe boola bukan jak ban li ayili awaale hulimahu hata Ateemit.

1 Tímote 5:14

Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.

1 Tímote 5:20

An akaanumuu kahoofoo, uwatatenool hákil ésukayi feh mantee kaabuku li kúkoli kakaan kahoofoo.

1 Tímote 5:7

Wahawu unwe lóotimuu ulobiil jakum bil an awatateniil li wahoowah.

Eleetalayi yan Fool akiicumuu Tit 1:6

Anahaan ata ejangu, an aatut ajuk majakut li akila, ban laate ayab anaale ano bale. Bañoolool boote bulako bukan káyinene li Yéesu, ban jakum an ayili awatateniil li wahoowah, mantee foof li lako kútuulut sibukoolayiil.

Eleetalayi yan Fool akiicumuu Tit 2:10

Jakum foof kúkuwetiil wahoowah. Kunaak kúhiis nanoonan kaanaku buko bukan kajake ban li kul̥egen, mantee li kúbinken li wahoowah feh, baliikenelabu bata Ateemit ammuu Afakenaawu oololaal.

Eleetalayi yan Fool akiicumuu Tit 2:15

Ujówum li huhaanaahu huya min ulob wahawu unwu, boot kawankulen mantee foof kawataten bukan, ban jakum ukat an min abesi.

Eébulo 7:26

Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.

1 Fiyeel 2:12

Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

2 Fiyeel 3:14

Kutuyom kan iboolaat, wahawu unwu újimuu, li kakobaku kata hunakahu unhu, joote jikaan manooman min jilako bukan kasete, bukan kan an aatut ayili alob majakut aya li buko hákil Ateemit, ban li jibaj kajamoo li Ateemit.

Búhiisenumabu 2:5

Uwayil̥o tay lúlowumulomuu. Utíiwo uŋa’ buloŋ buwunkul, ban li uloŋ loon lunaake uloŋ nomuu nan úyinenumuu lí ínje bútinaa. Utíiwowutumuu uŋa’ buloŋ buwunkul, fan ibil boot li awu, ban fan ífulen ehiitumayi yooli tan elakowemuu.

Búhiisenumabu 3:9

Wahawu unwe léemimuu li ikaan bukanabuku kata huwoogahu hata Sayitaane, kámalemuu koon buko kusuwif koom ban kulet kusuwif. Fan ituuŋiil kubil kúkuntuŋ hákili, min kuhaas koon lifañifañ.